وٍصـف النسـآإء وٍالـرجــآإل

الجروح القديمه والجروح الجديده هاضت وردت بكذب البنات القصيده
والحقايق حرايق والمعاني فريده الله اكبر على كذب البنات وحلاته

لا تقولين كاذب ونت راعي ضليمه قايل الحق وجروحي قديمه قديمه
وقفي ونتفاهم قافي السيل ديمه وكل مسلم على القبله يصلي صلاته

من عصر آدم وحوى الا العصر هذا وكذبكم يالبنات اكثر واعضم لماذا؟
لانكم ناقصات الدين والعقل هذا!من حديث( الرسول )الي حفضنا وصاته

وكيدكن عظيم وكذبكم مايجاراتجربه فارس ضاري بعسف المهارا
جرب المر والحلوه بليل ونهاراولا اعم البنات اغلبهم اذكر صفاته

اغلب الغيد فيه الكذب والغدر عاده تحسبنه ينجيها تعبده عباده
ماتعرف انها تسلك طريق القراده دايم الكذب يكشف ماتغطي عباته

وفيهم الخاينه والناكره للجمايل لا خذت مصلحته تجحدك ماتسايل
وش بعدد ووصف في البنات الهوايل ولا أزكي الشباب وفيهم الوصف ذاته

وفي الرجال الصدوق الوافي الجزل طبعه الخلوق المهذب تفتخر فيه ربعه
صامل القلب يصرع من عدا الجن سبعه في الشدايد يبين بسكنته وحركاته

وفيهم النشمي الراكد ثقيل المرازي ماتهزه رياح ولا خدعه انتهازي
ذيب (ن) امعط على كيفك وراعي مغازي ياعسى الطيب من الناس تبطي وفاته

وفيهم الي مايسوى قرش خبل مدبر ثورا ادرع على قرنه يغبر يغبر
وفيهم الي لاشي وعايل ومتكبر ياعسى الصنف هذا ماتطول حياته

وفي البنات الخفيفه وزنها وزن ريشه عله في النحور وعقلها زاد طيشه
وفيهم ملسنه ومنكده للمعيشه تدوخك بالدوادي والقلق والشماته

وفيهم الي تفرق بالنمايم لاحبه سوسه المجتمع والحرب دايم تشبه
وفيهم اذاعه تسوى من الحبه قبه مروجه للكذب ومراسله في قناته

وفيهم الي تكن الكره حقد وضغينه عقرب في الثرى حيه تبن هي اللعينه
سمها من تحت لا تحت يقتل مدينه تضهر الخير وتبطن من الشر آفاته

ومنهم الصنف الاخر والنوادر قلايل فيهم المعدن الصافي بنات الحمايل
صادقات الوعود وكاسبات النفايل ومن ظفر في ذوات الدين تسعد حياته

فيهم الصادقه والواثقه في خطاها من بنات الفحول الي يذري ذراها
تجمع العقل والدين وجمال كساها من عشق مثلها عزالله انها غناته

ومنهم عبيه ومهره وفيهم كحيله وفيهم النادره والكايده والاصيله
ومنهم الناهيه والفاتنه والجميله وفيهم الي عليها الملح بانت سماته

من بنات آدم وحوى ومن ظلع اعوج ومن يبي يعدله يما كسره او يحرج
ومن صبر ماندم والصبر في الضيق مخرج وطالب الحق صايب والحقايق نجاته






وسلآمتكم ,,, آخوٍكم صقر البوآدي