,,,,,,,مــشـــاريـــه,,,,,,.

,,,,,,,مــشـــاريـــه,,,,,,.
لا مانقول الوقت حـذف بلاويـه
لا مانقـول الوقـت قيـد يدينـا
لا مانقول القلب ماتـت هقاويـه
لا مانقول امن الهمـوم ارتوينـا
حنا نقول الجرح حنـا نداويـه
لو كان نبقى انروح ماكان جينـا
نشره على منهو نـوده ونغليـه
اللي له احقوق ٍ ويشـره علينـا
والا الذي ماله علينـا مشاريـه
لو هو تـردى ابحقنـا مادرينـا
ندوس حنا الوقت من قبل نشكيه
ماعمرنا الحقران حنـا ر ضينـا
مانتبع اللي خاب حتى الرجى فيه
وش عاد لو هو كان منا وفينـا
حنا صبرنا لجل حشمة .. بنيخيه
ومن الصبر مافيه شـي جنينـا
خلا ص حنا مانعـده ونرجيـه
خلاص من جمر الليا ل اكتوينـا
ماعاد ذاك الليـل حنـا نداريـه
هو انتحى عنـا وحنـا انتحينـا
كانه يبينا ومخلص ً في مساعيه
هو ليه ماجانا يوم انـى بدينـا
كثرة علينـا باليالـي مساويـه
خلا ص من يمه خلاص انتهينـا
احد ٍ يموت وعدة اسنين نبكيـه
واحدن معانا ابجثتـه مارجينـا
يبقى الزمان ان كان تبقى معانيه
ويفنى الزمان ان كان حنا فنينـا
مع السلامه يالزمـان ومباديـه
ومع السلامـه يأمـل محتوينـا