يووم سرت اذكى بنيييه في الدنيااااا

من الوناسه ضايقن صدري .. ومن ضيقه الصدر مستانسه

<< بزعمها مقدمه

كنت منسدحه عند التلفزيون عند غصب1 ا وبالماريه اتابع نشره الاخبار المصوره الثالثه والاخيره

ويوم خلصت الاخبار المحليه وبدت الاخبار العالميه حامت كبدي خبركم مااتابع الاخبار المحليه الا عشان اطالع بالامراء الطخوم

يوم جيت ابقلب مالقيت الريموت <<تطنورت منفوحه واسوي انزلاق ودوران بزاويه 180 درجه

وتضرب دمجتي بالشاشه نسيت اقولكم ان تلفزيوننا من هذيك القديمه الي فوقها انتل

واللي حوافه خشبيه ولازم يشيلون ثلاثه عشان ننقله من بيت الشعر للحوش ... والعكس صحيح من الحوش للمقلط

المهم مالكم بالطويله من هنا تبدأ رحلة عذابي

راسي بعد الضربه صار كبر الكوره اللي في الفيصليه ومن كبره بدت الافكار تتزاحم ..

صرت افكر بطريقه غير الناس بالاحرى صرت عبقريـة

تخيلوني عبقريه باسبب ازمه للبشريه

المهم من زود العبقريه اللي فيني صارت امي اللي تباشر علي بالقهوه والشاهي
<< مايعطونها اكل

وابوي صار مرافقي الدائم بكل مكان

كل هذا عشان العبقريه اللي جتني فجأتن ماتضيع .. او ترووح هدر

وقامت امي الغاليه سوتلي قبعه من الرصاص مدري ضد الرصاص <<من الكذب والله تقول عشانها تحمي المعلومات اللي براسي

<<راسي اللي قلتلكم صار كبر كوره الفيصليه
وماتشوفون غير انواع التليفونات على بيتنا لا تفهمون غلط تعرفوون كل جامعات المملكه وخارج المملكه طلبوني

لاني عبقريه بكل المجالات واذا جابوني ابغنيهم عن 40 دكتور

حتى جامعه هارفرد طلبتني ويوم سمعوا انقليزيتي ركيكه <<يمديكم عى ركيكه قالوا نجيب لها

اطلق نيوهورايزن ودايركت انقلش و وول ستريت <<معاهد <<مشكلتنا السعوديين اذا جابو شي عندنا شفناه احسن شي بالعالم

بس ابوي عياا قال ماعندنا بنات يتغربووون

وانا غيرت جوالي اربع مرات من زود الازعاجات وش اسوي ياناس مخ مو موجود مثله بالعالم

حتى صارو الدخاتره حقين الجامعه يتميلحون عند سواقنا انا بعيني شايفه الدكتور حسن يتميلح عند سواقنا ويقوله ابشغلك عندي

والدكتورات المصريات يجون عند ماما ويجيبون لها هدايا وحاقات من مصر ..

ومره دكتوره سوريه جابت لامي بقلاوه ومكدووس من سوريه

<<التماصيح كذا يوم سمعو طاري سوريا

بس مااااااااااش مانفع فيهم

قلت لاهلي خلاااص .. مقدر اتحمل (( )) الوضع مايطمن وانا ادري بحالي

لين متى وانتم واقفين في طريقي ّ ّ

يرضيكم باللهي هالشي الي صاير

انا عبقريه يعني تقدرون تستفيدون مني وافيد عمري لا تدفنون هالمواهب ارجوكم

<< المشهد ذا مع صياح ودمعه في نص خدي اليمين والثانيه سبقتها عالارض

قال ابوي لا يالخبله << مهيب خويتنا

انا انتظرر عرض احسن

والشر بعيونه صراحتن ماارتحت لنظرات ابوي

قلت اييييييييه ايه .. جانا الحضرمي يبي عرض اخر هاه

<<المشهد هذا حاطه يدي على خصري لابسه قبعه الرصاص اللي مسويتها لي امي

ويلزخني ابوي بذاك الكف وتطيح القبعه

ويصغر حجم راسي من الى



وارجع لغبائي ودلاختي



وتعود بي الذاكره الى صالتنا وانا متصطحه عالارضيه وراسي لازق بالشاشه التراثيه حقت تلفزيوننا


وافتح عيني القى بوجهي الاطخم حسن كراني يذيع الاحوال الجويه


وسوري عالمصاله بس يظل اهون من مصاله موحصن

بس وربي مثل طعوستي تحركت قريحه الدجه عندي

قلت اتحفكم بموضوع ماصل

<< تقول لاتقارنون القرايح لما تتهيض

واقولكم انتظرو موضوعنا القادم

يعني هذا تصبرو فيه