تعال وشوف شخصيتك الستاربكسية
أنا طـلعـلـي هـذا
كان ودي بفربتشينوا أوهوت شوكليت بس يلاااااا يبيلي أجربة
أغلب الكلام صح ((لاحظوا أغلب يعني موو كله))
*شخصيتك بشكل عام*
تحب أن تكون لك مملكة خاصة فيك ..مهما إختلفت بيئتك وظروفك .. وهم تموت على شي اسمه تنظيم
قيادي بشكل ملحوظ .. ومسيطر على أي عمل تقوم فيه ... أحلى شي فيك انك شهم وقوي وشجاع بقراراتك ..
وتكره شي إسمه التردد بـ أي شي تسويه ناوي تسويه.
*الحــب*
عاطفي وااايد ..وأغلب اللي حوالينك يلاحظون هالشي فيك ... لدرجة إنك إذا حبيت..تهتم بحبيبك وتخاف عليه من نسمة
الهوا الطايرةوهم انت من النوع الكريم بحبك ومعطاء..وتحب تبين عواطفك بأحلى طريقه وافضلها..وتتميز بثباتك بالحب.
*الصداقة*
كريم مع ربعك من قلب..يعني اذا قااااز ورايح مطعم من هالمطاعم وياهم..ماتخلي احد يفج بوكه
غيرك تحب ربعك يكونون من مستواك المادي ..عشان يجارونك بالماركات واللبس وهالشغلات ..
وهم عشان ما تحس بالفرق المادي بينكم لان هالموضوع يزعجك بدرجة كبيرة ..
مستعد انك تعتذر حق ربعك اذا جرحتهم ... وهالشي مميز فيك .. والأحلى انك اتفنتق
أوتبدع بالاعتذار يعني بوكيه ورد شغل عدل ..أو شغلات جذي ..علي راسي.
*الشغل*
تحب انك تكون مركز محط الانظار...وتكره انك تكون في موقع التابع..يعني تفضل انك تكون في منصب
المدير الاداري مثلا..أورئيس قسم..المهم منصب إداري قيادي مهما كانت ظروف أو طبيعة الوظيفة
(( مادري شسالفة..بس المهم فيها راتب)).
*الايجابيات*
كريم
صادق
محترم
خلوق
متفائل
طموح ونشيط .... ((استحيت)).
*السلبيات*
بعضكم فيكم غرور
دمك ثقيل شوي لوول
قاسي
دكتاتوري
تخش بقلبك وايد (( قالوا بعضكم .. انا من البعض اللي مافيه هالسوالف )).
يــلا كـل واحـد يـراوووينا هـو منـووو... بـووون وووي
تعليق