من عز نومي صحيت وشفت mp3 .
قصيدة فهد المساعد
(( من عز نومي صحيت))
ابدأ من هنا
http://uploaded.m0dy.net/166458/m0dy...1273556773.mp3
من عز نومي صحيت وشفت فـي عيني
دمـع تـهـادى عـلـى جفني وانـا غـافي
سـتـرت دمـعي بكـمي قـبـل يغريني
واخـذت هـذا الـجـسـد مـن بـاقـي لحافي
وسـريـت تـايـه ورى خـطوات رجليني
لاالوجه وجهي ولاأوصافي هي أوصافي
أمشـي واقـول لـطـريقـي لاتوديـنـي
لـعـيـون نـاس تـبـي تـدري عـن الـخافي
أمـانـتـك...خـلـهـا مـابـيـنـك وبيني
خـابـرك يـالـدرب خـوة عـمـر واسـنـافـي
مـاودي الـنـاس تـدري وش يـبـكـيني
كـرامـة الـنـفـس ورث ابـــوي واسـلافـي
أمـشـي واحس الخناجر في شراييني
والـبـرد يـمـشـي وراي ويـنـهـش اطرافي
وحـيـد واللـيـل بـردونـه يغـطـيـنـي
تـقـول كـن الـبـلـد روح بـهـا الـســافـي
إلـيـن مـاأوحـيـت صـوت يـنـاديـني
صـوت أعـرفـه مـثـل مـاأجهل وش خـلافي
قـمت أتـلـفـت وانـادي لاتـخـلـيـنـي
مـاغـيـره...الـصـوت هـذا صـوته الـدافي
ولمحت زوله من أقصى الدرب لافيني
مـدري وش اقـول لـكـن حـي هـاالـلافـي
تعال...شف غيبتك كيف أثرت فيني
تـعـال...شـفـنـي وانا أغرق عقب مجدافي
تـعـال...خذني ورحبي من عناويني
تـعـبـت أعـدي عـلـى جـمـرك وانـا حـافي
تـعال واقطف بصوتك زهرة سنيني
كـل الـمـواعـيـد عـقـبـك شـمـعـهـا طـافـي
تعال وشفيك خايف؟ أنت ناسيني؟
قـطـعـت صـوتـي عـليـك وطـال مـيقـافـي
حتى بديت أشعر ان الحب معميني
وأن أنـت حـلـم عـثـى فـيـنـي وانـا غـافـي
لكن أمانه ترى اللي فيني كافيني
إن رحـت مـنـك كــــذا مـارحـت مـتـعـافـي
بـصـدق الـحـلم واحـذر لاتصـحيـني
فـي خـاطـري كـلـمـتـيـن إن قـلتـهـا كافي
أمانة الله عليك ان غبت عن عيني
لايـكـون قـلـبـك مـثـل قـلـب الـزمـن جـافـي
مـع كـل دمـعه تذكر رعشة يديني
ومـع كـل ضـحـكـه تـذكـر قـلـبـي الوااااافي
تعليق