إذا كانت هذه زيارتك الأولى، فتأكد من:
اطلع على الأسئلة الشائعة بالنقر على الرابط
أعلاه.
قد تحتاج إلى التسجيل
قبل أن تتمكن من النشر: انقر على رابط التسجيل أعلاه للمتابعة.
لبدء عرض الرسائل،
اختر المنتدى الذي ترغب بزيارته من القائمة أدناه.
طبعا ياعيوني ياعيون
الكل بيقول لو اخربت السياره
هناك شروط وضوابط ضروريه
قبل تسليم السيدات رخصة القياده
ومن اهمها دفع مبلغ تامين للاعطال مسبقا يجدد دفعه سنويا
يعني المساله مرتبه باذنه تعالى ومش ضروري تكون السعوديه بنفسها تسوق ممكن تجيب سواقه من اي جنسيه
يعني بتكون مه خدامه وسواقه بوجه واحد
ونرتاح من تسلط الرجال والسواقيين وتلاعبهم باملاكنا واعصابنا ايضا
التعديل الأخير تم بواسطة الفالحه; الساعة 12-Feb-2008, 02:46 AM.
طبعا ياعيوني ياعيون
الكل بيقول لو اخربت السياره
هناك شروط وضوابط ضروريه
قبل تسليم السيدات رخصة القياده
ومن اهمها دفع مبلغ تامين للاعطال مسبقا يجدد دفعه سنويا
يعني المساله مرتبه باذنه تعالى ومش ضروري تكون السعوديه بنفسها تسوق ممكن تجيب سواقه من اي جنسيه
يعني بتكون مه خدامه وسواقه بوجه واحد
ونرتاح من تسلط الرجال والسواقيين وتلاعبهم باملاكنا واعصابنا ايضا
شلونك الفالحه
قلتي بكلامك دفع مبلغ تأمين للأعطال .. هذا شي حلو والتأمين يغطي الأعطال كلامك صحيح
لكن .. هل التأمين يصلح لك سيارتك فوراً ؟ بمعنى انه يجي لمكان السيارة المعطله ويصلحها بمجرد اتصال منك ؟
لا يا اخيه .. احنا نقول لو خربت السيارة بوقت متأخر او مو شرط متأخر وبمكان شبه خالي ( وهذا احتمال وارد طبعاً ) وجالك شباب مايخافون الله وآذوك .. تخيلي نفسك بهالموقف وش المخرج اللي تقدرين تخارجين نفسك فيه وتمنعينهم عنك ؟
مافي أي شي .. لا حول لك ولا قوة وش بتسوين لهم بتنادين حليب السعوديه ؟
وشي ثاني .. تقولين مو ضروري السعوديه بنفسها تسوق تجيب لها وحده تسوق عنها .. طيب السائق ما يحلّ محل هذي السائقه دام انك راكبه ورى راكبه ورى ؟ ويمكن السائق أءمن لك من السائقه
اختي العزيزه .. حنا بديرة مانفتحت على الدنيا الا من وقت قريب .. الظواهر اللي نشوفها برى ونبي نطبقها عندنا مانقدر نطبقها الا اذا وجدنا لها قواعد قوية نأسسه عليها .. وبموضوع قيادة الحريم للسيارات وين الشي اللي تقدرين تستندين عليه وتحسبينه قاعده لك بهالموضوع ؟ صفر مافي شي!!
وانتي من خلال القصة وضحتي نقطة مهمة انها لما ساقت شفتي الموكب اللي صار وراها .. وبعدين جلست تتكلم مع العسكري السواقة أءمن لي ولا المشي بالشارع !! .. لا والله المشي مايسبب الهيصه هذي كلها .. عالأقل وعلى كلامها يجي الواحد يكلمها كلمتين ماتعطيه وجه يصد عنها ويروح في حاله
لو سواقة الحريم من زمان موجوده كان صار الوضع الحين طبيعي ومافيه شي مثلنا مثل باقي دول الخليج .. لكن كان المجتمع في فترة سابقه معارض بالإجماع ويقول ويحرم ويتوعد اذا ساقوا الحريم يعني كان في رفض كامل .. لو الحين سقتوا بأيامنا هذي والله ان تتبهذلون .. عندنا عينات تكرّه الواحد حياته هذا وحنا شباب شلون انتم يالبنات ؟ اشوف السواقه بهالوقت صعبه جدا جدا .. لو من زمان كان صار الوضع عادي الآن
وهي بالنهاية القصة مو قصة عيب ووشلون تسوق مره وكذا لا والله .. حنا بالشوارع اكثر منكم والله السواقه على الحريم خطره للغاية عندنا .. تعرضكم لمشاكل ومصايب ولو ساقوا الحريم ابذكرك بالقصص اللي بتصير بأول شهر من بعد السماح لهم ( الله لا يجيب المصايب على أحد )
وجهة نظر يالفالحه اتمنى تلقى صدر رحب
تحياتي
التعديل الأخير تم بواسطة جوي صعب; الساعة 14-Feb-2008, 11:38 AM.
بالنسبه للاعطال نعم تاتي الشركه المؤمن لديها لموقع السياراه وتقوم باصلاحها
وثلني حاجه لا احد غير السعوديين يسمعك بس
ويفتكر او ياخذ فكره سيئه عن السعوديين
والله السعودي شهم وراعي اوله ويفدي بنت ابلاده بروحه
واكبر دليل على ذلك الشباب الي انقذوا البنات في حادثه نفق السويدي
وغيره وغيره ترى شهامة الشباب السعودي تغطي مئة مره على الانذال بكثير
وقيس هالشي على نفسك اذا صار وانحطيت في موقف من هالامواقف يعني شفت وحده متعطله وفي مكان خالي
هل من الممكن تنتهز الفرصه واتصير ذئب ام تاخذك الشهامه والاريحيه الى تربيت عليهاوسرت معاك في دمك السعودي المتربي تربيه دينييه بحته
اجبني على تساؤلي
والسياقه لا هي صعبه ولا شي
والحين السعوديات يسوقون في كل بلد بامريكا وبالبحرين وبمصر وغير بلاد ولا صار شي واقربها بارامكو بالظهران
وبالنسبه للرفض
كان سابقا على ايام الملك فيصل رحمة الله عليه
كانت معارضه شديده على تعليم المراه
ولكن الملك ما رضخ للمعارضه وسمح بتعليم الفتاة والحين شوف وين وصلت السعوديه المتعلمه
وصلت الى اعلى الدراسات والبحوث واقربها السعوديه الى تعمل في بحوث الفضاء والصواريخ
ولو عددت لك الناجحات في العلوم والتقنييات من هنا الى بكره ما خلصتهم
ياناس ياهوه عطونا فرصه واحنى نثبت لكم جدارة السعوديه ومقدرتها على تحمل المسؤليه
وانا معاك انن الشيء صعب
بس كل شي في بدايته صعب وبعدين تعتاد عليه وبيصير عادي جدا
اما بالنسبه على ماذا استند
لقد وضعت القوانيين والاشتراطات ونزلتها انا في موضوع سابق - اسمه لبشاره للسعوديات اذا قبلتو بها بشاره
ابحث عنها واطلع عليها
وتحياتي لك ولجميع االمعارضيين
وباذنه تعالى سيسمح لنا بالسياقه وعن قريب كما سمح للسيدات السفر والمبيت بالفنادق بدون محرم فقط ببطاقة احوال المراه
للعلم بالشئ سبق وان طرحت هالموضوع في اكثر من مجلس
شياب
شباب
حريم
حتى المراهقين والاولاد !!
وطلعت بنتيجة لكن بحاول بجيبها بصيغة موضي وبيني وبينكم ممكن احد ماراح يتقبلها
لانها صعبه ويمكن في بعض النقاط بتكون قوية يعني السالفه بتكون خناقات ^_^
فلو عطيتوني الامان راح اقول لكم وش قال الشايب والشاب والبنت والولد
أولا انا مش من المعارضين لمجرد قيادة المرأه .. انا اخاف من تبعات الموضوع في المستقبل
ثانياً شركات التأمين ماتجيك لين عندك عشان تصلح لك سيارتك .. هم ماهم ورشه عشان يجونك وين ماكنتي هم مسؤوليتهم انهم يصلحون لك السيارة بعد ما تسحب لهم
وبعدين يالفالحه انتي قلبك طيب وتحسبين الناس كلها مثلك .. شلون سعوديين وشهامة ومادري وشو .. كل الناس فيهم الشهم وفيهم اللي يبيله بالجزمه الله يكرمك وانا كنت اقصد الثاني ( فرضاً ) .. كل شي جايز صح ولا لأ ؟ والشباب السعودي فيهم شهامة أغلبيتهم وفي قصة حصلت ان عائلة مسافرين وعددهم كثير ومن اللخبطه نسوا بنتهم اللي في الـ 19 في المحطه ولا انتبهوا لها .. قاموا اخذوها شباب معززة مكرمة لين وصلوها ديرتها .. هذي قمة الشهامة .. وبالجانب الثاني في شاب سعودي قعد يبتزّ بنت بصورتها لين ماتشجعت وبلغت الهيئة واخذوا هالشاب وأدبوه ... هذي مو امثله وكلها من مجتمعنا على الصالح والطالح ؟ انا معاك تغطي لكن انتي ماتدرين وش المكتوب لك صح ؟
وبعيدا عن مشاكل السيارات .... تقولين السعوديات يسوقون بكل مكان .. في البر يسوقون وين المشكله وانا ماقصد سهولة السواقة ولا صعوبتها انا قصدت نفس الوسط اللي بتسوقين فيه مو مهيأ انه يتقبل موضوع قيادة المرأه وانتي جبتي الدليل معك في القصه
وانتي تكلمتي عن الشهامة والاخلاق والتربية ماتسمح للشباب يسوون اللي اقول عنه انا .... اذا بتتكلمين عن المواضيع من هذا المنطلق طيب شلون الشباب يستغلون البنات احيانا ؟ وليش بعض البنات نشوفهم بالاسواق بحالة مزرية ؟ وليش وليش ؟ هل تربوا على كذا ؟ هل اهاليهم ماعنهدم اخلاق ولا مبادئ ؟ انا اتكلم عن حالات شاذه ممكن تصادف أي احد بأي مكان
انا مانكر ان بعض البنات شرفوا البلد باللي وصلوا له .. بعضهم اخذوا دكتوراه في مجال مانعرفه بالسعوديه وهذا شي ينهض بالبلد في المجال اللي تعلموه وهذا شي جميل جدا .. ياما بنات شرفونا والعالم يقف احتراما لهم .. وليش البنات مايوصلون لمراكز عاليه .. مو هم تعبوا ؟ خلاص يستاهلون .. انا ماقلت ان البنات مايعرفون شي يالفالحه الله يطول بعمرك .. انا اتكلم عن موضوع قيادة المرأه وللحين اقول ولين بكره بقول نفس الكلام ... المجتمع ماينفع يسوقون عنده حريم
واذا سمحوا لكم عاد وش نسوي .. ألف مبروك وانتبهوا لأنفسكم من الشباب الغير شهم ..!!
واذا سمحوا لكم عاد وش نسوي .. ألف مبروك وانتبهوا لأنفسكم من الشباب الغير شهم ..!!
__________________
ههههههههههههههههههههههههههه
وهذا الي احنى نبغيه مباركتكم
وحمايتكم من بعد رب العالمين
ودع الايام تفعل ما تشاء ------- وتثبت لكم اننا معكم في الهواء سواء
وان وقع للمرأة من السيارة مكروه -----------فقد وقع لكم مكروه قبلها واعياء
فلنمارس بعضا من الحقوق مثلكم ---------- وسنتقبل ما ياتينا فنحن للسياقة اكفاء
وقد ساقت المراة وسافرت بناقتها قديما --------وتجولت بالتاريخ عبر الاحياء
والمراة لدينا تسير المركبة في اكثر المدن --------------- وليس كما تقول فقط بالصحراء
وللعلم ياخي الصعب انا محرومة من السياقة ------لحلف الوالد والتحريم ان كان ميتا او يعد من الاحياء
ولكن لي تصرف آخر بس يسمحون هم
ولك شكري وتقديري وايضا احترامي الكبير
لتواصلك ومناقشتك الاكثر من رائعه
نقوم بمعالجة البيانات الشخصية الخاصة بمستخدمي موقعنا ، من خلال استخدام ملفات تعريف الارتباط والتقنيات الأخرى ، لتقديم خدماتنا ، وتخصيص الإعلانات ، وتحليل نشاط الموقع. قد نشارك بعض المعلومات حول مستخدمينا مع شركائنا في الإعلانات والتحليلات. للحصول على تفاصيل إضافية ، ارجع إلى سياسة الخصوصية .
بالنقر على" أوافق " أدناه ، فإنك توافق على سياسة الخصوصية ومعالجة البيانات الشخصية وممارسات ملفات تعريف الارتباط كما هو موضح فيه. كما تقر أيضًا بأنه قد يتم استضافة هذا المنتدى خارج بلدك وأنك توافق على جمع بياناتك وتخزينها ومعالجتها في البلد الذي تتم استضافة هذا المنتدى فيه.
[/url][/IMG]
تعليق