شف وش صارلضامي يوم صارت المدارس اختلاط
--------------------------------------------------------------------------------
يوم ماتن البنات الله يرحمهن واللي ما ماتن الله يشفيهن صارت مهاترات ومهاوشات ووشلون وكيف المهم فيه واحد اسمه الضامي انسان داج في دراسته ما يتابع الا القناة الثانيه على باله انه مثقف عنجليزي .. طموح هالانسان انه يكون نظام المدارس مختلط ودايم يفكر اذا تبطح على السرير ويتخيل انه جمبه بنتين على يساره وعلى يمينه وانهن يتهاوشن عليه ويغارون من بعض عليه وهو مرة منبطح ويتابع هوايته ( يناظر القناة الثانيه) سمع في الاخبار ان المدرسه احترقت وان البنات ماتن وطقته العبره مسيكين .. وقال في نفسه الحين بدال مايخلونهن لحالهن ورا مايخلونا معهن عشان حنا ننقذهن ونكون معهن اما البنات دبش مايعرفن يتصرفن ... يعني بين قوسين كلن ينقذ خويته ولا صار اللي صار المهم ذا المسيكين جالس يتذكرهن ويدعي لهن ويناظر القناة الثانيه الاخبار .. وسمع انهم اقالوا المرشد وحطوا الرئاسه حقت البنات مع المعارف حقت العيال الولد قام يطامر ويناقز على السرير ومن الوناسه يسوي حركه يرقا للسطح وينزل على المواصير حقت المجاري متاثر ببرنامج ( 911 ) اللي على القناة الثانيه ذاك اليوم ماجاه نوم يطامر ويناقز وخربها وراح واشترى شورما بـ 3 ريال ومعها ببسي .. مع انه بالعاده يشتري مطبق بريالين ويشرب مويه من برادة المسجد .. _( يقالكم الحين انه مسوي احتفال ) خلص بلع وراح للحلاق وخذ ياتنعيم وقصات وغسيل بستم وحلق شعر اباطه اللي كنهن نخل يابسات ونظفوا وجهه بستوب ( STOP) ولمعوه الين دلا يلق تقول مرايه .. بعدها مر المكتبه اللي جمبهم وشراله قلم خطاط عريض حق سبوره ورسم الشنب وحبك السكسوكه وحدد الحواجب بالقلم وضبط وضعه .
المهم راح للبيت انسدح على السرير يقول متى يجي بكرا يتحرى يقابل البنات ويدعي ربه يقول ( يارب ان صدى ذا المخيس ذا اللي ريحت اثمه تقول صنان عبد انه مايجي الا متأخر عشان تجلس بنت محله ) وفكر لبعيد وجاب كتاب تعليم كارتيه ( هالكتاب اذا فرشوه عيال جيرانهم راح يقراه واذا نزل يضاربهم نسا كل اللي قراه ورفّسوه الين يتفل العافيه ) المهم انه جلس يقرا هالكتاب عشان ان صدى قوم البنت يفرشه
المهم قام وناظر الجدول لقاه رياضيات - جولوجيا- رياضه - فسحه - احياء - توحيد - كيمياء - طلعه ياعمري على العلمي ) لوول
جلس يفكر انه دخل المدرسه الساعه 5 <-- مستعجل يبي يحجز له بنت ... ولقا هالبنات مجتمعات والعيال مابعد جو لانه هو الوحيد اللي يفهم انجليزي ويناظر الاخبار ودرا ان البنات يبي يجون معهم ..
وجلس يحوس بينهن ويدور الاحلى ( طبعا جالس يتخيل ) وانه راح صف في الطابور حق فصله وكانت فيه وحده قدامه موت بالنسبه له اسمها دلال. قال هيه انتي تصدقين ان فصلنا احسن فصل وان ماصتي احسن مدرسه في الماصه ( تلعثم الولد )
قالت له وانت بعد احسن واحد شفته .. انهبل الضامي وضاع منه الحتسي ( متعوب ) المهم سوو الاذاعه ورقوا فوق للفصول وجرها الين جلسها على ماصة صدى خويه وقال ان قالك قومي قولي لا .. من حظه ان صدى غاب هاليوم المهم اول حصه رياضيات .. طبعا هو مايجيب دفاتر ولا شي ماجاب الا الرياضه حقت وزارة المعارف ويتمنى ان لونها يعجب البنت
المهم طلعت البنت دفترها تبي تكتب اسم الموضوع والتاريخ .. ويجي ويتل الدفتر منها وجلست تناظره بعيون حاقده : : وهو ارتاع قال ابكتب عنك انتي ارتاحي انا وش شغلتي هنا مسوي يبي يكسب رضاها .. وتقوم وتتل منه الدفتر وتقول ماطلبتك ياملقووف ضاق صدره الضامي وخلصت حصة الرياضيات وماصدق على الله لانه دايم يتشائم بها ... جت حصة الجولوجيا دخل المدرس وكتب الموضوع وقامت البنت دخلت دفتر الرياضيات وطلعت الجولوجيا جا يبي يسوي نفس الحركه ويكتب عنها وتذكر نظراتها
قال مابدهاش اسكت لاتخرب العلاقه .. المهم المدرس بدا يشرح وبدا يسال الطلاب والطالبات طبعا الطلاب مفهين كلن يناظر اللي جمبه ... المهم المدرس سال دلال ( اللي هي جمب الضامي) وش اكثر الجبال فيها صخور بازلت ..( الضامي فهم خطا بازلت يحسبها ازفلت توهم مزفلتين شوارعهم وحاطين باقي الزفلت فوق جبل) المهم دنق تحت الماصه يبي يغششها وقالها الجبل اللي عند بيتنا متاكد انا .. جاوبي وما عليك البنت من دلاختها جاوبت وقالت الجبل اللي عند بيت الضامي وجلس المدرس يضحك وهزأها وسكتت .. ودلال حقدت عليه غير الحقد الاول
خلصت حصة الجولوجيا وجت الرياضه الضامي قام يشخص وطق رياضة وزراة المعارف وقال وش رايك فيني لو خيروك بيني وبي وائل كعفوري من تاخذين؟؟!! البنت ماردت عليه المهم البنت بدلت في الحمام وشافها الضامي وانهبل على لبسها وناظر رجليها ولقاها لابسه صندل ويقوم مسوي راعي فزعه ويسدحها وياخذ الصندل من رجلينها وينطلهن في الحمام ويسحب السيفون عليهن عشان ماترجع تاخذهن .. ويجي ياخذ كنادر الاديداس حقته اللي اذا لبسها طلعت اصابعه من قدام ويلبسها البنت ويعّقد الحبال على رجولها عشرطعشر عقده عشان ماتعرف تفكها
البنت شافت العقد وش كثرها وانها مهيب قادرة تفكها .. قالت خلني اسكت بدال ما احاول واتفشل.. وسكتت المهم نزلواصار الضامي كابتن و واحد ثاني صار كبتن المهم قال الضامي انا اول اختياره واختار دلال واختاروا ووزعوا اللعب ... المهم الضامي مسك دلال وقال انتي راس حربه وش رايك البنت بلمت ماتدري وش راس حربة المهم الضامي يصلح لها وهي ان جت تشوت فنفست على خشتها وطلعت الشلحه من عند عصاقيلها وطاحت .. بعدها جت هجمه مرتده بقيادة الضامي ويرفع الكوره وكانت دلال لاهيه تفكر وتجي الكوره وتصقع في دمجتها وتجيب هدف ويجي يرككككككككض
ويخخممممممممممهههاااا واحلا انتي قويه وانتي محترفه ومادرى الا وذاك الكف جايه يمشي مليون الضامي تحطم وطلع بداعي الاصابه واول هزيمه له وهو كابتن تجي بسبتها .. المهم جلس يتعبر وتررررررن خلصت الرياضه ولبسوا وراح يشتري لها سن توب وتويكس من المقصف وعطاها وقال هذا عشان المجهود اللي سويتيه كنتي مبدعه ودي تعلميني وشلون وتدربيني
المهم دلال صدقت وابتسمت له والضامي ضاااع مايدري وش يسوي من الفرحه
قام من اللخمه وحط يديه على يدينها يبي يهمّزها يقالك يبي يريحها وبوز بكنادر الاديداس حقته اللي عطاها على خشته الضامي من اللي صار انقطع خياله وصحا .. وخاف وضاق صدره ومن الضيقه نام وقام الصبح من بكرا وراح للمدرسه ومالقا الا اشناب وشلة اخوياه الشيون وحمد ربه وقال اشوا ان مافيه بنات
صدقوني لو في المدارس والجامعات بنات كان العالم يجرجرونهم للامنيه والعسكريه ذا اللي تتهاوشون عليها الحين
--------------------------------------------------------------------------------
يوم ماتن البنات الله يرحمهن واللي ما ماتن الله يشفيهن صارت مهاترات ومهاوشات ووشلون وكيف المهم فيه واحد اسمه الضامي انسان داج في دراسته ما يتابع الا القناة الثانيه على باله انه مثقف عنجليزي .. طموح هالانسان انه يكون نظام المدارس مختلط ودايم يفكر اذا تبطح على السرير ويتخيل انه جمبه بنتين على يساره وعلى يمينه وانهن يتهاوشن عليه ويغارون من بعض عليه وهو مرة منبطح ويتابع هوايته ( يناظر القناة الثانيه) سمع في الاخبار ان المدرسه احترقت وان البنات ماتن وطقته العبره مسيكين .. وقال في نفسه الحين بدال مايخلونهن لحالهن ورا مايخلونا معهن عشان حنا ننقذهن ونكون معهن اما البنات دبش مايعرفن يتصرفن ... يعني بين قوسين كلن ينقذ خويته ولا صار اللي صار المهم ذا المسيكين جالس يتذكرهن ويدعي لهن ويناظر القناة الثانيه الاخبار .. وسمع انهم اقالوا المرشد وحطوا الرئاسه حقت البنات مع المعارف حقت العيال الولد قام يطامر ويناقز على السرير ومن الوناسه يسوي حركه يرقا للسطح وينزل على المواصير حقت المجاري متاثر ببرنامج ( 911 ) اللي على القناة الثانيه ذاك اليوم ماجاه نوم يطامر ويناقز وخربها وراح واشترى شورما بـ 3 ريال ومعها ببسي .. مع انه بالعاده يشتري مطبق بريالين ويشرب مويه من برادة المسجد .. _( يقالكم الحين انه مسوي احتفال ) خلص بلع وراح للحلاق وخذ ياتنعيم وقصات وغسيل بستم وحلق شعر اباطه اللي كنهن نخل يابسات ونظفوا وجهه بستوب ( STOP) ولمعوه الين دلا يلق تقول مرايه .. بعدها مر المكتبه اللي جمبهم وشراله قلم خطاط عريض حق سبوره ورسم الشنب وحبك السكسوكه وحدد الحواجب بالقلم وضبط وضعه .
المهم راح للبيت انسدح على السرير يقول متى يجي بكرا يتحرى يقابل البنات ويدعي ربه يقول ( يارب ان صدى ذا المخيس ذا اللي ريحت اثمه تقول صنان عبد انه مايجي الا متأخر عشان تجلس بنت محله ) وفكر لبعيد وجاب كتاب تعليم كارتيه ( هالكتاب اذا فرشوه عيال جيرانهم راح يقراه واذا نزل يضاربهم نسا كل اللي قراه ورفّسوه الين يتفل العافيه ) المهم انه جلس يقرا هالكتاب عشان ان صدى قوم البنت يفرشه
المهم قام وناظر الجدول لقاه رياضيات - جولوجيا- رياضه - فسحه - احياء - توحيد - كيمياء - طلعه ياعمري على العلمي ) لوول
جلس يفكر انه دخل المدرسه الساعه 5 <-- مستعجل يبي يحجز له بنت ... ولقا هالبنات مجتمعات والعيال مابعد جو لانه هو الوحيد اللي يفهم انجليزي ويناظر الاخبار ودرا ان البنات يبي يجون معهم ..
وجلس يحوس بينهن ويدور الاحلى ( طبعا جالس يتخيل ) وانه راح صف في الطابور حق فصله وكانت فيه وحده قدامه موت بالنسبه له اسمها دلال. قال هيه انتي تصدقين ان فصلنا احسن فصل وان ماصتي احسن مدرسه في الماصه ( تلعثم الولد )
قالت له وانت بعد احسن واحد شفته .. انهبل الضامي وضاع منه الحتسي ( متعوب ) المهم سوو الاذاعه ورقوا فوق للفصول وجرها الين جلسها على ماصة صدى خويه وقال ان قالك قومي قولي لا .. من حظه ان صدى غاب هاليوم المهم اول حصه رياضيات .. طبعا هو مايجيب دفاتر ولا شي ماجاب الا الرياضه حقت وزارة المعارف ويتمنى ان لونها يعجب البنت
المهم طلعت البنت دفترها تبي تكتب اسم الموضوع والتاريخ .. ويجي ويتل الدفتر منها وجلست تناظره بعيون حاقده : : وهو ارتاع قال ابكتب عنك انتي ارتاحي انا وش شغلتي هنا مسوي يبي يكسب رضاها .. وتقوم وتتل منه الدفتر وتقول ماطلبتك ياملقووف ضاق صدره الضامي وخلصت حصة الرياضيات وماصدق على الله لانه دايم يتشائم بها ... جت حصة الجولوجيا دخل المدرس وكتب الموضوع وقامت البنت دخلت دفتر الرياضيات وطلعت الجولوجيا جا يبي يسوي نفس الحركه ويكتب عنها وتذكر نظراتها
قال مابدهاش اسكت لاتخرب العلاقه .. المهم المدرس بدا يشرح وبدا يسال الطلاب والطالبات طبعا الطلاب مفهين كلن يناظر اللي جمبه ... المهم المدرس سال دلال ( اللي هي جمب الضامي) وش اكثر الجبال فيها صخور بازلت ..( الضامي فهم خطا بازلت يحسبها ازفلت توهم مزفلتين شوارعهم وحاطين باقي الزفلت فوق جبل) المهم دنق تحت الماصه يبي يغششها وقالها الجبل اللي عند بيتنا متاكد انا .. جاوبي وما عليك البنت من دلاختها جاوبت وقالت الجبل اللي عند بيت الضامي وجلس المدرس يضحك وهزأها وسكتت .. ودلال حقدت عليه غير الحقد الاول
خلصت حصة الجولوجيا وجت الرياضه الضامي قام يشخص وطق رياضة وزراة المعارف وقال وش رايك فيني لو خيروك بيني وبي وائل كعفوري من تاخذين؟؟!! البنت ماردت عليه المهم البنت بدلت في الحمام وشافها الضامي وانهبل على لبسها وناظر رجليها ولقاها لابسه صندل ويقوم مسوي راعي فزعه ويسدحها وياخذ الصندل من رجلينها وينطلهن في الحمام ويسحب السيفون عليهن عشان ماترجع تاخذهن .. ويجي ياخذ كنادر الاديداس حقته اللي اذا لبسها طلعت اصابعه من قدام ويلبسها البنت ويعّقد الحبال على رجولها عشرطعشر عقده عشان ماتعرف تفكها
البنت شافت العقد وش كثرها وانها مهيب قادرة تفكها .. قالت خلني اسكت بدال ما احاول واتفشل.. وسكتت المهم نزلواصار الضامي كابتن و واحد ثاني صار كبتن المهم قال الضامي انا اول اختياره واختار دلال واختاروا ووزعوا اللعب ... المهم الضامي مسك دلال وقال انتي راس حربه وش رايك البنت بلمت ماتدري وش راس حربة المهم الضامي يصلح لها وهي ان جت تشوت فنفست على خشتها وطلعت الشلحه من عند عصاقيلها وطاحت .. بعدها جت هجمه مرتده بقيادة الضامي ويرفع الكوره وكانت دلال لاهيه تفكر وتجي الكوره وتصقع في دمجتها وتجيب هدف ويجي يرككككككككض
ويخخممممممممممهههاااا واحلا انتي قويه وانتي محترفه ومادرى الا وذاك الكف جايه يمشي مليون الضامي تحطم وطلع بداعي الاصابه واول هزيمه له وهو كابتن تجي بسبتها .. المهم جلس يتعبر وتررررررن خلصت الرياضه ولبسوا وراح يشتري لها سن توب وتويكس من المقصف وعطاها وقال هذا عشان المجهود اللي سويتيه كنتي مبدعه ودي تعلميني وشلون وتدربيني
المهم دلال صدقت وابتسمت له والضامي ضاااع مايدري وش يسوي من الفرحه
قام من اللخمه وحط يديه على يدينها يبي يهمّزها يقالك يبي يريحها وبوز بكنادر الاديداس حقته اللي عطاها على خشته الضامي من اللي صار انقطع خياله وصحا .. وخاف وضاق صدره ومن الضيقه نام وقام الصبح من بكرا وراح للمدرسه ومالقا الا اشناب وشلة اخوياه الشيون وحمد ربه وقال اشوا ان مافيه بنات
صدقوني لو في المدارس والجامعات بنات كان العالم يجرجرونهم للامنيه والعسكريه ذا اللي تتهاوشون عليها الحين
تعليق