قصتي في المستقبل الماااضي ((عن الاختباارااات))

]اولا




ناسف لهذ الخلل الناتج عن عطل في محركات المخ عندنا




محرومه من التاليف مخي معصلج معي من مده




الموووووهم




في ذاك اليوم المشرق كنت أقرأ احد كتبي الدراسيه الي بختبر بها بعد كم يوم الكتاب يالله تشيله من كبره




المهم حسيت أن أيام الدراسة بمصالتها وكرفها وهمها املح بكثير من الكتب الجامعيه وهمها




<<< كاشخه عليكم بانها في الجامعه


وانا قاعدتن اهوجس




اااااه الله يارجه يا سرع الدنيا بقي لتس اسبوعين

وتصيرين خريجه وباطله << مو زي زواج عتريس من عبله باطل المعنى يعني من ضمن البطاله :

sh6:




هههههههههههههههههههههه خلاص بس انا متاكده

انكم فهمتوني




ياهووووووووووووووووه بالله فيكم احد جامعي << اقول

اهاا انطمي بس ماكن بيتخرج غيرك





وفي تلك الاثناء انسدحت على الكرسي عشان أبى أتذكر

أيام الدراسة ايام المدرسه والهبال




<<< إذا جت تتذكر لازم تنسدح بكيفي أنا ودمجتي نتفاهم

وهذي من ديناميكيات مخي المعقدة ابن أمه يصير مثلي





<< الا والله من كثر التدميج الي جاها




المهم أبى أتذكر شي يقهر بأيام الدراسة عشان أحب الحياه الجامعيه




<< توك تحبينها يوم جيتي تخرجين


قمت افعص أفكاري مافية أمل مارضى يطلع شي


عقدت حواجبي <<< يقولون يساعد على التذكر






ماش مافية لا امل ولا سعاد ذا المره عقب ما مليت قمت افغص وأعصر براسي يدويا كود يطلع شي منا وإلا




مناك بس لا حياة لمن تنادي ....


رحت فكيته وحركته ما أدري يمكن شي يخلخل يقرقش وإلاشي بس مافيه المسامير مربطة زين..

قعدت على حيلي وقلت مخي قسمن أنك بايخ يا شيخ تتغلى أنت ووجهك



خلني أبى أتذكر شي يقهر أيام الدراسة <<حليله مع مخها



قالي طيب طيب أنسدحي على الكرسي

أنا على طول تعفطت فيه وقلت يالله جاهزه تشيييييز
<< تحسب الموضوع فيه تصوير

عقب ثواني قالي يالله بسرعه بسرعه طلي وأنا اللي أنقز واطل بدت تطلع لي صوره يااايك ما هذا الشي اووف اووف اووف
مطيوره << صديزت عمري
قالت ايه مطيوره إيه ليش مهوب عاجبتس ياحبي لها اخلاق البنت .. امحححححق

قلت لا ياوخيتي العذر والسموحه

قامت ضحكت ويا ليتها ما ضحكت الأدميه ذي ما تضحك ضحكت بشر لا إذا ضحكت تشوف المعدة وتقدر تحدد وش


هي زارطة الصبح

وإذا كان نظرك 6 على 6 ممكن تلقى بعض الشوائب مثل خاتم بكله <<كنها بزر اللي يوصل يدها بفمها على طول






المهم قمت من الروعة وعصبت على مخي

قلت له يا حمار أنا قلت ودي أشوف شي يقهر أيام الدراسة




ابي احب الحياة الجامعييييه

قام قالي طيب طيب يالله تعفطي

قلت يالله قدام المهم ما أمداني أتعفط إلا وألاقي مطيوره نفسها بس هالمره لابسه مريول وتحرك
حواجبها وتقولي ياقاهرهم

....طوالي قمت قلت ما تفهم أنت؟؟ قلت أيام دراسه

قالي طيب هاذي هي لابسه مريول
تميلح انت وخشتك

قلت هين أنت الظاهر يبيلك تأديب

قمت ورحت لأقصى الصالة واركض و اركض واركض واصقع دمجتي بالدربزين

ما أدرى إلا والخفافيش السوداء تدور عليه ما فيه عصافير هم تفغصوا من زمان وماتوا من كثر الدمج

عقب شوي ما دريت إلا وأمي تراكض من أخر الصالة وتسمي يوم وصلت لي وتمحطني بذيك
الزبيريه اللي طلعت خشمي من ورى

..همن قالت لي وش فيك؟؟ أنتي خبله ارفقي انبسط قلت الله امي صارت حنونه
على الدرابزين يامال الكسار

<<<غاسله أيدينها أمي مني أثرها تسمي على الدرابزين



ما علينا أنا مشغوله الحين بروح أتذكر

رجعت لكرسيي الحبيب وتعفطت مرتن أخرى قلت يا لله عاد عقب هاللي جاك اعتقد انك فهمت وإلا ترى عامود الكهرب قريب

قال لا لا لا توبه هالحين <<<مجربها قبل كذا

شوي واغمض عيوني وصدق طلعت بذاكرتي

وأخيرا طلع شكلي كنت أذاكر كتاب القواعد << وانا ليومكم هذا ما اعرف فيه شي مدري وشلون تخرجت من الثانويه

عقب شوي سكرت الكتاب بعد ما يئست من فهمه وقعدت أفكرواعفط بحواجبي لين صاروا دواير من زود التفكير

وبدائت بوادر الفرح تشرق على محياي<< متعوب على ذا الجمله

وقلت وجدتها و جدتها قمت مسكت الكتاب ولزقته بخشتي وشفطت شفطه قويه بزعمي ترى شفطت
المعلومات بالكتاب ثمن بلعتها >>>>تفكر بالمعده طال عمرها
المهم اللي قاهرني إني بذيك اللحظة كنت اقنع نفسي أني غير البشر

وأن عندي قدرات خارقة اقدر اشفط المعلومات المشكله أني صدقت نصبتي

ورحت أنام بعدين من بكره وهذا من جد الأمّر وأدهى << تسمع بذا الجمله قمت الصبح بعد الاختبار شفت
نفسي انفخ بقوه بزعمي الحين أفضي مخي من المعلومات

عشان ما تاخذ مكان المادة الجايه واقدر اخزن مره ثانيه
ههههههههههههههههههههههههه

اللي فاقع مرارتي أني يوم الاختبار عجزت أذكر شي أبد حتى أسمي ما قدرت أذكره... أتذكر بعض
الحروف بس ماش الترتيب ضايع مره كني اذكر ان اسمي فيه ارقام
<< راحت وطئ البنت

وما قدرت أطلعه من بؤرة قريحتي إلا يوم انسدحت بأرض القاعه <<< اقول ترى خلاص بنظم
للادباء بعد ذي

ضاق صدري ما توقعت أن الدلاخه مستعمه في ارجائي لذا الدرجه

...قمت غيرت القناة وحطيت على خشة مطيوره وقسم انها أرحم :)

وجبت فشار وحلاو وحليب وكملت البرنامج التذكري
رجع بي لايام الثانويه

الله يالدنيااااا
في ذا المرحله صار تغير كبير في حياتي نقلوني جمب وحده بنت جديده يقال أنها جت من مدرستي القديمه

...البنت طلعت كتابها اللللللله نظيف لها 3 أيام بغلاف لا ذا شي غريب عندنا

.قلت لها ليش ما تكتبين اسمك على الغلاف << تبي تتعرف بس ما تدري شلون

قالت لا بعدين يشوه المنظر العام

قلت اها ولو إني مدري وش تقول

عقب شوي طلعت كتبي اللي ملونتها جلد بقر بالموزيل وقلم السبوره
<< تسمع بالنظافه

وأدور كتاب الماده اللي ناخذها طبعا دايم تروح نص الحصه وأنا أحاول اطلع حرف من الكتاب ما قدرت من كثر الخطوط فوق وتحت وعلى وجنب الكلام مايبين شي ومهوب من زود الشطاره إلا ودي اجرب الأقلام حقت البنات

<<<تسمع بشي اسمه دفتر

المهم يوم لقيت الماده الحمد الله وأطالع البنت وين وصلوا

يقطع بليسها تخطط الكتاب بقلم رصاص ومسطره وبعض الأحيان إذا هي مروقة استخدمت مثلث

ولو يميل خط وإلا ما يتوازى مع الخط اللي فوقه مسحته

ما دريت إن فيه ناس بهالنظافه على سطح الأرض

شوي وتلتفت علي وتصرخ ياوسخخخخخخخخخخخخخخخخه
قلت ووووووووووجع روعتيني بس تصدقين دمك خفيف

قلت وشو هو صدق إني ما غسلت مريولي من يوم شريته بس وش أسوي نظيف

أنا قلت هالكلمه من هنا البنت أغمى عليها من هناك

.بعدين اكتشفت أن قصدها بالوصاخه الخطوط اللي على يدي والموزيل اللي على أظافري ياحليلها تحسبني لابسه قفازات

...نسيت أقولكم إن البنت أسمها ورده بس بعد 40 يوم من تأثيري المباشر صارت ما ترد إلا على أحد الأسماء التاليه

شجره بدون ورق .. غصن يابس .. شوكه

هو صدق قعدت أربعين يوم لين صارت مثلنا بس عاد الناس قدرات

المهم جت مطيوره <<< لا تكونون نسيتوها من زمان عنها .

..المهم جت لمي أنا وغصن وقالت ..


زوووووووووووووووووووووووووووووووووووط << صوت شريط الذاكره ينقطع



دوف طاخ طاخ <==الاولى صوت وقوعي من الكرسي عقب ما روعتني دقه جوالي الثانيه والثالثه عباره عن ضربتين وحده لي والثانيه لدمجتي من الوالد الله يحفظه الي اقلقه رن الجوال << ترى الوالد يسمع بالرقه



قلت يبه ياشيخ مالك داعي والله خوفتاني كنت أتذكر أشياء...قال لا يا شيخه إلا تعرفين تتذكرين ماخبرته

__________________

هههههههههههههههههههههههههههههههههههههههههههههههههه ااااااااي


تنسيم

الله يرجك يامون

يسلمو على الموضوع

<=-=-=-=-<< هذا المستخدم غير موجود بالخدمه لاهي بضحك على موضوع مووون الخبله

خخخخخخخخخخخخخخخخخخخخخخخخخخخخخخخ الله يقطع ابو خال ولد جيران شيطانك

على هالتحفه يسلمووووووو على الموضوع الفله والمنسم

__________________

عدنا

ويرجك معااااي ياارب يااا الكلاااسيكي

__________________

هلابك عيوووني
بس وش رااايك بالموووضووووع

__________________

وي ليييش منت بموووجووووود



اقووولك ارجع احسن لك لا اوريييك كيييف الحييييين

__________________

موووووون


شاربه شي قبل ماتكتبي الموضوع


هعهاااااااااااااااااااي يامرقوقه

__________________
:180:
[نعتذر ولكن فقط الاعضاء المفعلين لحساباتهم يستطيعون مشاهدة الرابط . إضغط هنا للتسجيل لدعم جهودهم]

مون رجعت ورجعه الصرقعه معها من جديد


الله يرجك رجا مبرحا

__________________