طفـــوله ....

طفــــولـــه

يدعيلي ابوي .. وذاكر
تدعيلي أمـي .. وذاكر
والملم أوراقي والدفاتر
اول يومنا يبداء بالشروق
نلبس الثوب ونروح
نحمل كتبنا والدروس
فينا الشبه والله كبير
هذا صغير .. وهذا صغير
بس طموحنا ماله حدود
تعجبنا الشقاوة واللعب
بضحكنا ننسى التـــعب
طفــــولـــه

طابور واطفال وصراخ
نمشي بخطانا .. خايفين
امانه لايكونو .. شايفين
نفتح ابواب الفصول
كلنا بصمت نقول !

حصص .. وفصول .. ودراسة
عـــــلبة .. الـــــوان .. وكراسة
طباشير .. وسـبورة .. ومساحة
نرسم المستقبل بالوانه
نجهل العالم واسرارة

هذا كرسي
هذي طاولة
واللي بجنبي جارنا
ابوه من مدة زارنا
ماعلينا
طفــــولـــه

بارسم الغيمة في بالي
وطيوراً تهاجر
ادري عني ماتسافر
تطير لداريش جارتنا
اشوف الستايرتتمايل
وانا بعـــــــيني اخايل
اشبك يديني في يديني
فيني حياء
فيني خجل
واقوم اصفق للطيور
علها ترجع لاتروح
وربي ماني يمها
فتح شباكها واحد
احسب اني مواعد
ابوها .. لا
اخوها.. لا
لا وربي .. امها
ياحسافة ..
ماهمني ماهمها
طفــــولـــه

بارجع للقلم واوراق
وتذبل فيـــني الازهار
حرام الماضي اللي كان
هذا عمري .. بداء يزداد
ودارت فيني الايام
ابرجع للوراء لحـــظات
واتذكر الماضي بدمعات
ابوي يدعيلي وذاكر
امي تدعيلي وذاكر
طفولــــــــه ..


محبكم
محمد