جـانـا .. مـطـر ..!

وينك ترى جانا مطر احيا شورعنا ..
كل الشوارع امطرت ما غير شارعنا ..

طشـّت سوالفنا حنين ..
صبـّت دفاها للحنين ..

وأكثر غرابيل السنين .. ما عاد تجمعنا ..

وينك .. ترى جانا مطر ؟؟
مرتني البارح طواري في محطات العمر ..

وانا من البارح

عرفتك ..

تحتريني من امر ..
مـرّيت .. بيديني عطر ..

وأنفاس وآهآت وكلآم ..

بعضي فرح بعضي خصآم ..

تربكني خطواتي ..

فيني عمر آآآتي ..

ان عاش يهديك العطر ..

وان غاب بسكاتي

يكفيه يشعرك اهتمام يا نبض اوقاتي .. !!

وينك ؟؟

ترى جانا مطر ..!!

الله يا صوتك

وانا اتسمـّع هالمطر ذكرني بسكوتك ..

تـعآل (( لا يفوتك )) ..

شوف الزهر

شوف الأغاني والشعر ..

شوف البساتين بأمانينا يعانقها الشجر ..

شوف الحنان اللي تركني ليله البارح وجاك ..

اليوم ... ينسآني معاك !

ضيـّعت نفسي

من صحيت .. ابحث عن نفسي

دوّرتني يمكن سريت .. وياك يا امسي ..

لقيتني بين المطر

رجعتلك بيدي عطر ..

وقلت لك :

(( غطـّى شوارعنا ))..

كل الشوارع امطرت ما غير شارعنا ..

ويـنك ؟؟

ترى جانا مطر !

مشتاق لك !

جانا مطر

واستنطق الليل بسواليفه ..

خلف السهر

طل الشتا بنظره على صيفه ..

لما حضر

غاب الضما بين العيون المستعينه بالصبر ..

يا للعمر ..!!

وش كانت الدنيا بدونك يآ هذاك الليل

تطلق عنانك للقمر .. حتى صبح قنديل ..

قطره ورى قطره

تختلط دمعاتك بريح المطر

وتصافح المنديل ..

ويتسآقط
حكي ..

يسرق الشارع ضيا ليله وحيده ..

يقطف الواقع كلامه .. من عنا قيده ..
يـذوب ..

ويصب البكي !

طاح بالشارع ثلاث ارواح

القمر .. احلامك .. ورعشة عناءك ..

الشعور المحتوينا لما طاح

صاح

رجّحني على كفة غناءك ..

قام يطربني اغاني للصباح

حتى عانقت بصبحاتي مساءك

يا حنينٍ راح .. أطلبك السماح

أكثر اللي يعشق عيوني عطاءك

واكثر اللي شتت همومي ضياءك

واكثر احزاني دفاها من سماءك

قــوم

نسـّيني الجراح

مالقت هالروح اجمل من وفاءك ..!!

يا وفاءك ..!!



اعجبتني فااحببت ان تشاركوني روعتها

__________________

خاطره رااااااائعه بروعه كاتبها وناقلها

دمت بحفظ الرحمن

__________________

الله عليك

الله يعطيك العافيه عزيزي

__________________

كبوووة الخيااال يسلموو على هالخاااطره الرااائعه


في قمة الروووعة


يعطيك العافيه



لك كل احترااام وتقــديـر






تقبــل مــروووووري


__________________

__________________

شرفني تواجدك العطر
دمتِ كما تحبين

__________________

الله على طلتك الرائعه غريب الروح
ويعافيك ربي

منور بعودتك

__________________

الله يسلمك ويعافيك ربي
شرفني تواجدك العقرب الاسود

__________________

اللااااااه .. عشت اخوي كبوة الخيال

رائعة جداً بحسها الموسيقي .. صح نبضك

__________________

الروعه هوه تواجدك العذب اخوي جوي صعب
صح بدنك
اسعدني تواجدك

__________________

من جد روعة

كاتبها يملك قلم حساس ومحب وشغوف بمن يحب
ونافلها يحمل ذوقا رفيعا

يعطيك العافية على ذوقك الراقي بالإختيار

يعافيك ربي عاشقة الورود
شرفني تواجدك العطر

__________________

يسلمو اخوي كبوه

الله لايحرمنا من روعة كتاباتك

خانتني دنيتي
الله لا يحرمنا تواجدك الرائع

وهو ليس من كتاباتي لكن ما اعجبني ونقلته لكم
شرفني مرورك

__________________

تسلم اخ كبوة الخيال على هاي الخاطرة
بس مررة اطويلة

عاشقة الخلاوي

زاد متصفحي نوراً بطلتك الرائعه

مره طويله
لكن مررره روعه

وزار روعتها هوه قدومك

تحياتي

__________________