وحدة بوحدة

قصيدة من ذهب للشاعر فهد مساعد السبيعي المعروف بـ (فهد المساعد)

ياغايبه وإن كان فيها جماله##تجملي يأم الحلا والظفاير
بالله شوفي صاحبك كيف حاله##شوفيه في غيبتك وشلون صاير
صارت حياته ضيق خلق وبطاله##هم وسهر وأوراق شعر (وزقاير)
يعني حبيبيك صار حالته حاله##ماباقي إلا أنه يدق العباير
الله لامنه ذكر ما مضاله##قبل الدواير لاتجر الدوايــــــــر
يوم الطفوله والشقاء والجهاله##يوم الكباير في عيونه صغاير
أيام كان معانده راس ماله##ويسوق لهبال الشقاوه بشاير
ياما امتلى بالحب والطيش باله##وياما امتلت من شخبطته الجداير
يكتب عليها (عاشقك للثماله)##ويخط توقيعه(جريح الضماير)
ياما اشتكاه ابوك في بيت خاله##وياما تحصّل من هواك العزاير
مره حلف إنه يبطل هباله##وقبل يكمل فك أخوك الستاير
ثم طالع الشباك لينك قباله##وبأقل من لمح البصر جاك طاير
على صغر سنه مميل عقاله##كاشخ وناسي لايصك الزراير
ولاشافك يتمتم لحاله بحاله##لعيون هالشوفه تهون الخساير
ولاشاف زول أبوك حذّف نعاله##الحب جاير لكن (العود) جاير
لاتتركينه في غيابك لحاله##بالله شوفي كيف هالطفل صاير
وحده بوحده كان عندك عداله## تبطلي غيبه وأبطل (زقاير)