الله لا يوفق عدوك ... صرت ما أعرف أنام
والكلام اللي نطقني ... كان ما قبل الكلام
ويوم شاورت النسايم ... اختلط جوي بجوّك
الله لا يوفق عدوك ..
الشواطي .. كانت بصدري ثلوج
قلت : هذا موعدك
هذي هي حزة لقاك
ورحت ازهـّب كل نظراتي لشوفك
أعرفك .. أعرف ظروفك
عادتك تقبل ثواني .. لين أضيع بـ ليل عينك
وتاخذ عيوني معاك
وللأسف ما خاب ظني
جيت من باب اليقين
شوفني واسألني عني
( مو حزن لكن حزين )
أغلى غاليني طعني
وين أنا والنوم وين ؟
كان فيني شمعتين .. دمعتين بـ عين
وإيديني وشوقي
دورن فيني عليك ولا لقتك
مادرن إنك مسافر بيني وبين الكلام
اللي من شفتك نطقني
ياللي مرجحت العواطف
لا تغيب ولا تعود
طعنتك للحين تمشي في ضلوعي
رشـّت بكل اتجاهاتي وجعها
ولا منعها غير
خذلان الوعود
شاعري أدري
وأدري
إني ما أدري
ودريت
إن خوفي .. كان أصدق من .. كذب
إن شوفي .. صار ما يكره .. يحب
وإني هديت اللي بنيت !!
ياخي والله تعبت
يوم .. يومين وشهر
حزن .. وهموم .. وقهر
ياخي مليت السهر
عطني عيوني بنااام ..!
من هذاك اليوم .. لليوم
وكلامي فيه رغبة إنتقام
فيه حسرة طير حام ..
حااام
حااام
طال بجناحه رضا صدر السما
ويوم نادته المواني
انحبس عشرين عام
إنت ما نمت بـ عيونك
اللي نامت بك عيوني
لا تخلي هالنظر في راحتينك
إطلق عيوني بـ نام
عطني فرصة بـ شوف عينك
خلني اسألها مره :
هي تحب إني أكون انسان كامل
أو بدون عيون أمشي
والسلاام ..؟!!
صرت أخاف .. وصرت أخاف
ما معي غير العفاف .. وقلب وافي
وإنت يا سارق عيوني
لا تساهلت الكلام
ولا تثاقلت القوافي
يعني ما قلته أنا من قلب صادق
جاك في كامل شعوره ...
وراح حافي !!
لا نفعت ولا انتفعت
لا نزلت ولا ارتفعت
لا ظلمت ولا سلمت
ولا رقدت ولا حلمت
ياخي والله تعبت
زين .... لا تسمع كلامي
ردّ لي بعض اهتمامي
والوفا .. والاحترام
والا تدري ...
ما أبي منك عطايا
إنت يكفيك بحياتك ما حصل لي
عطني عيوني بـ نااام
عطني عيوني بـ نااام
عطني عيوني
ونااااااااااااااااااام ...........................
تعليق