من جديد مرسيدس تتحدى SL 63 تعديل AMG

رد: من جديد مرسيدس تتحدى SL 63 تعديل AMG

طيب شف يا صعب

ابعطيك راى باكر لان اليوم شوى مشغول


والموضوع ذا يبيله استرسال

رد: من جديد مرسيدس تتحدى SL 63 تعديل AMG

خذ راحتك حبيبي ماني مستعجل انا

لسى ليلتي طوييله

رد: من جديد مرسيدس تتحدى SL 63 تعديل AMG

صعب



دايم الانسان لما يبى يعمل شغله لازم يكون مقتنع فيها

وكذلك السيارة

انا رجال... لو جلست سنة كاملة امدحلك فى سيارة معينة او انصحك فى سيارة معينة او اقدملك مقارنة بين مجموعة من السيارات


اول شى انت لازم نوعا ما تحدد انت وش تبى ...جيب ...سيدان ..سبورت ...

بعد كذا تحدد وش تبى السيارة تكون ...يابانى ...كورى...المانى...امريكى

ومن ثم تنزل تروح الوكالات وتشوف بعيونك وتفحص بيدك وبجميع حواسك ...واشدد بجميع حواسك


وتشوف هل المبلغ الى معك اش بيعطيك من السيارة ..يعنى ..شكل حلو ....مكينة قوية.....مواصفات حلوة من جنوط اكسسورات ...انظمة تقنية متقدمة فى السيارة يعنى هلى بتشبع حواسك ولا فيه قصور !!!


مو بس ان شكلها حلو ومكينته قوية خلاص اشيل ...زى الامريكى ...!!!


وما عليك من كلام البشر الى يقولك يوكون ...والى يقولك تويوتا ...والى يقولك نيسان ...والى ....والى...


مع اننا ما ننكر انه فى سيارات ذات جودة عالية واسم لامع فى عالم السيارات


شف الوكالات ولف ودور واتعب واسئل واهم شى تكثر اسئلة مع مندوبين المبيعات فى الوكالات ...غثهم ..واطلب كتالوجات

مفصلة للسيارات الى تبى تسئل عنها ترا فيه مدراء وكالات عندهم خبرات 20 سنة وفوق ..يوم تساله عن سيارة واقفة قدامه

فى الوكالة 24 ساعة ما يعرف اذا كانت مراياها كهرب ولا عادى ...وصارت معى !!!


ابقولك على سالفة صغيرة لى


يوم اتفقت انا والمدام اشترى سيارة عائلية جديدة ..(( زهقت المدام من السرعة والمساقطة وقالت خلنى احجر له بسيارة كبيرة ))



جلست من رمضان الماضى 2007 الف واروح وكالات ومعارض

ورحت حتى وكالات فى جدة والخبر مو بس الرياض (( طبعا كنت فى انتداب عمل ))

وفيه وكالات دخلتها اكثر من 12 مرة ..... ..( فاضى وصرت معروف عندهم )


وجلسوا ربعى واهلى يقرقروا فوق راسى ...ذى احسن ...لا ذى اطلق ....لا ذى افضل ...وطبعا كعادتى ما اخذت براى احد


وما شريت الا فى شهر 1/ 2008


مع العلم انى كنت فى الفترة ذى اصلح مقارنات بين السيارات الى داخله مزاجى عن طريق مواقع السيارات العالمية

خاصة الامريكية والاوروبية





لكن اذا كان تبى نصيحة مجرب

انت معك 165000 الف


شف اللكزس ES بانوراما 2008 ...شى عجيب ومواصفات مجنونة وتقنية متقدمة جدا وحجم ممتازاعتقد انه حول 170000

اما جيب المرسدس

فمن فوق 250000



واى خدمة واسف على الاطالة




تعبت ياخى وانا اكتب ههههههههههههههههه

رد: من جديد مرسيدس تتحدى SL 63 تعديل AMG

تسلم لي ابو زيد اتعبتك معي ياخوي المعذره منك

انت تدري وين المشكله ؟ المشكله طول الله عمرك ان الوكالات كثير والسيارات اكثر والمطلوب تلقاها بأكثر من سيارة فهذا الشي يخليك في حيره وبصراحه ابو زيد اخاف أرسى على سيارة واندم بعدين القى سيارة افضل وبنفس القيمة وهذا اللي يأخرني دايماً ..

بس انا معجب باللكزس بأمانه .. اللكزس كشركة كديزاين سيارات

يعني تحس وانت راكبها إنه في ناس تعبت في تصميم هذي السيارة وابتكرت تقنيات هي الأول من نوعها .. اللكزس سيارات فيها شغل فيها تعب بيّن وواضح ..

والله مدري وانا اخوك تشتت عقلي بسبة هالموضوع بس تدري شلون .. بستخير وبتوكل على الله ولكزس بإذن الله

هذي الـ ES صح ؟



ماشالله والله حلوه اشوفها بس ماعرف شسمها .. لو اقول لأخوي الكبير بشتري سيارة جديده وببيع موتري بيسوي لي حَجـِر في المحكمه ههههههههههه

الله يعينني على الفلسفه الواجده

أبو زيد .. والله مستحي منك صدّعت بك ياحبيّبي بس نردها لك في الافراح انشالله وجعلك ماتشوف غيرها بحياتك .. الحمد لله اني ما تسرعت ورسيت على جيب وهذا كله بفضل الله ثم بفضلك وابو فيصل وكل الشباب الموجودين هنا ماقصرتوا جميعا ..

مشكور يالذيب


اخوك الصغير //

رد: من جديد مرسيدس تتحدى SL 63 تعديل AMG

هلا صعب


لا يابــــو لا تعب ولا شى بالعكس ودى اخدمك لكن القرار لله ثم لك





عموما مزبوووووووووووووط ذى ES بانوراما

والله سيارة جيدة


وثق تماما مافى شى كامل ...لاجل لا تندم بعدين


الكمال لله


وعلى البركة مقدما



واى خدمة يا اخى الاصغر

رد: من جديد مرسيدس تتحدى SL 63 تعديل AMG

ابو زيد ...

لو اقولك وش سويت بتطقني هههههههه

على اساس اني باخذ السيارة ( المذكوره اعلاه ) بس بصراحة فكرت فيها صح وقلت احط مئات الألوف في سيارة بكره تنصدم وتضيع فلوسي واقعد اصيح عندها

فاستخرت وقررت افتح لي مشروع بالدراهم اللي معي وآخذ لي سيارة حلوة وبأقل من مئة ألف عشان اقدر استغل باقي المبلغ

فــ شريت من الوالد محل كنت مسؤول عنه انا بالبطحاء بحكم علمي بالمحل كويس بعد ما سمته وشفت كم سومته ودفعت له المبلغ

وشريت لي كامري بصراحة

تدري وش اللي خلاني آخذها .. ركبت ليموزين كامري وشفتها من داخل حلوة ماعليها وشكلها حلو وفي الخط مالها حس وانا هذا اللي يهمني

اعجبتني صراحة ورحت الوكالة وطلعت لي كامري فل ابيض .. والله بصراحة شي جبار الكامري ماتوقعتها كذا كنت حاطها سيارة المطعسة

عموماً ابصورها انشالله .... انت My Godfather في عالم السيارات .. لازم تشوفها

رد: من جديد مرسيدس تتحدى SL 63 تعديل AMG

بالعكس والله مشروع يدخل فلوس اصرف

والكامرى سيارة جيدة ومريحية وشكلها فنان طبعا انا اتكلم عن الشكل الجديد

يلا على البركة ويعطيك خيرها ويكفيك شرها وبالتوفيق