....
....اليكم هذه القصة الغريبة التي يقشعر لها البدن
القصه تقول ان فيه بنت تدرس في الثانويه واسمها
( عبير ) مره راحت السوق مع امها
وقابلت واحد ورقمها المهم اخذت الرقم واتصلت عليه تعرفت عليه وهو اسمه (خالد) تعرفو علي بعض وزادت العلاقه وقوت بينهم ... كلن منهم يبي يقابل الثاني ولا لقو طريقه وفجأه جت فكره لخالد...
قال اقول عبير ورى ما نتقابل عند المدرسه ..
قالت عبير:: كيف وضح؟؟؟
قال اسمعي انتي ابوك ينزلك الصباح ويروح الدوام صح؟
قالت :صح عليك..
قال انا أمرك وتركبين معي
قالت بس المديره بتكلم على البيت
قال :: أفصلي التليفون وأرتاحي
قالت :: بس خايفه أتوهق
قال جربي ونشوف
المهم راح أبو عبير ووصل بنته للمدرسه ومشى .. وثواني إلا وخالد واقف وركبت
عبير بسرعه وراحوا أفطرو في ذا الكوفي شوب الفخم وجلسو يسولفون ويم تمت الساعه 12
راح خالد ونزل عبير ورجعت البيت وهي خايفه بس محد درى .. وكلمت خالد على طول وقالت إن أهلها ما درو وطمنته وسولفوا شوي وقال خالد وش رأيك أقابلك بكره
قالت : لالالا مو كل مره تسلم الجره
قال : المره ذي جايب لك هديه
قالت : مر وأشوف الوضع
ومر خالد في الوقت نفسه وركبت عبير
المهم أخذوا على هالحال اسبوع كامل من السبت الى الاربعاء ...
وجاء يوم السبت اليوم اللي نست فيه عبير تفصل التليفون.. وطلعت مع خالد ..
ولا التليفون يرن ..قامت أم عبير (يالله صباح خير)
أم عبير: الو
المديره :: الو السلام عليكم
أم عبير : عليكم السلام من تتكلم ؟؟
المديره :: أنا الاستاذه هدى مديرة المدرسه اللي تدرس فيها بنتك
أم عبير :: هلا عسى ما شر
المديره : لا ما فيه إلا الخير بس عبير لها اسبوع ماداومت عسى ماهي مريضه ؟؟
ام عبير ::كيف ...(( وصرفت الموضوع ))
ايه الله يسلمك البنت مرضت شوي بس
المديره :: زين الف حمد الله على سلامتها مع السلامه ::
أم عبير دارت بها الدنيا وما تدري وش تسوي هل تعلم أبو عبير ولا تمسك البنت وتسألها ؟؟..؟؟
المهم قالت لأبو عبير عن كل شيء وقال إسمعي لا تقولين لها أي شيء انا بشوف وين تروح...
ويوم الاحد وصل أبو عبير بنته ومشى شوي وصفط يمن إلا هاك االلكزس تمر وتركب عبير بنته المهم اللكزس كانت مضللله ومشى وراها أبو عبير اللين هاك الشقق ونزلت عبير وخالد ووقف أبو عبير ونزل ومسك راعي الشقق وقاله في أي شقه ؟ وعلمه شقه 14 وطلع ابو عبير وهو يرقى الدرج كان خالد نازل وما أنتبه ابو عبير له المهم طق الباب وفتحت عبير وأنصدمت
يوم شافت ابوها وضربها وهي هجت للمطبخ واخذت السكينه تبي تروع أبوها وغلطت وطعنته في صدره وطاح أبوها مغمى عليه وجا خالد وشاف الموقف وقال لعبير بسرعه شيليه معي للحمام
وحطوه في ((البانيو)) وملوه مويه وحطو عليه صابون الغسيل تايد عشان الرغوه تغطي عليه وطلعوا
ورجعت البنت للمدرسه وهي تفكر في اللي صار حقيقه ولا خيال ..المهم طلعت من المدرسه ورجعت مع الباص وطقت باب البيت الا المفاجأه الغريبه . . .
أبوها فتح لها الباب ....
وصاااااااااااحت وقالت :: أبوي مو معقووووول . . .
رد أبوها :
مع تايد الغسيــــل ما فيش مستحيـــــل
وضحكوا ودخلو البيت وام عبير حطت الغدا واتغدوا
وعاشوا في سلام وامان
وتوتا توتا خلصت الحتوته
ههههههههههههههههههههههههههههههههه
ههههههههههههههههههه
وانتو تعيشوا وتاكلوا غير هالمقلب
ترى لحد يزعل انتو اللي راكضين ورا الفضايح
هههههههههه
والا انا حاطط الموضوع في مجلس الصرقعه والهبال
بس شكلكم كذه ماانتبهتوا
خخخخخخخخخخخخخخخخ
تعليق