المفروض ما نسكت عليهم ؟؟؟؟؟؟؟

ايش نسوي معاهم

لو تبغى شغاله بالفيزا .................................... تهرب عشان تاخد راتب اعلى
لو جبت شغاله بدون اقامة .............................. تتشرط وتتنرفز وتتضايق من الشغل ومن بكرة تقول (ابغى امشي يا مدام ) وممكن تلاقيها مشيت من غير ما تقول حتى( وتدرو دحين الطلب عليهم زاد يعني ماتفرق معاها في ساعة بتلاقي شغل جديد غير احساسك بانك مخالف القانون وفي اي لحظة تتمسك وتفتن عليك

الشغاله الي بدون اقامة

* تدرو دحين يبغو 1000 ولو البيت كبير 1200 غير المواصلات حقت اجازة كل اسبوعين حتى لو في سواق تقول لا يامدام في سواق انا اعرف كويس بس لازم ياخد 30 ريال يا مدام

والي بالفيزا + اختها الي باقامه

* تدخل تنام من الساعة 12 ولو السواق زوجها تنزلو من الساعة 10 او 9 في الليل حتى ماتكلف نفسها تصبر الين تحط العشا او تشيل السفرة

* تقوم الصباح من بدري وتجلس بغرفتها وما تخرج الا الساعة 10او تطلع من عند السواق 11 او هلى الظهر

* ولو تبغى شغاله بس بشهر رمضان تقول يامدا رمضان شغل كتير انا لازم في 1500 ريال

* ولو بس لمحت من تصرف هي سوته ماعجبك من بكرة تشيل ملابسها وما ترجع ( تروح بيت الجماعة
وانت المسكين تحتاس الين تدورلك على وحدة تانيه لانها توصي كل الجماعة انهم ما يروحو نفس البيت

* ولو طلبت منها شي تلاقي اوف وتغير الوجه والزعل واكيد من وراك تدعي عليك

* وتشوف الحسد بعيونهم ويوم تقول مسكينه لازم تعودها تكن وحدة من البيت ومافي فرق ما تلاقي غير مدام انتو بلد مررررررررررة كويس في فلوس كتير بترول كتيييير كلو بزورة يدرس كلو اركب سيارة كلو مرتاح مافي تعب

* انواع الاهمال تشوفو خاصة لو في اطفال وتلاقي كل يومبن شي مكسور في البيت

* ولو هربت ام فيزا ينحرق قلبك على الفلوس الي دافها لمكتب الاستقدام ( ودحين اسعارهم زادت 7 الاف وطالع

* ولو ساكن بعمارة وشغاله كل بيت لما يتجمعو ( الله اكبر) تسمع انواع النميمة والكلام على الناس والله انو اسرار البيوت ما تطلع الا منهم كل وحدة تحكي للتانيه ايش يصير وتجيك الشغالة تحكيلك من غير ما انت اصلا تسالها وماتدرو ايش يقولو( طبعا هم يفهمونا كلامنا واحنا مانفهم كلامهم الاندنوسي

* وكلو كووووم ولو اتزوجت سعودي كوووووووم( تصير امنيه حياتها اتحققت
والمصيبة لو كان رجال البيت وطلق المدام عشان خاطر عيونها ( مسكين نسي اولاده وزوجته وبيته وسمعته قدام تدبير شرق اسيا






سبحان الله كنا نسمع ( اتقول الله في الخدامات - عاملوهم زي الناس _ وزمان هما الي كانو يشتكو
دحين ( ما نسمع غير الله يستر منهم- ايش نسوي نصبر عشان محتاجينهم _ نسمع بالجرايد مصايب من وراهم)

يعني لو اي احد عنده شغاله مريحته يقول الحمد لله بين يده نعمه ينحسد عليها