اللي بقى لـي مـع الأيـام . . وفّيتـه=والضيق لـو ينهمـر تشربْـه وديانـي
ماهي كبيـرة علـّي والحـزن غنيتـه=وْلاهـي غريبـة إذا وقتـي تحـدانـي
الخوف يا من نبشت القلب وأدميته=لاعشت زهرة شبابك وأنت وحدانـي . .!!
كم جرح خذْته من الأحباب .. ضمّيتـه . .؟؟=وجــروح قلبـي زكــاة لْحُــبّّ خِـلاّنـي
مطعون ! عآآآآدي.. جفا الأقراب ! داويته=تعبان ! مبطي.. ردى هالحظ ! خاوانـي
صدمة ! بسيطة .. هَوان الحال ! مرّيتـه=مقرود ! أدري .. وإذا حرمان عدّانـي
ما فاح هَـم ٍ لـك الله مـا تقهويتـه=ما مـرّ حـزن ٍ بغيـري مـا تبلاّنـي . .!
ياما وياما مـن الخـذلان .. عديتـه=إلا بصاحبْ .. بعد عِشره تناساني . .!!
أزريت لأنسـى غيابـه ليـن ناديتـه=والمـوت لامـن تجاهلنـي وجافـانـي
وينه يجينـي . . وكـل عْتـاب كنّيتـه =يااليت يدري بعد فرقـاه وش جانـي . .!!
من كنت طفل ٍ وأنا أرجـاه فـي بيتـه=شيّبت . . واثره على هالحـال خلانـي . .!
حتى جنـاح العَتَـب لرضـاه ذليتـه=ماطِرْت بعده فـرح مـن ذلّ جنحانـي
يا قلب صبرك . . ترى كل شيّ سويتـه=ما كان أفضل من اللي كـان بإمكانـي
لو بيّ قـوة علـى الهجـران ! خليتـه=لو بـيّ ذره مـن النكـران ! يفدآآآنـي
الجرح أرحم . . إذا يرجع مـن أغليتـه=مجروح! فِدوه . . ولكن صعب وحداني . .!!
ماهي كبيـرة علـّي والحـزن غنيتـه=وْلاهـي غريبـة إذا وقتـي تحـدانـي
الخوف يا من نبشت القلب وأدميته=لاعشت زهرة شبابك وأنت وحدانـي . .!!
كم جرح خذْته من الأحباب .. ضمّيتـه . .؟؟=وجــروح قلبـي زكــاة لْحُــبّّ خِـلاّنـي
مطعون ! عآآآآدي.. جفا الأقراب ! داويته=تعبان ! مبطي.. ردى هالحظ ! خاوانـي
صدمة ! بسيطة .. هَوان الحال ! مرّيتـه=مقرود ! أدري .. وإذا حرمان عدّانـي
ما فاح هَـم ٍ لـك الله مـا تقهويتـه=ما مـرّ حـزن ٍ بغيـري مـا تبلاّنـي . .!
ياما وياما مـن الخـذلان .. عديتـه=إلا بصاحبْ .. بعد عِشره تناساني . .!!
أزريت لأنسـى غيابـه ليـن ناديتـه=والمـوت لامـن تجاهلنـي وجافـانـي
وينه يجينـي . . وكـل عْتـاب كنّيتـه =يااليت يدري بعد فرقـاه وش جانـي . .!!
من كنت طفل ٍ وأنا أرجـاه فـي بيتـه=شيّبت . . واثره على هالحـال خلانـي . .!
حتى جنـاح العَتَـب لرضـاه ذليتـه=ماطِرْت بعده فـرح مـن ذلّ جنحانـي
يا قلب صبرك . . ترى كل شيّ سويتـه=ما كان أفضل من اللي كـان بإمكانـي
لو بيّ قـوة علـى الهجـران ! خليتـه=لو بـيّ ذره مـن النكـران ! يفدآآآنـي
الجرح أرحم . . إذا يرجع مـن أغليتـه=مجروح! فِدوه . . ولكن صعب وحداني . .!!
تعليق