بسم الله الرحمن الرحيم
سلامٌ من الله عليكم ورحمته وبركاته
إليكم مجموعة من الابيات الشعرية القصيرة ...((الابوذيات))
وهذه الكلمات بهديها إلى جميع الاصاحب والاخوات ..
بعض الابيات مُهَداَتَ إلى اشخاص بــ اسمائهم
وبدون زعل من البقية...
حبك بقلبي مثل دق النبض حاسبة
وانصاب جلطة القلب وأنت ولاحاسبة
ياترى أفراق القلم والسجل والحاسبة
وأحسب جروح اتلفان بالقلب مية والعين دم اهملت موبس دمع مـيـه تبجي وتگود الدمع عـالدار يوميه وإن كان ماصدقت هاك القلب حاسبه
.......
احـبــكــ من صغر عـودي وسـنـي
ومن حبك سقـط شعـري وسـنـي
على حالي بچه شيعي وسني
وثالثهم مسيحي يـون عليه
ومن حبك سقـط شعـري وسـنـي
على حالي بچه شيعي وسني
وثالثهم مسيحي يـون عليه
.......
غرامك صار إلي معبد وقبله
وأرضه بكل نقد منك واقبله
وأبوس الصخر واشتمه واقبله
لان قاسي مثل گلبك عليه
.......
نشدت الناس عنك وانت هينه
وعلى فراگـك تلفنه وانتهينه
الـگـلب أنت تعذبه وأنت هينه
ويضل اسمك حلو وغالي عليه
.......
ياصاح لاتهيج الروح خلها
وعساهه تموت من بعد افراگـ خلها
لازم ايدي الطبيب وصحت خلهه
المرض بالكلب جا شلك بديه
.......
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمع طيب ونضيف
بكثر معنى الحـروف الابجديه
.......
إهداء حق الاخ مالك/مملكة الحب
وحگ حيدر شديد العزم والياس
زرعت أدروبكم بالورد والياس
منكم ماگطعت ألرجه والياس
إعزاز وتصعب الفرگه عليه
.......
وهــــاي حقــــ نـــور
أدگ عليك يقول الطلب جاري
وعليك الدمع فوگ الوجن جاري
ريتك يا لـحـبيب تصير جاري
وبحبك صرت أنـي الضحية
.....
وهــاي لـــــ عطر
ألوجهك حلو مخبوط بــ سمار
تدگ بالگـــلب لمن تمر بسمار
لو أني ميت وعلى الگبر بس مـــار
اگومن بحيلي وأخذلك تحية
اگومن بحيلي وأخذلك تحية
.....
وفي الختام تحياتــــي إلى كل من مـــر من هـــنـــا
والسلام عليكم
تعليق