طبخة صينية

المقادير
أرز مسلوق ( بنجابي بسمتي ) بالملح و الزيت الطريقة العادية نسميه (مشخول ) 5 أكواب صغيره مستوي بس مو لين
دجاجة منزوعة العظم و الجلد ومقطع طوال بمقدار أنش تقريبا
بصلة مقطعه صغار
2 بصل أخضر يقطع كامل يفصل الأخضر عن الأبيض
2 فص ثوم مقطع صغار
فلفل أخضر بارد ( فليفله ) مقطع مربعات صغيرة
نصف صحن صغير بقدونس
بازاليا خضراء مقدارها حسب الرغبة أنا حطيت نص كوب
ذرة مقدارها حسب الرغبة أنا حطيت ربع كوب
صوص الصويا
ملح
حبة ماجي
قليل فلفل أسود و كمون فقط هذي البهارات
صورت لكم بعض المقادير و أهم شيء الصوص الصويا الي في الصورة
و اذا ما حطيتي صوص الصويا يطلع حلو بعد بس لا تحطي غير البهارات المذكوره



وهذي صورة الصوص من قريب




الطريقة

نحمس الثوم إلى التشقير ثم يضاف الدجاج و يحمس مع الثوم و يقلب ثم يضاف الماجي و البهارات و قليل من صوص الصويا ( عصرة واحده ) قبل البصل و يقلب جيدا
ثم يضاف البصل العادي و يقلب حتى يذبل ثم يضاف الفلفل الأخضر و الجانب الأخضر من البصل الأخضر أما الأبيض يضاف لاحقا سوف أذكره



يضاف البقدونس و يقلب حت يتجانس مع بعض ثم يقصر على النار و يغطى القدر حتى ينضج الدجاج تقريبا لمدة ربع ساعة لإن مع تكرار الحمس ينضج الدجاج
ثم نضع الأرز المشخول على الدجاج و نضع البصل الأخضر في الأخير نقلب قلبتين فقط
لاحظي الأرز أبيض ما شاء الله لا قوة إلا بالله



ثم نعصر عليه من صوص الصويا ثم يوضع عليه قطع من الزبده





ثم يقصدر القدر بالقصدير يوضع تحت القدر حديده على نار قصييييره أو على( اللو ) للفرن الكهربائي
لمدة نص ساعة

و هذي الصوره النهائية مممممممممممممم ماشاء الله لاقوة إلا بالله








واكله حلووه كثير

وتقدرون تسون معها صوص بالقشده

مقادير الصوصو

علبتين قشطه

مشروم ملعقتين

ملح وفلفل ابيض وشوي فلفل احمر حار

وبصله مفروم



وزبده مع شوي زيت


الطريقه

خذي لك نص ملعقه زبده ونص ملعقه زيت وحطي البصل وخليها لين يتحمر شو

وبعدها المشروم وبعدها علبتين القشطه والملح نص ملعقه وشوي رشة فلفل الابيض والاحمر

وبيله ماي وحركيه لين يبتي شوي يثقل وبعدها طفي عليها

ملاحظه تكون ثقله خفيف مو كثير

وبالهناء والعافيه