|--*¨®¨*--|وين الحنــــــــــان |--*¨®¨*--|

[poem font="Simplified Arabic,4,black,bold,normal" bkcolor="transparent" bkimage="backgrounds/19.gif" border="groove,4,gray" type=1 line=0 align=center use=ex num="0,black"]

|--*¨®¨*--|وين الحنــــــــــان |--*¨®¨*--|

جيته وانا تعبان قالـت لـي أهليـن=وارسل سهوم الموت من طرف عينه
وين انت ياعمري فقدنـاك يوميـن=قلبي على غيابك عسـى الله يعينـه
دايم على الميعـاد واليـوم ناسيـن=طـال الغيـاب وجيتـك محتريـنـه
قلت العـذر وارجـوك لالاتلوميـن=إنسـان حايـر والعجـب تسألينـه
قالت أشوف الحزن في نظرة العيـن=وش السبب نظرات عينـك حزينـه
قلت إنت متوهم وانا خاطري زيـن=ونظرات عينـي مـا تبيـح كنينـه
قالت أعرفـك لكـن النظـرة تبيـن=خاطرك مليان(ن) همـوم(ن) دفينـه
ناقص حنان أعطيك ياقـرة العيـن=والاّ الطفولة منحـرم مـن حنينـه
قلـت الأمـل بالله يابنـت خلـيـن=همي بصـدري والحـذر تزودينـه
يابنت همي صار لـه عـدة سنيـن=وعمري على هالحال ضاعت سنينه
الله يفـرج همنـا قولـي آمـيـن=رب(ن)كريـم وللفـرج طالبيـنـه
أسألـك يامنـزل تبـارك وياسيـن=يامنقذ(ن) نوح(ن) بصنع السفينـه
تفرج هموم(ن) بالحشا له دواويـن=بيـن الضلـوع الحانيـه حافظينـه
لواخرجوا له فيلم يكسـب ملاييـن=حيث البطل قلبـي ،أميـن الخزينـه

الشـاعـر // خـيــال جـديــد [/poem]