تغيب شوي ....
ياخذنا الحنين لسيرتك - للضــيْ
تغيب شوي
تسرقنا الحياة لقلبها الطاغي حزن
..... وتطوف بين الحـيْ !
تغيب شوي
.... وتبعثر شواطينا على المينا
تهجرنا أمانينا ..
.. تروح أرواحنا فينا
ولا هالبحر يغرينا
......... ولا هــ المـــيْ !
تغيب شوي ....
تطيح دموع
بقهر أكبر من الموضوع
يموت السؤال
وينولد بين الإجابه صوت آآآآه
بثرثــــرة مـــوّال
.......... وكثير أشياء ماتنقال !
من اوّل ليل لآخرها .. السهر موجوع !
نركل الليل الطويل بزاويتها
انـــــتـلاحق مابقى من عافيتهـا
تطيــــــح دمـــوع !
تغيب شوي
واكثرنا مع غيابك
يتوووه !
في ليلك الحالك
كثر هالوقت ما جابك ..... نحس بجـــوع !
تجـــي ..
.. ونغيـر الموضوع !
كأنـــا .... مانحس بـــ شـيْ !
تغيب شوي ..
وتضيع السوالف من شفايفنا
هرب منــا الكـلام
وصَحَت بأحلامنا أحلام !
خذينا الصبح في وجه الطريق المظلم
وجينـــا !
ولا خفنـــا
نبي نكتب على المينــا سوالفنا
عواطفنا
من الضيقه عشقنا الهم
ضيـّــعنا الفرح فــ اليـَــم
تخيــل لمـا حبينــا ...
اثاري الصبح ناسينــا !
ما به شمس !
ولا به فـــيْ !!
تغيب شوي
وتموت المداين
مدامعنا على السكه حزينه
ذبول الورد .. ماخلاّ جنايـن
مواجـــع .. من مدينه لـ مدينـه !
تغيب وكل ما بــالكون كاين
كَريــــه العالم ..... الدنيا لعينــه !
تغيب شوي ْ
ماتدري
عن اللي كان
واللي كان !
عن الشارع ..
.. عن الدكـــان
عن الطفله الصغيره
اسمها ( منيره )
عن الطيش وسوالفها ......
لعبتها ....
.. طرايفهــــا
تعال اسأل ديارفهـــــا !
طفت في حزنها منيره
ولا طلـّـــت على الجيران ..!
لأنك
.. ما تزور الحـــــيْ !
تغيب شوي
وغيابك
كسر حلم بوجيـــه أطفال
جرح فرحه تزف آمـــال
( شهد - احمد - حسن - ريمـــه )
تلاقيهم على بابك !
( فجر ) ضحكتها القديمـــــه !
تغيب اليوم بأسبابك !
.... تباكوْ اغلب الأطفال
غيابك
ما يسـرّ الحال .......
...... ترى ياخــــــيْ !
تغيب شوي ..
الضيقه تلاحقنا ..
ودمعتنا تــسابقنا
حقيقه .. كلنا ضقنــــــا !
هذاك الباب مو بابــــك
..... ولا الأحباب اصحابك
ولا الجيران احبابــــك !
تخيـّــل !
قالوا انك رحت شايـل
............ من عنا دنياك همك
فرحتك ماهي كثير !
صباحك غير
ولا حتى مساك بخيــــــر !
تعثــــر حظــك ...... وميـّـــل !
طيــّــب
ليــــــــــه ؟!
كثير اللي يحبونك
....... تجازيهم عذاب وتيـــه !
طيب ليـــه
حزن ودّاك ماجابـــك ...؟
وأحبابك ؟.......
........ وأصحابك ؟
تضيـــق هنــاك
تضيـــق اهنيـــــــــه !
....... نفس الشـــيْ !
نفس
الشي !
.
.
.
تغيــب ويطفي الواقع .. ونشعر بالخيـــال المــــر
مع انْ احلـــى صباحات العمر كانت خياليــــه
تغيب ويرتبـــك هــذا الشعور المنطفـــي ويمــــــر
على عمر المساءات اللي كانت يوم ورديــــه ..!!
كثير صــغار قالوا ليه .. هو لون العمر اسمـــر ؟!
كبرنا .. ماعطينا من ضيـــاه لــ حزنـــه شويه !
تمر جْـــروح هالدنيا علينا بدمعها الأحمر
وحنــا قلوبنـا بيضـا .. نقابلهــا على النيـــــه ..!!
تصبرنا على الدرب الحزين ويومها اثمـــر
شقا غيـاب هم احباب بالحزن وبلاويــّــه !
تغيب ويجرحون الصبح يا صوت المسـا المقمـر
ولا نفحــــــه صباحيه .. ولا غيمــــه مسائيـــه !
كثر ماكنت لأيامـــك كريم بوقت يتذمـــــر
كثر ماكانت احلامك عطوفه بكل حنيـّـــه ..!
كثر ماكنت تروي من حكاياتك على اللي مرْ
كثر ما سولفت هذي الشوارع فيك ليليـّـــه !
تغيب وتشغل قلوب
وقلوب بــ غلْ تتمرمر !
غيابــك عـــوّد العالم على طبــع الأنانيـــــــه !!
.. .. ..
.. ..
..
.. اقعد اناظر بالمرايا اشوف وجهي على طول ينكسر فؤادي .. شف حتى دخل راسك وناظر >> 
.. مكسور فؤادي !! << مسكين
تعليق