لا جيت ابنسى واتسامح واسامحك = صاحن جروحي واشتكن من طعونك
كلك خيانه قول وشلون ابمنحك = وش موقفك من شخص دايم يخونك
اكبر خطا لو جيت يمك اصالحك = اول تحول لا تغرك ... لحونك
الي تقوله صح لو كنت جارحك = مير انت غارق للاسف في ظنونك
وصفك نسيته بس باقي ملامحك = بنهيك وانهي بالنهايه جنونك
ما تستحق امد كفي واصافحك = مثلك غلط عمري وابحيا بدونك
لعبت دورك شاهدات(ن) مسارحك = خدعتني واظهرت خافي فنونك
كنت اعتقد قلبي هو ابرز مطامحك = الي يبيع الناس لجله يصونك
تعبت اسوق الشوق يمك اصارحك = اخلصت لك با الحب شوفت عيونك
لاكن خساره صرت غاية مصالحك = ياليتني ما جيت لحظه بكونك
با الامس كنت بنشوت الحب امازحك = اخيل برقك واتحرى مزونك
واليوم من صفحة حياتي ابمسحك = هديت صرحك ثم طاحت ركونك
ولابي عيوني لو تصورت تلمحك = اعلنت موتك وانسجن لي كفونك
وان جيت تطلب ترتجيني اسامحك = بهديك طعنه من بقايا طعونك
تعليق