المقـــــــــاديــر
( مقادير ياقلب العنا مقادير )
1- حبة دجاج مربربه يفضل دجاج فقيه ولا الوطنيه
2- رز ( حسب الرغبه او حسب وزنك )
3- بصل وطماطم وملح وبهارات وفلفل وليمون اسود الي تشوفه في الثلاجه حط وريح راسك
4 - قدر ضغط
الطـــــريقه
ضع كميه قليله من البصل في القدر وولع النار على الهادي واقعد حرك
لين يصير لون البصل ذهبي فاتح وانتهب لو صار غامق خربت الطبخه
ثمن حط الدجاجه برجلينها وصدرها وجميع محتوياتها في القدر
بعدين خلها شوي وحط فوقها الطماطم
كشنها يعني
بعدين اسكب كميه من الماء الساخن فوق الي حطيته قبل كذا
وحط البهارات والملح
وقفل القدر
ورح صك لك قيم بلايستيشن مدته ربع ساعه
بعدين اذا انتهت المباراه سوا كنت فايز ولا مهزوم هذي مشكلتك والله
رح طف النار وافتح القدر
وذق المرقه وشف الملح اذا موزون
بعدين خذ الرز وحطه في القدر
وقفل وولع النار على الهادي
وخذ لك قيم مدته عشر دقايق
وبعد العشر دقايق رح طف النار وافتح القدر
تطلع لك كبسه
بس
لكن المشكله اخوكم في الله ذا جالس..تفكر <<<<-------هذا ماغيره
اهله مسافرين
وابو الشباب من صلاة الظهر يحوس في المطبخ
ويفتح كتاب الطبخ ( كتاب ام منيره )
وبعد التعليمات والحوسه والدوسه
في النهايه طلعت الشغله رايحتن في عين امها
وبعد ذا التعب واللخبطه
الرومنسيه للمثلوثه
الي احب اقوله يا شباب ياعزابيه بالاخص
انتبه تقعد تلعب بلايستيشن وتنسى النار على القدر
<<-------- مثل الاخ
انتبه ثم انتبه
انا بلغت الهم فشهد
بس لاتستسلم
اذا مازانت الكبسه اليوم بتزين بكره
ويالله مع الايام تصير طباخ على مستوى
المعلومه الي ابي اوصلها لكم بالمثال الي ذكرته
انك لاتستسلم مهما كانت الظروف والاسباب
ومع الاصرار والعزيمه والاراده تحقق احلامك <<------ التمويل الخيري في البنك الاهلي
يعني بكره كبسه بعده ايدام بعد حلا توفي ويالله مع الايام
على العموم حبيت انصحكم ياشباب
والي محتاج شي ولا شي لايرده الا لسانه
مثلا مقادير طبخه ولا شي انا موجود للخدمه
يالله
سلام ...
drawGradient()
تعليق