بنات الرياض

يابنت كل البنات إن صرتي أوفاهن ## أصير أوفا الرجال وعينك بعيني
يعني أنا أوفا منك بالحب وأراهن ## وإن كانها بالتحدّي لاتحديني
لاتأسلي عني العراف والكاهن ## أنا أجاوبك لو إنك سألتيني
والله والله لو ماني بتماهن ## إني لحبك كثر منتي تحبيني
العام والعام هذا ووقتك الراهن ## وأظن للحين شكلك ماعرفتيني
قصايدي فيك أدورهن ولا ألقاهن ## ولامن لقيت القصايد قلت أنا ويني
وآخر هداياي لاجيت أعطيك إياهن ## من كثر قل الفرص ماعاد يمديني
وأذكر (بنات الرياض) ونوبٍ أنساهن ## إلا أنتي وحبك اللي ساكنٍ فيني
شفتي (بنات الرياض) وزين حلياهن ## لاشفت حلوك حلاهن طاح من عيني