دقــــــــــــــه وتـــســكــيــرهــــ @@@
هذه قصيدة للشاعر مدغم ابو شيبه
رجم الهوى اللي لعـن كوثرجماهيـره **** عز الله أنّه مايستاهـل تعـب ساقـي
أتعبتهـا فـي مراقيـه ومشـاويـره **** ذي جرتي نازل وذي جرتـي راقـي
لبيه يـا سـاره ولبيـه يـا منيـره **** في مهبل الناس مدري ويش أنا لاقـي
صدر الشمالي عليهن فـك أزاريـره **** اللي مـن آدم وحـوّا مابعـد ضاقـي
جن المدينه على غفلـه مـن الديـره **** وتورّطـن بالرومنسيّـه والأشواقـي
مايكتبـنّ أساميـهـن بالطباشـيـره **** بيعلمنّك عن الموضـه والأذواقـي !!
وجيههـن طالعـات مـن الكوافيـره **** من كثر الألوان كنْها سبحـة عراقـي
مافيـه داعـي أجاملهـن بتكشـيـره **** وأقول مشتاق لـو مانيـب مشتاقـي
ماهن بكفو السهر والحـزن والغيـره **** ودموعي وشعري الموزون وأوراقـي
كرت أحمرو باب طيّـاره و تسفيـره **** في (قلعة الوادرين) و (بألف طقّاقـي)
الهنـدي و وايتـه والعـود وبعيـره **** هـذا مـدوّر ذهيـب وذاك سوّاقـي
لو ما أنصفتني سنيـن العمرالآخيـره **** ماطبّقت عيني أحداقي علـى أحداقـي
قفلت سيرة علاقـات وبـدت سيـره **** اللي عليهـا الكـلام وهقـوة الهاقـي
أبرك ضيوف الهوىوأغلى مساييـره **** ريحانةٍ تقطف اللهفـه مـن أعماقـي
ماهيب من قوم(ابو دقّـه وتسكيـره) **** من قوم (لاحاسبـت ماتاخـذ الباقـي)
لها علـى الزيـن تهليلـه وتكبيـره **** أنعم من الورده اللـي فـأوّل الساقـي
مهيب أميره لكنْهـا جنـب الآميـره **** ذات الحسب والنسب والمستوى الراقي
من أغنياء الرياض ومـن هواميـره **** شركـات أبوهابضايعهـا فالأسواقـي
يومي لها الغصن وتغنّـي عصافيـره **** والأمـر ينقـاد لرضاهـا وينساقـي
غيداءٍ سهم عينهـا مـن قـوّ تأثيـره **** مخسرٍ سوق الأسهم عنـد الإغلاقـي
البدي والهيكـل اللـي ماتبـي غيـره **** (أصطب) و (أستبنتين) و (قير علاقي)
مازيّـن أخلاقـي الطـب بعقاقيـره **** لـولا عقاقيرهـا مازانـت أخلاقـي
من قبلها الحظ مـن جرفـه لدحديـره **** لين أوعـزت للزمـان وحرروثاقـي
وأعتضت عن قوم (ابو دقّه وتسكيره) **** باللي(ليـا حاسبـت ماتاخذالبـاقـي)
تعليق