من يوم غبت وغابت [الشمس] من صـوب
رائعة الشاعر : فهد الشهراني
والله وجيـت ولـك مشاريـه وعتـاب
من صوب جيت وبانت الشمس من صوب
وانا حبيس البـرد والجـوف سـرداب
ماغير صوتك بيـن الأضـلاع مشبـوب
حتى بريق الوجـد فـي ناظـري شـاب
من حين غبت وتاهـت جهـات ودروب
ماتدري انـك رحـت وغيابـك غيـاب
يعني رحلت وخاطر الشمـس مذهـوب
راحت على حزن الشفق تكسر اهـداب
وانا عليك من الشفق رحـت مسلـوب
خليتنـي فـي معبـر الريـح مـرتـاب
بين الأمـل واليـاس والشـك منهـوب
تمرنـي كــل الـزوايـا والأبــواب
وانـا علـى حـد المواجيـع مصلـوب
تناسلوا من وجهـه الشاحـب اغـراب
وازريـت يالماخـوذ تبـرى لهـا نـوب
سألتهم وانـا علـى الرجـم منصـاب
مامركـم يـا حـادي العيـس نبنـوب
مابه على عوج النضـى معكـم احبـاب
ياناطحيـن الضلـع والظلـع محطـوب
قفوا ورجع الصـوت يـدوي وينسـاب
في داخلي والجـرح بالجـرح مخضـوب
كذا وقفت اجاالـد فـراق الاصحـاب
لاباحـك الله هجـر وذنوبـك ذنـوب
ماتدري انك جيت وحسابـك حسـاب
يعني حـرام انـي مـن الغـي ماتـوب
عاتب وطلعنـي علـى طـول كـذاب
اشره علـي بأيـة لغـه بأيـة اسلـوب
اضحك يفوح الكـون زنبـق وعنـاب
سولف يبوح ايلـول للثلـج ويـذوب
تعال باقـي لـي هنـا جـرح ماطـاب
جرحٍ على خبرك مـن العـام ملهـوب
من قال كفـك خلتـه ينـزف اطيـاب
مـن قـال لونتـه قرنفـل وخرنـوب
ملكك تسوي به علـى كيـف ماطـاب
لبـى يديـن طيـح القلـب بالـدوب
والله وجيـت ولـك مشاريـه وعتـاب
من يوم غبت وغابت الشمس من صـوب
تعليق