لمين أشكي حالي ومين يسمع كلامي
في مشكله محيراني وفي ليلي مسهراني
أرق وقلق وسهد في ليلي وفي نهاري
أللي عنده جواب يرسل علي عنواني
عنواني هو قلبي مسكون بأضلاعي
تعالوا أسألكم سؤالي وعيشوا إحساسي
واحدة حبيتني من غير ماتخبرني
ولا حتي تعلمني أنها حبتني
وفي يوم حسيت إنها تحاوطني
والغيرة كشفتها وبانت حكايتها
لاقدرت أصدها ولاحتي أعاتبها
عارف إن الحب لابإيدى ولا بإيدها
ده ياناس قدر مكتوب علي جبينها
والمكتوب علي الجبين هتشوفه عينها
تفتكروا أيه الحل لو أنا غيرها حبيتها
يصعب علي يوم تعرف أني ماحبيتها
وغيرها نال قلبي وأشتعلت غيرتها
أخاف عليها النار تحرق وسادتها
بدموع ليل ونهار وما أقدر أساعدها
وأخاف الغيرة تولع في اللي حبيتها
واحده ينكسر قلبها والتانيه أفقدها
أحكي مع نفسي عن اللي حبيتها
الأولي وألا التانيه في قلبي محبتها
وألا عشقت التانيه والأولي حبيتها
يمكن تقولوا جنان أو حتي هذيان
بس أنا حيران وقلبي صار تعبان
دلوني علي دوا يمكن يشفي البال
وأرسلوا الجواب والدوا علي العنوان
تعليق