نضحـك عنــآإد

إعتزى بيت القصايد من زعل بأقصى جدوده
وانتخى بالقاف ناوي بالهوى عـز وجهـاد


يوم بعض الشوق يتمادى ويتعـدى حـدوده
والله ان البيت من دونـي يجاهـد بالزنـاد


ياوفيّه الوفـا حنّـا شربنـا مـن عـدوده
مارضينا البور والله مانشـد إلـه الشـداد


لن صملنا ماطرى يابنت وسط البال عـوده
وان جزعنا من جروحٍ ساطيه نضحك عنـاد


وان مشينا الدرب والله مارضينا الا بسنوده
والهزيلـه للهزايـل والشديـده للـشـداد


الوفي يقطع يمينه قبـل لايخلـف وعـوده
فـي دروب العـز لازادوا عليـه بعـز زاد


والرجل ماتثنيه ياكود حبـة خشـم عـوده
غيرهـا لا لا و لا لا لابيـاض ولاســواد


ماثننـه يابنيّـه اعسـر عـلـومٍ تـكـوده
كيف تبغيـن الهـوى يثنيـه والا هالـوداد


وكل شخصٍ له عيونٍ صوب مايبغى تقـوده
وكل صقرٍ ينعرف من هدتـه وقـت الهـداد


وكل قلبٍ بالهوى تكفي احاسيسـه شهـوده
وعان قلبي لاذكرتك بالهوى عـاف الرقـاد


والله اني موفيٍ لك والوفا عنـدي عهـوده
بس .. غلطة خافقك يسمع خبر ماهو وكـاد


والله اني ما اعتذر وانتي على قلبي محسوده
ولا ابي منك اعتذار مسامحـك لكـنّ عـاد


والله انـك ثـم والله ثـم والله لـو تعـوده
والله اني لعلـن الفرقـا وألبسـك الحـداد

وسلآمتكم ... آخوكم صقرٍ البوآدي