أغرب قصة حب بالرياض
يقول بطل القصه رحت لمحل بيع الكتب المستعمله المكتبه ذي تبيع الكتب الرخيصه رحت لها وشريت لي كتاب وكان عندي أختبار له في اليوم الثاني .. هذي طريقتي في الأختبارات ( المهم فتحت الكتاب ) فتحت الصفحه البيضاء اللي بعد الغلاف لقيتها مكتوبه بقلم حبر ناشف , واضح إنه مكروف لين قال آمين , المهم .. الكتاب طلع لبنت قبل ماتبيعه والغريب إنها كاتبه الكلام هذا : < أنا أدري إنك أول ماتقرا الورقه ذي بتنهبل , بس خلني أقول لك شي .. أنا صراحه مثلك في الكلية ومقهورة .. ماكتبت هالكلام إلا من القهر .. وعندي إحساس إنك بتقدر ظروفي كونك مثلي عايش نفس الأجواء الحين > وقامت تسب في دكتوره اسمها .. !! وبعد ماشبعت من سبها .. قالت :<وعموما فرصه سعيده جدا إني تعرفت عليك , واشكرك على قراءه كلماتي بس والله ماكتبت الإمن الطفش - عموما - أنا فضولية شوي.. ممكن بعد ماتخلص من الكتاب .. تكتب لي على الوجه الثاني ردك لي .. ورجعه وأنا بقرا ردك .. وإن شاء الله إني أبي أجي أشتريه في تاريخ كذا كذا ناظرت في التاريخ ..لقيته بكره!!!؟ياساتر وش أسوي؟طيب أنا ماذاكرت..وش ذا الحظ؟المهم إني رحت وطي..
وقررت إني أكتب لها الرد وبرجعه..بس قبل كل هذا رحت بالاختبار عشان أذاكرضبطت لها رد محترم وقلت لها:ترى أبي أشتريه عقب أسبوع..ورحت أرجعه..وفعلا رجعته وشراه الزوووول مني بنص السعر اليوم الثاني بالليل رحت للمحل لقيته الكتاب مباع سألت الزووول:الكتاب اللي شريته منك أمس وينه?قال امبارح اجت بنت وشالته!! وانا اللي تنفتح كشرتي لين وصلت اذاني المهم أخذت أناوياها ثلاثة أشهر وحنا شارين الكتاب بايعين الكتاب..والمستفيدالمحل حق الكتاب المستعمل..لاوبعد صار مايحطه في الدرج..خلاص فهم عليناوصاريخليه عنده على الطاوله ويسلمه لي أولها أول مانجي..مررررت الأيام وجيت مرة قلت للزوول وين الكتاب?قال:ماأدري امبارح جاء راجل أخذ الكتاب..قلت:ياابن الحلال قل غيرهالكلام الكتاب قديم ومعفن وأوراقه نصهاكتابات..قال:آآآآي عليك الله أخذوه الزول الكتاب الأصفر..المهم طلعت وركبت السياره..ويوم وصلت الإشاره قلت:لحظه يارجال ال...الحين يقول الكتاب الأصفر..ياخي هوأحمرأصلامهوب أصفر..المهم ديورت بسرعه ودخلت المحل بسرررعه..تتوقعون وش شفت؟!! لقيت الزول ماسك كتابي الأحمروقاعد يكتب الرساله اللي أنتظرها صفحه من الصفحاااات طلع الله يهديه هو اللي مسوي انه بنت ومسحبني على وجهي علشان يستفيد..
هاهاها شنو شعوركم لو كنتوا مكان الشاب ؟
ياررررررررب تعجبكم
تعليق