يا ترى اسمها حاسة سادسة او رؤيا مسبقة

مرحبا يا حلوين

انا احيانا او مو احيانا
غالب الاوقات بشوف منامات يعني احلام كتير

بعضها له معنى و بعضها ماله معنى
بس اغلب الاوقات بشوف بمناماتي احداث غريبة
و المفاجأة انو هالاحداث هي بحس نفسي اني شايفها قبل هاد الوقت

يعني مرة شفت بمنامي اني قاعد بسيارة بجانب السائق و معاي اتنين من اصحابي قاعدين بالمقعد الخلفي للسيارة
و اني كنت عم احكيلهم على قصة طريفة صارت معي بس ما كنت متذكر شو القصة بعد ما صحيت
و طبعا كون انو كنا بالسيارة في الحلم كنا ماشيين بنمطقة بدمشق اسمها الشاه بندر مساءا.

الغريبة انو نفس يلي شفتو بالمنام و نفس يلي صار و بنفس المنطقة و نفس الاشخاص و كانت الدنيا مساء و حسيت حالي اني شايف هي اللحظة من قبل بس فين فين اه بالمنام.

و اليوم صارت معي نفس القصة انو صار معاي حدث مهم حسيت نفسي شايفة قبل هلا و انا فعلا شفتو بالمنام

يا ترى حدا بيعرف شو اسمها هي الحالة؟
او اذا بتصير معاكم؟ و كم حالة صارت معاكم؟
يا ترى هي اسمها حاسة سادسة او رؤيا مسبقة