ياقلب أنا بلشت بك ~ لـ الشاعر خلف المشعان ..
الشاعر خلف المشعان ..
ياقلب أنا بلشت بك
ياقلب انا بلشت بك .. وين اوديك ؟؟
شيبت بي ياقلب .. من صغر سني
اسعى وراك .. وخيب الله مساعيك
من طيبتك .. ماشفت .. غير الهبني
ياكثر ماتجـني .. عليه هقاويك
من حسن ظنك .. بالبشر ساء ظني
اعطيك غيري .. لجل مايحتفظ فيك
وترجع تقول : اللي خذاني طعني ..!!
طيب شسوي بك .. ؟.. وهذي امانيك
اللي جرالك منك .. ماهوب مني
تسد باب .. وتنتفح لك .. شبابيك
وكل ماتهزك عاصفه .. تمتحني
بلشت بك .. بلشـة هل الديك ، بالديك
اللي بغى يذّن .. وصبّح يغني ..!!
تسري ورى النية ( واتولِي ) مساريك
حتى قتل صبحك ( ظــلام التبني )
الى هنا وآقول ..( بسّك ) .. ويكفيك
رد الكلام .. ووصل العلم عني
ماني تبع هذي ، ولاني تبع ذيك
لاجا الصحيح ...أثنينهن يتبعني
التحميل:-
أستماع و تحميل موفق
تعليق