مشاوير بدوي
وش تبي تعرف عن الحال قلي يـا خـوي
المأسي في عيونـي بهـا اوجاعـي تشيـد
والله ان القلـب مبطـي بجـرحـه منـكـوي
ليا تهاوت بـه همومـه غـدى دربـه بعيـد
من عذابه صرت انا اليـوم كلـي مرتـوي
لو تشافا به جروحي يجي جرح(ن) جديد
صار همـي فـي عيونـي مشاويـر بـدوي
لو مشيت ابعد مسافات مـا تنقـص تزيـد
ما بقالي في حيات(ن) بها عشت جلـوي
غير احزان الليالي وصبر(ن) بـي عنيـد
صاحبي كان المواجع لها قلـب(ن) قـوي
قاسي قلبـي وقلبـي علـى اوجاعـه شديـد
لو غدت في داخل القلب يا صـاح تعـوي
والله انــه مــا يـفـك الحـديـد الا الحـديـد
اعجبنى كثير
تعليق