في عيونك
للسفر معنى .. ومعنى
وانا فيهن
بس وحدي
من تعني
في عيونك .. بدر
متشكل ظلام
وليله اللي حوّطه
ليل ٍ
ولكنه نهار
ياخي طالع
طالع البدر بعيونك
كيف سافر بي بعيد
وجيت يمك
بس عاني
لجل أزورك
مع سحابه
تطرق بكل المعاني
للي فيني
واللي أعاني
تطرق الوصل بغيابك
بس
بابه
ولا فتحتي
يا مهاتي
أي
باب .....
ياحامل الليل فل الليل بحضورك
الموت صدر الغياب ومرضعه نادر
قم شق ثوب الظلام و عرّ لي نورك
ماعدت انا للسهر يا صاحبي قادر
قم هز غصن الغياب وصح عصفورك
من عفوة الهم ماهو لاصحى مغادر
من عام الاول وهو يغني على جسورك
وانهارك الماشيه من دمعه الهادر
لاغاب ليله .. تشكل طيف ويزورك
واليا اشرق الصبح لم الهم بيغادر
لو يكتب النور سطر يموت بسطورك
مادام ليلك هلاك وهالكك جادر
ياموتي اللي اموتك واعشق قبورك
الموت ماهو وصالك .. بعدك الغادر
ياجوري الشوق فل الشوق من جورك
الوصل تكفى دخيلك لمني بادر
ياصار قلبي وروحي سفن ببحورك
لاترفع الموج موج الشوق متهادر
قم ثمل الـ آآه في صدري من بخورك
أدمنت شم البخور .. بليلك الحادر
وقم لمني يوووه .. مابي شم انا عطورك
العطر والله عرقك بشمه اتنادر
ياملح حالي شفاك يغيض مخمورك
مادام ملحك حلاوة ملحك الصادر
قم مد لي يدك .. قبل تمد لي زهورك
مايكفي الورد مد يديك .. يالنادر
ابي المـّك ضياع .. واكسر جبورك
ابي اكسرك الشوق واروي لك ضمى الشادر
ياحامل الليل .. بدر ٍ ساكن ٍ حورك
مايكفي البدر ليله نور .. متكادر
مدام ليلك منار .. البدر ديجورك
في وسط ليل اضحويه بان لي خادر
في عينك البدر ليل .. وليله بنورك
بياض عين ٍ محوط بدرك البادر
ياقادر الوصل دام الوصل مقدورك
قم شق ثوب الظلام .. وخلني سادر
ياحامل الليل فل الليل .. بحضورك
ما عدت انا ياصاحبي للسهر قادر
شقيت صدر الظلام بغفوة جسورك
وارويت صحوة غيابك دمعي الحادر
.
.
فهد الغبين
تعليق