قصة حب

ديــــفـــيـــد وجــــــانـــيـــت
المشـهد الاول
ديفيد فارس القبيلة الذي لا يشق له ثوب يمتطي جحشه وينطلق الى الغدير ليسقي جحشه ...
فيشاهد مجموعة بنات يردن على الماء.. ويقول وش هالزحمه والله لو أنه خباز ...

ويرى بينهن جانيت فيدق جوال ديفيد وقلبه ويغني .. شفتك ولا حطيت عيني بعينك

ويغادر الغدير وسط ضحكات البنات الله يرجهن

المشهد الثاني
جانيت تشكي حبها لخويتها ديانا التي ترد عليها اسكتي يا شينه بالعون مالك غير ولد عمك فرنــانــدو ..

فترد جانيت عليها كش عليك يا دبه لا تحطمين مشاعري

المشهد الثالث
فرناندو يتقهوى عند عمه الشيخ ابو جانيت شيخ القبيلة .. ويطلب ايد بنت عمه جانيت وقرونها

فيوافق الشيخ ويخبر جانيت بالخبر فتغضب جانيت وتقول يا بابا فرناندو داشر وما معه
شهادة كيف اخذه

فيرد ابوها ..انثبري يا ملا الوجع مالك إلا ... ولد عمك اولى من الغريب

وبعدين فرناندو : هو فارس القبيلة والكل يحبه صحيح أنه مايكتب مواضيع زينة لكنه شجاع


المشهد الرابع

ديفيد يقابل جانيت بسوق الحريم ومكان الغزل حق القبيلة الغدير ويتبادل معها هدايا الفلنتاين

اهداها كرتون تمر وهي اهدته كيس جريش

ديفيد يقول لجانيت :ليش يا عمري منتي حاطة بلوك على ولد عمك فرناندو ..
فترد جانيت عليه : منيب لوووووووووووووووووول ..
وتخبره جانيت بخطبة فرناندو لها... فيحزن ديفيد وتدمع عيناه<<<< دخل فيهم تراب

المشهد الخامس
الشيخ ابو جانيت ورجال القبيلة مجتمعين في بيت الشيخ يشاهدون برنامج من سيربح المليون...

يأتي هــنــري راعي القبيلة يصرخ الحلال ياعمي انسرق الحلال انسرق ...

ويهب الشيخ ورجاله واقفين على حيلهم ويصرخ الشيخ ابو جـانيــت ويقول :-
من سيرد الحلال ويربح بنتي جانيت وله ثلاث وسائل مساعده:- ياخذ بارودتي وحصاني -- او
يحذف عصا -- او يتصل على مصيول

ويقف فرناندو ويقول انا لها يا عمي ... وينطلق فرناندو على حصان الشيخ ليلحق بالغزاه ليرد
الطرش او الحلال

المشهد السادس

الغزاه يمسكون فرناندو ويصفقونه وياخذون حصانه وبارودته ويخلونه يدقها كعابي للقبيلة <<<<طلع خرطي

وهنا يقمز ديفيد ويقول محد يرد الطرش غيري فيرد الشيخ قم بس قم

وينطلق ديفيد ويلحق بالغزاه ويطخطخهم كل ابوهم وامهم ويرد كل الحلال<<<<يهب يا وجهه ..
علشان الحنان .. ولا هو من جنبها .

ماعدا كم عنز ماتن بالطريق من حمى الوادي المتصدع


المشهد السابع
يصل ديفيد مع الحلال للقبيلة ... وهو سعيد صالح... بفوزه بجانيت<<<< ( بالهدف الذهبي )

وتتم الخطوبه والشبكة ( ابراجها فل ) وعمت الفرحه القبيلة ويتم تحديد الزواج في

العطلة الصيفيه في قاعة جرف ليالي الغنم ..

ويشتري ديفيد كم حصان بالتقسيط ويبيعهن كاش حتى يوفر متطلبات العروس وجهازها<< البنك عيا يعطيه قرض
0
المشهد الثامن
قبل الزواج.. بكم شهر <<< جت بدقايق
تمرض جانيت مرضاً شديداً وبعد ان عجز دكاتره القبيله
في علاجها يأخذها ابوها الى المدينه <<< تورط المخرج

ويعرضها على اكبر الاطباء

وبعد فحوصات شامله يقرر الطبيب ان جانيت تحمل صفات وهرمونات ذكوريه ...

ولابد من عمليه لتغيير جنسها من امرأه الى رجل<<<<< قعد بها ديفيد
وتتم العمليه وتصبح جانيت ... جـــووون < ==== مهو هذا اللي بلا ابوه .. لان المثل الشهير
يقول ..هذا بـــلا أبـــوك يــاجــــوووون

المشهد التاسع
فرح ابو جانيت لانه يريد ولداً يرث حكم القبيله بعده .... يا شين هالوراثه

وفرحت جانيت التي اصبحت جووون لانها كانت معجبه بصديقتها سونــيــتــا
ودزت لها ايميل وبشرتها ...

وعادوا للقبيلة بعد ان تبدل حال جانيت الى جووون وقصت قرونها بعد ما كانت تسوي شعرها
كعكه <<<< لأنه خشن

المشهد العاشر
يصل الخبر الى ديفيد الذي كان قد جهز بيت الزوجيه ......

فيسقط مغشياً عليه مسكين<<<<< ماله دور ثاني

فيشممونه كلونيا وبصل ولكن
دون جدوى فقد مات ديــفــيــد <<<<<< ( لو شمموه شماغه صحى )
وعلم جووون ( جانيت) ....
بموت ديفيد فحزن حزناً شديدا
جعله يتزوج من ســونــيــتــا....

زعلوني غصب يوم قالوا مسافرين****وبكيت عقب ماشفتها تجهز أغراضها