قصيده طيرت لي عقلي

أسمعي والكل منا له هواه وله ميوله
لا تمسين بكلامك شعره بروس القرايب
إن حكيتي ما وفيتي وإن تحديتي عجوله
تحسبين إن كل فعل تفعله يمناك صايب
تحسبين إنك خذيتي بالحشا صوله وجوله
تحسبين إني ذكرتك مع نسانيس الهبايب
والله إنك لوذبحتي خافقي للقاك حوله
عاشقه تشقى بقلب من طريق العشق هايب
كم رضيت أسكت عليك من القهر وأنتي زعوله
خايف أضحك واستفزك وأهجرك وأعيش ذايب
أدعيت أنك خجوله وأدري أن منتي خجوله
وأدري أنك تخجلين الشمس من فوق السحايب
مايحببني بقلبك يالهنوف إلا فضوله
وماينسيني غرامك غير تكرار المصايب
عاشقه جيتي ورحتي يالحبيبه يالعذوله
مابنيتيلي طموح ولاتركتيها خرايب
تستبيحين القلوب وتستحقين البطوله
وأستحق أعيش من بعدك تايب وأموت تايب
ياكثر ماشال قلبي شياُ أكبر من حموله
ولاعفيتيني من غلاه ولا بخلك بالوهايب
كنه أرحم من همال المزن للزهر بذبوله
وأنتي أقسى من سموم القيض وكفوف اللهايب
وأنتي أدرى في غلاك بداخلي شاللي يزوله
وأدخلي دخله على الله وأحفظي ذيك السبايب
ماخبرت اللحظه اللي حللت قربك تحوله
ولاهقيت أني بشدد للجفا قلب وركايب
وماهقيت إنك تحبين الزلل وأنتي جفوله
وماهقيتك تكرهيني كثرحبك للطلايب
كن قلبي في وصاللك وابل لحظه نزوله
وفي فراقك مثل الدمعه تنحدر من عين شايب
كنت أبي وقفت حبيبه تنهض القلب بخموله
طامح بالعشق وأنتي عايبه والحظ عايب
كنت غصن كل كفاً غير كَفك مايطوله
كنت درب ودمعتين وقلب وجروحاً عطايب
كنت أبيع العمر كله وأرخصه عرضه وطوله
للعيون اللي هدبها ثامن السبع العجايب
بس أبرضيلك غرورك وأكسر القلب بذهوله
وقتها ما كنت أفكر صايب أوكنت خايب
والرجل لو ماتحلا بالشهامه والرجوله
صدقيني صعب يقدر يملك قلوب الحبايب
صدقيني مايوالف خافق البنت بسهوله
بالهوى يابنت حواء غير نشاب الطلايب
والسهر والعشق الاول والهوى اللي ينوله
وشياً أقسى من همومك والعنا حاضر وغايب
والهموم اللي دعتني من بعد سن الطفوله
كلها من تحت رأس العشق ملعون الصلايب
*حـامد زيـد*
والله سمعت القصيده وكتبتها لكم يمكن تعجبكم مثل ماأعجبتني
وآسف عالغيبه
والله يخليكم اللي عنده قصايد حلوه يرسلها.