مسكين اكيد صار يكره الساعة 8
عجوز مسكين في 60 من العمر راح المركز الصحي الحكومي الي جنب بيته عشان اسنانه وهم بدورهم حولوه على مركز صحي تاني اكبر( تدرو مو كل المراكز الصحيه فيها عيادات اسنان
هيا خليني اروح المستوصف
عندي ميعاد الساعة 9
اه يا الله
الله يستر
خلاص راح الشباب وراحت ايامه
وبدينا نشتكي من الاسنان
راح الرجال ودخل المستوصف
وي
فين الدكاترة
معقول روحو
وليش مقفلين الباب
والله لاشتكيهم
دكاترة اخر زمن
بس ياخدوا راتب على الفاضي
وليش طيب يعطوني ميعاد هو اصلا مو موجودين فيه
خلاص بكرة الساعة 6 اروح
وجاه بكرة وراح الرجال الساعة 6
لا حول ولا قوة الا بالله العلي العظيم
المريض يجي والدكاترة لا
فين الناس
خلاص ارجع بعد ساعة
رجع بعد ساعة
ما جا احد
خلاص بشتكيهم
ولا اقول اصبر كمان ساعة عند الباب
اول ماحد يجي رح اضربو بالعصا
ويصبر المسكين ويصبر الين خلصت صلاة العشاء
ويصبر
ويصبر
خلاص انا بمهلهم شهر يمكن عندهم اجازة
وبعد شهر راح الرجال الساعة 9
مافي احد لااااااااا
الموضوع ما ينسكت عليه
بس ايش اسوي يا ربي في سنوني
خلاص بكرة اجرب اخر مرة
انا تعبت من اللموزينات ( التاكسي) بكلم ولد الجيران يوديني
وكلم ولد الجيران
العجوزيا ولدي متى فاضي توصلني مشوار هنا قريب
ولد الجيران :من عيوني يا عمي انا من بعد الدوام فاضي ايش رايك
العجوز:يفكر يفكر يفكر قال مو مشكلة بعد الدوام يعني الساعة 2 او 3 الظهر طيب مو مشكلة انا اصبر الين يجي ميعادي الساعة 8 اخاف الولد ما يكون فاضي بعد كدا واخاف اثقل عليه
خلاص يا ولدي موفق
ولد الجيران: طيب ياعمي بكرة الساعة 3 نروح
وراحو ودخل العجوز
الله اكبر
ماشاء الله
المستوصف عامر
والله لاوريهم كيف ما يحضرو
متى يبطلو اهمال
العجوز:انتي يا بنت يا بنت
الدكتورة:نعم ياعمي
العجوز: مو حرام عليكم الاهمال
الدكتورة :ايش صار اي اهمال
العجوز: انا كل يوم اجي في ميعادي وما الاقي احد مو عيب عليكم انتو ما تستحو انا بشتكيكم
الدكتورة هدي اعصابك يا عمي احنا كل يوم موجودين من الساعة 9 كيف ما لقيت احد
العجوز: والله العظيم جيت يعني انا كذاب يا قليلة الادب
الدكتورة:يا عمي ما اقصد يمكن انت ملخبط
العجوز:لا مو ملخبط انا عارف العنوان زي الناس كل يوم اجي واستنى بالساعات واروح وارجع واستنى مو عيب عليكم وصار لي شهر على دا الحال
الدكتورة :وفين تجلس ياعمي
العجوز: اجلس على الارض
الدكتورة :وليش ما تدخل جوة في الانتظار الين تجيك الممرضة وتاخد منك الورقة
العجوز: كيف ادخل يا هبلة وانتو مقفلين
الدكتورة :احنا ما نقفل الا الساعة 4 العصر
العجوز:وليش تقفلو العصر
الدكتورة : احنا ياعمي دوامنا كدا لا تنسى ان عندنا بيوت
العجوز:وليش تعطوني ميعاد الساعة 9 دام انكم تقفلو بعد العصر
الدكتورة : انت ياعمي تجي الساعة 9 الليل!!!!!!!!!!!!!!!!!!!!!
العجوز:ايوة انتم قلتو لي كدا
الدكتورة : ياعمي ميعادك 9 الصباح مو الليل مافي مستوصف حكومي يجلس الين العشاء
العجوز: والي يتعب فجاة
الدكتورة : يروح الطواري حقت اي مستشفى حكومي
العجوز: حسب الله عليكم ليش ما توضحو للناس
ويمشي العجوز وهو مو مقتنع
ترى قصة حقيقة صارت بس خسارة ما كنت يومها بالمستوصف بس الدكتورة تاني يوم حكتلي
بس طبعا الحوار من تاليفي
هيا خليني اروح المستوصف
عندي ميعاد الساعة 9
اه يا الله
الله يستر
خلاص راح الشباب وراحت ايامه
وبدينا نشتكي من الاسنان
راح الرجال ودخل المستوصف
وي
فين الدكاترة
معقول روحو
وليش مقفلين الباب
والله لاشتكيهم
دكاترة اخر زمن
بس ياخدوا راتب على الفاضي
وليش طيب يعطوني ميعاد هو اصلا مو موجودين فيه
خلاص بكرة الساعة 6 اروح
وجاه بكرة وراح الرجال الساعة 6
لا حول ولا قوة الا بالله العلي العظيم
المريض يجي والدكاترة لا
فين الناس
خلاص ارجع بعد ساعة
رجع بعد ساعة
ما جا احد
خلاص بشتكيهم
ولا اقول اصبر كمان ساعة عند الباب
اول ماحد يجي رح اضربو بالعصا
ويصبر المسكين ويصبر الين خلصت صلاة العشاء
ويصبر
ويصبر
خلاص انا بمهلهم شهر يمكن عندهم اجازة
وبعد شهر راح الرجال الساعة 9
مافي احد لااااااااا
الموضوع ما ينسكت عليه
بس ايش اسوي يا ربي في سنوني
خلاص بكرة اجرب اخر مرة
انا تعبت من اللموزينات ( التاكسي) بكلم ولد الجيران يوديني
وكلم ولد الجيران
العجوزيا ولدي متى فاضي توصلني مشوار هنا قريب
ولد الجيران :من عيوني يا عمي انا من بعد الدوام فاضي ايش رايك
العجوز:يفكر يفكر يفكر قال مو مشكلة بعد الدوام يعني الساعة 2 او 3 الظهر طيب مو مشكلة انا اصبر الين يجي ميعادي الساعة 8 اخاف الولد ما يكون فاضي بعد كدا واخاف اثقل عليه
خلاص يا ولدي موفق
ولد الجيران: طيب ياعمي بكرة الساعة 3 نروح
وراحو ودخل العجوز
الله اكبر
ماشاء الله
المستوصف عامر
والله لاوريهم كيف ما يحضرو
متى يبطلو اهمال
العجوز:انتي يا بنت يا بنت
الدكتورة:نعم ياعمي
العجوز: مو حرام عليكم الاهمال
الدكتورة :ايش صار اي اهمال
العجوز: انا كل يوم اجي في ميعادي وما الاقي احد مو عيب عليكم انتو ما تستحو انا بشتكيكم
الدكتورة هدي اعصابك يا عمي احنا كل يوم موجودين من الساعة 9 كيف ما لقيت احد
العجوز: والله العظيم جيت يعني انا كذاب يا قليلة الادب
الدكتورة:يا عمي ما اقصد يمكن انت ملخبط
العجوز:لا مو ملخبط انا عارف العنوان زي الناس كل يوم اجي واستنى بالساعات واروح وارجع واستنى مو عيب عليكم وصار لي شهر على دا الحال
الدكتورة :وفين تجلس ياعمي
العجوز: اجلس على الارض
الدكتورة :وليش ما تدخل جوة في الانتظار الين تجيك الممرضة وتاخد منك الورقة
العجوز: كيف ادخل يا هبلة وانتو مقفلين
الدكتورة :احنا ما نقفل الا الساعة 4 العصر
العجوز:وليش تقفلو العصر
الدكتورة : احنا ياعمي دوامنا كدا لا تنسى ان عندنا بيوت
العجوز:وليش تعطوني ميعاد الساعة 9 دام انكم تقفلو بعد العصر
الدكتورة : انت ياعمي تجي الساعة 9 الليل!!!!!!!!!!!!!!!!!!!!!
العجوز:ايوة انتم قلتو لي كدا
الدكتورة : ياعمي ميعادك 9 الصباح مو الليل مافي مستوصف حكومي يجلس الين العشاء
العجوز: والي يتعب فجاة
الدكتورة : يروح الطواري حقت اي مستشفى حكومي
العجوز: حسب الله عليكم ليش ما توضحو للناس
ويمشي العجوز وهو مو مقتنع
ترى قصة حقيقة صارت بس خسارة ما كنت يومها بالمستوصف بس الدكتورة تاني يوم حكتلي
بس طبعا الحوار من تاليفي
تعليق