من مواقفي المحرجه

السلام عليكم ورحمة الله وبركاته

الصراحه الانسان يمر بمواقف في اوقات يحس نفسه فيها بمنتهى الغباء
وهو نفسه الي يحط نفسه فيها وعلشان كذا يقول بين وبين نفسه ياريتني ساكت احسن لي
ما ادري يمكن الكثير منا مر بمثل هالمواقف *
يالله الانسان ما يتعلم الا من اخطاءه
علشان اطولها عليكم
شوفوا ايش موقفي وقولولي كيف الواحد بيتصرف لو مر بكذا موقف

كنا مجتمعين في بيت الوالد طبعا انا واخي الكبير
وزوجته المصون واخواتي الكريمات وزوجة ابي الكريمه ايضا

وقاعده الفالحة اتسولف بوسطهم وتتكلم عن احد المحلات التجاريه وان فيها وفيها واتوصف
وبعدها اعجب اخي بالمحل وقال لي وين محله بالضبط هل هو يصير شمال ولا جنوب شمال المكان لفلاني
انا وقفت اشوي قلت هو يصير فوق من هنا وبعدين رديت وقلت من وين يكون الشمال
وصرت ااشر بيدي بشكل دائري والله لا يوريكم قعد اخوي يضحك على اشلون متعرفين تحديد الشمال وانتي في البيت
خبركم عاد احنا ما نعرف الشمال او الجنوب الا على الخارطه وفي الجغرافيا
اما اذا قالو لي بيتكم شمال المدرسه والا جنوبه اتبلعم ولا اعرف ارد
عاد اخوي اخذ الوصف بعدين من زوجي لا بعد ما قعد يعلمني ساعه اشلون اميز الشمال من الجنوب واشلون اعرف ابين الشمال من الشرق ومحاضره طويله بعد الضحك هنهنهن
هل مررتم بمثل تلك المواقف
ام انا الوحيده من النساء لا تعرف اتميز الجهات الا على الخارطه
وهل يعتبر ذلك غباء منى ام سوء فهم للجهات الاصليه والفرعيه
وهل السبب في ذلك يرجع لعدم قيادة المراءه للسياره لدينا في السعوديه
آمل الرد على الموضوع وانا بالانتظار
هل هناك ناس مثلي ام انا الوحيده بجهلي