في البداية لازم تكون الـبشرة نظيفة ، لأنه بدون عملية التنظيف راح ينتج لنا ميكياج فاشل
حتى ولو كانت أدواتك من أحسن الماركات ، وحتى ولو كانت بشرتك زي بشرة البيبي !!
إذن عملية التنظيف مهمه جداً ، وهي الأساس .
أولاً بـ الغسول ، بعدين التونر .
بعد كذا عملية التهيئة ، بإستخدام البـيـس المناسب لنوعية بشرتك .
بدي شوب عندهم بيس رائع وأكثر من رائع بعد .. يناسب اللي بشرتهم مختلطه .
سوي فيه مساج لـ بشرتك ، وأتركيه خمس دقايق بس لحد ماتمتصه البشرة .
.
.
بعد كذا حابه تحطي الفاونديشن أوكي حطيه ، بس أهم شئ لا تكثرين لأنه راح
يعطيك منظر مصطنع بشع ، وراح يسوي لك زي القناع على بشرتك
وحنا غرضنا منه هو توحيد اللون وموب إخفاء اللون
أنا أبد ماأستعمل الفاونديشن ، أحسه يكبرني ، ويضيع برأتي
أكتفي فقط بـ البيس ، والباودره المضغوطه .
.
.
هذي هي الباودرة المضغوطه .
وهذا اللون اللي أستخدمه :
وهذا رقمه : 33098 ، حلوه ، تعطيك بشـره مخمليه ، وتألق
بس أهم شئ حطيها بطريقة التربيت موب المسح والدعك
يعني خليك ناعمه
لأنه إذا شديتي على بشرتك راح تترهل بدري ، عامليها زي الطفله بكل حنان .
.
.
.
.
بعد كذا نجي لميكياج العيون :
العيون اللي تصيب ولا تسمي
أحب أركز في ميكياجي على العيون ، مادري أحس أنها أهم شئ في الوجه !!
أول شئ أرتب حواجبي بـ فرشاة الحواجب .
بعد كذا أستخدم جل الحواجب ، لـ تثبيهم .
بعدين الشادو الؤلؤي ، تحت الحاجب مباشرة ،
وهذا هو لونه :
ورقمه : 32978 ،
وأستخدمي هالفرشاة ، بجد رهيبة .
بعد كذا أمليء كامل الجفن المتحرك بـ اللون اللي تفضلينه ، بإستخدام هالفرشايه
طبعاً على حسب لبسك ، لون بشرتك وشعرك ، ولون عيونك
اللون العشبي خطيييير .
اللون الوردي ، السماوي ، الموف
درجات الألون من البيج إلى الشكولاتي .. تعطيك طله برونزيه رائعه و مناسبه كثير لـ الصيف .
وبعدين أرسم خط خفيف بالآي لاينر على الفجن المتحرك بمحاذاة منابة الرموش
خط خفيف مرررره ، بس عشان يعطي عينك إتساع ونظره خاثره ، تدوخ اللي مايدوخ
وماننسى الكحل جوا العين ، بعد يعطي العين شكل مميز وحلو .
وبعد كذا نجي لـ الماسكرا ، عموما أنا ماأحب الماسكرا
أحس تعطي العين نظره مصطنعه ، وبعد إذا صرت بـ لون غير الأسود من جد بايخه
أنا أستخدم ماسكرا شفافه ، و أحياناً أستخدم الماسكرا السوداء اللي تعطي كثافه للرموش .
.
.
.
الشفايف :
عنايتك اليوميه فيهم ، هو سر نجاح الروج والـجلوس .
من مميزات أرواج و جلوسات بدي شوب أنها طبيعية ، يعني تعطيك ألون طبيعية
بالنسبة للأرواج ،
جربت لونين من عندهم ، وأكتشفت أني لايمكن أستغني عنهم
ألون هذا :
ورقمه : 32809 ، بس ترى لونه في الطبيعه أحلى من كذا بكثير ، هنا لونه صاير غامق
وهو يعطي شفايفك لون زي لون التوت مره خطير اللون .
وجربت برضو ألون هذا :
ورقمه : 32832 ، وبعد لونه في الطبيعه أحلى بكثير من هنا ،
اللون هذا مع ميكياج برونزي تصيرين وااااو
.
.
أما الجلوسات ، جربت كثيييير لأني أحبهم أكثر من الأروج
وأحياناً احطهم على شفايفي مباشره بدون روج طبعاً بعد المرطب
أكثر شئ عجبني
اللون هذا :
ورقمه : 76507 ، خطيررررر هذا أستخدمه بدون روج يعطي الشفايف إضاءه روعه
وبعد اللون هذا :
ورقمه : 63863 ، إذا حطيتي الروج اللي يناسب لـ المكياج البرونزي ،
وحطيتي الجلوس في نص شفايفك ، تصيرين احلى وحده في الدنيا
وبرضو اللون هذا :
ورقمه : 79067 ، مع الشادو الوردي اللي يشوفك بتصير عيونه كذا
.
.
هذا روج وجلوس وعناية في وقت واحد
جربت من عندهم لونين بس ، هم حلوين بس أنا ماعجبوني كثير
أحس اللون ثقيل على الشفايف ، بس من جد طعمهم لذيذ
<< ذايقتهم الخبله
الون هذا :
ورقمه : 13599 ، مش بطال حلو وطعمه وريحته كأنه ورد
وألون هذا :
ورقمه : 13602 ، حليو بعد ، وطعمه وريحته فواكه
من مميزات هالنوع أنه يحتوي على زيت الأفوكادو اللي يغذي الشفايف
.
.
.
البـلاشر :
الفرشاة هذي تستخدم لوضع البلاشر ، وتعطيك لمسات المحترفين
أحلى الألوان هي :
ألون هذا :
ورقمه : 33178 ، جداً حلو ، شفتي لون خدودك إذا صرتي خجلانه ؟!
راح يعطيك نفس اللون هذا
ألون هذا :
ورقمه : 63901 ، مناسب كثير للمكياج البرونزي
ألون هذا :
ورقمه : 33179 ، اللون الخوخي يعطيك تألق رائع مع الشادو العشبي
الطريقه الصحيحه في وضع البلاشر ، بس إبتسمي والجزء البارز من خدك مرري عليه الفرشايه
ولاتنسين تحطين ذرات بسيطه على أعلى أنفك
.
.
الإضاءه :
فيه اللون اللي مايل لـ البينك ، واللون الؤلؤي ، والذهبي
مرري الفرشاة بخفه على جبيبنك ، وعلى عظمة الأنف ، وتحت الشفه السفليه
.
.
وبالنهاية ،،
راح تحصلين على منظر طبيعي ، طفولي ، مافيه أي تكلف
أتمنى أني أفدتكم
منقول من الايميل..
تعليق