القصيم مستعمره بريطانيه<<<<لا يفوتكممممم

السنافيه · 13-Feb-2005, 02:18 AM

القصيم مستعمره بريطانيه للكاتب هوجاس

السلام عليكم ورحمة الله وبركاتة

في احد ايام الشتاء البااااردة ومع صوت ينابيع المياة الجارية

والحان الطيور المغردة>>بيتنا ورا شلالات نياغرا

وزقزقة العصافير على شباك غرفتي

كنت منجطلاً * على سريري انظر الى سقف غرفتي متأملا ومتفكرا في شريطي اليومي

فلقد وقفت عند لهجتنا حنا يالقصمان

وكلماتها التي تكاد انت تكون انجليزية>>مانلعب ابد

فإذا بي يراودني شك عظيم >>>متعوب عليها جدا

ان تكون منطقة القصيم مستعمره انجليزية

ولكن كيييييييييف؟ولماااااااااااذا؟وhow؟ >>طلع العرق

ففي كتاب

THE HISTORY OF AL-QASSEM VICTORY

للكاتب دحيم البيج ماك

ذكر ان ملك انجلترا لويس الرابع عشرزار منطقة القصيم وعزموه شيبان القصيم

وطلعوا كشته للبر عند (ام دباب)*

ويقول الكاتب انهم قاموا يطعسون بحميرهم الله يكرمكم واستانسوا وانبطسوا

فاستعمرت بريطانيا القصيم وسميت المدن القصيمية باسماء انجليزية فمدينة بريده سميت لندن والرس بمانشستر والمذنب ليفربول والبكيرية مدريد>>وش جاب لجاب

اما مدينة عنيزة مابعد يدخلونها الانجليزين بس يوم شافوهم الفرنسيين قالوا وش حيثكم تاخذون عنيزة

علشان كذا تسمى عنيزة بباريس نجد

ويقول الكاتب انه اصبحت القصيم نظام انجليزي حتى في اللبس حيث اصبح اللبس الرسمي

سروال سنه ابو رحله كاروهات

وفنيلة علاقي دروش مطرزة

وشماغ البسام البصمة سالب50

هذا للرجال اما الحريم
عباية فرساتشي مع نقاب جوتشي

وحينما نقف عند سيرة الكاتب الذاتية نجد انه والده (( عبيد البيج ماك ))

وامه (( سوزي الماك تشيكن ))

وهم من قبائل الماكدونالدز الشهيرة والذيذة

حيث كان والد الكاتب ممن يبسطون الكراث في سوق الخضرة

وامه من اللواتي يبيعون في سوق الجديّدة * ديرم وحنا

للدوقات * الانجليزيات وبعدين شافوا بعض وحبوا بعض وتزوجوا

=============فاصل اعلاني===============

الراعي الرسمي

مجموعة صالح الدريبي للاستثمار والتطوير العقاري

(( قوووة العبوووور الى بااااتسر* ))

&&&&&&&&&

المشروب الرسمي

كوكا كولا

(( هيا بنا نقرطع * كوكا كولاااااااا ))

&&&&&&&&&&

السيارة الرسمية

شفرولية كابريس

كيف تعيييييييييش

كيف تعيييييييييييييش

بلااااااااا كاااااااااااااااابرييييييييييييييس

==================عدنا==================

المهم نرجع للموضوع الاصلي وهو الكلمات التي وقفت عندها

حيث وجدت ان القاموس القصيمي ملئ بالكلمات الانجلزية

مثلاً:

الكلمة الاولى

1
الكلمة القصيمية
مرادفها الانجليزي

قوووه
GO

قووه ليست قوة بمعنى طاقة

لالالا قووه

تعني : هيّا

وهي من اكثر الكلمات القصيمية استخداماً وشيوعاً

مثال على ذلك :

يقول الاب لابنه دحيم*: قووه نروح نسلم على عمك

يعني :

هيا بنا نذهب ونسلم على عمك

$#$#$#$#$#$#$#$#$#$#$#$#$#$#$#$#$#$#$#$#$#$#$#$#$

الكلمة الثانية

2
الكلمة القصيمية
مرادفها الانجليزي

هماي
AM I

وهي من صيغة من صيغ السؤال

ومعناها: الم؟

وليس ألم بمعنى وجع

مثال على ذلك:

يقول الاب لابنه:

هماي قايلك جب جريدة اليوم؟؟

ومعناه :

ألم اقل لك ان تأتي بجريدة اليوم؟؟

$#$#$#$#$#$#$#$#$#$#$#$#$#$#$#$#$#$#$#$#$#$#$#$#$

الكلمة الثالثة

3
الكلمة القصيمية
مرادفها الانجليزي

ييّزي
EASY

اختلف علماء اللغة في معناها ولكن الاصح هو

خلاص او يسد* او بس

مثال على ذلك:

تقول الام لولدها الدب :

بس ياوليدي ييزي اكل صاير مثل بقر الملوحي*

ومعنى الجملة:

توقف يابني عن الاكل ، خلاص لقد اصبحت كأنك بقر الملوحي

ونرى انه هناك احتلاف في المعنى القصيمي والمعنى الانجليزي حيث انها في الانجليزي تعني بسيط او سهل

ورجح العلماء الاختلاف هو بسبب ظروف التعرية والتصحر

$#$#$#$#$#$#$#$#$#$#$#$#$#$#$#$#$#$#$#$#$#$#$#$#$

الكلمة الرابعة

4
الكلمة القصيمية
مرادفها الانجليزي

هوّ
OH

وهي اسلوب وصيغة من صيغ التعجب

ويجب ان يأتي بعدها سؤال في اغلب الاحيان

فمثلا

تقول الام لابنتها النائمه:

هوّ!! وراتس * مارحتي الجامعة اليوم؟؟؟

معنى ذلك :

لمذا لم تذهبي للجامعة اليوم؟!!

وعلل علماء اللغه ان (( هوّ )) عكس مرادفها الانجليزي وذلك لانه المعروف بان اللغة العربية تبدا من اليمين لليسار

بعكس اللغه الانجليزية التي تبدا من اليسار لليمين فأدى ذلك الى عكس الكلمة كلياً

$#$#$#$#$#$#$#$#$#$#$#$#$#$#$#$#$#$#$#$#$#$#$#$#$

الكلمة الخامسة

5
الكلمة القصيمية
مرادفها الانجليزي

كوُد
CODE

وهي احدى اخوات كان وهي اسلوب من اساليب التمنى

والتوأم الروحي لكلمة ( ليت ) ويضاف اليها احيانا الضمائر

ويتيبن انه معنى الكلمة يختلف عن معناها الانجليزي والسبب في ان القصمان بسيطين وحبيبين وماعندهم تشفير وارقام سريه وخرابيط قالوا خل* نخليها اسلوب من اساليب التمني

ومعناها:

ياليت

ومثال على ذلك :

تقول الام لابنها الدلخ*:

كودك ياوليدي تطلع الاول

ومعنى الجملة:

ياليتك يابني تطلع الاول

$#$#$#$#$#$#$#$#$#$#$#$#$#$#$#$#$#$#$#$#$#$#$#$#$

هذي ياعزائي اشهر الكلمات اللي وجدت بينها وبين الكلمات الانجليزية تشابه وتطابق

عاد ما ادري وشو السبب

وسامحونا على الصواريخ والالعاب النارية

بس ترا الموضوع من اوله الى اخره مزح

لاحد يصدق ، بكرا نلقى شباب القصيم متسدحين بالهايد بارك

اللي يقول بزور عمتي اليزابيث واللي يقول بروح اتغدا عند خالي طوني

الموضوع مزززززززززح الا الكلمات صدق

وشكرا لحسن اصغائكم

THE END

-------------------------------------------

معاني الكلمات :

* منجطلاً : يعني منسدحأ لكن بزيادة في التسدح وماخذ راحتي على الاخر.

* ام دباب : وهي من اكبر الطعوس والنفد في منطقة القصيم .

*الجديّدة : سوق شعبي في مدينة عنيزة .

* باتسر : في الاصل (( باكر )) بمعنى غداً

* نقرطع : بمعنى ان نشرب بكثرة وسرعة .

* دحيم : اسم الدلع لعبدالرحمن كذلك ( ابو داحم ) و( الدحمي ) .

* الدوقات : مرتبة نبيلة للسيدات الانجليزيات مفردها دوق .

* يسد : بمعنى يكفي او خلاص او فقط .

* بقر الملوحي : مزرعة للملوحي يشتهر البقر فيها بانها سمينة ومليانة حليب .

* وراتس : هي في الاصل (( وراك )) بمعنى لماذا .

* خل : ليس المقصود بالخل حق الاكل لا وانما خل بمعنى اجعل او نجعل .

* الدلخ : بمعنى غبي وهي كناية عن الغباء الشديد .

شرايكم عســــــــــــــــــــــــــــــــــــــــــى اعجبكمممممممم

aBo FaiSaL · 13-Feb-2005, 05:23 AM

هههههههههههههههههههههههههههههههههههه
حلوة يالسنافيه
* الدلخ : بمعنى غبي وهي كناية عن الغباء الشديد .
اعجبتني هههههههههههه

الضامي · 13-Feb-2005, 06:09 AM

ههههههههههههههههههههههههههههههههههه

الكلمة القصيمية
مرادفها الانجليزي

ييّزي
Easy

اختلف علماء اللغة في معناها ولكن الاصح هو

خلاص او يسد* او بس

مثال على ذلك:

تقول الام لولدها الدب :

بس ياوليدي ييزي اكل صاير مثل بقر الملوحي*

ومعنى الجملة:

توقف يابني عن الاكل ، خلاص لقد اصبحت كأنك بقر الملوحي

ونرى انه هناك احتلاف في المعنى القصيمي والمعنى الانجليزي حيث انها في الانجليزي تعني بسيط او سهل

ورجح العلماء الاختلاف هو بسبب ظروف التعرية والتصحر

ههههههههههههه الله يرجك اما اختلف علماء اللغة

انا توقعت مفهيه يالسنافيه لكن بصرحه مو لها الدرجه ههههههههههههههه

يسلمو ووووووووووووووووو سن سن

موضوع ولا اروع هههههههههههههههههه

صدى الايام · 13-Feb-2005, 01:29 PM

هههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههه
يسلمو السنافيه على الموضوع
اوه نسيت ان المهند تخصص اقتصاد
>>>>>>>>>> يبي يطير المهند من التدريس وبيوظف السنافيه
اما هالكلمات خيال ايزي وهووو
يعني كملتي الجزاء الثاني من اللغة القصيمية وريحتيني من البحث وتحضير المواضيع
هههههههههههههههههههههههههههههه
بس تدرين ان جدتي الله يرحمه اقوله اول ابي ريال وتقولي كودووو انشاء الله واخر شي اطلعو لنا بمطاعم كودو
شكلي ابروح ارفع قضيه عليهم على الاسم التجاري هذا من حق جدتي
هههههههههههههههههههههههه
يسلمو سنافية على الموضوع
تقبلي تحيات اخوك
صدى الايام

خطوة آمــل · 13-Feb-2005, 06:30 PM

هههههههههههههههههههههههههه

طلعت فضايح القصماااااااااااااان

يسلمووووووووووووو السنافيه على هيك مووضوووع

السنافيه · 13-Feb-2005, 11:44 PM

ياحبي لكــــــــــــــــــــــــــــــــــــــــــــــــ ـــــــــم

وشكراااا على ردودكمممممممممممممممممممممممممممممم

سؤالي ههههههه اكثر شي عجبك الدلخ مع انها تستخدم لحد اليووووووووووم ومعروفه عند كل الناس

والضامي ماشفت شي بس عطوني فرصه

خطوه امل تتوقعينهاا فضايح هههههههههههههههههههههههههه<<<<<<<<<<<<<انا اعتبرها فخر

صدى الايام وش قصه الوظيفه تراني جد ابي اتوظف <<<<<<<<<ماصدقت خبر
وبعدين كودو ويزي تصدق حتى جدتي الله يرحمها كانت تقولهااااااااا اقول بس لاتسير اخوي وانا مادري ههههههههههه

المهند · 14-Feb-2005, 02:19 PM

خخخخخخخخخخخخخخخخخخ

الله يـــرجــــــك ياالسنــــأفيــــه

شكلك مولوده بحيالت ربيشه على هلحتسي

طلعت المواهب يا سناافيووووه

يسلموووو على الموضوع الرائع

وانت يا صـــدى لا اشوفك توطوط عندي تبي فلوس المدرسه

خخخخخخخ الله يرجك

Dream · 14-Feb-2005, 03:54 PM

ههههههههههههههههههههههههههههههههههههه
اختلف العلماء حلوها هاذي
حلوة اختلف العلماء هههههههههههههههههههه

السنافيه · 15-Feb-2005, 01:23 AM

المهند لا الله يعافيك لا تقول الله يرجك قل الله يهديك ههههههههههههههه
شكلك مولوده بحيالت ربيشه <<<<<<ايش هذا اول مره اسمع فيه

دريم عجبك اجل

شكرااا على ردودكم

القصيم مستعمره بريطانيه<<<<لا يفوتكممممم

مجلس للصرقعه والهبال