لا تعتذر ما للهجر منك تبرير
وصدك بليا ذنب والله ضليمه
ماصارلي بعدك يفوق اي تصوير
تجددن كل الجروح السليمه
بعدك لعب في هاجسي والتفاكير
وقلبن جريح وروح صبن مهيمه
ماغير اسلي خاطر بالمشاوير
اروح وارجع والهواجس مقيمه
ياحبي الي بين بيض الغنادير
لك في عروش القلب قدرن وقيمه
انكان صدك ماخذك عني الغير
روح ولو ان العواقب وخيمه
ان كانهاعني خذتك المقادير
فالعفو عند المقدره فيه شيمه
يامرحبا والحب كله معاذير
تشفعلك ايام الغرام القديمه
يوم الهوي لازارني منك عصير
اضم في صدري من اجلك نسيمه
واليوم اصبر خاطر الوجد تصبير
واقول صدك عقب وصلك جريمه
مما راق لي واخلج صدري
تعليق