روبيان بالخضار / بالصور
اول شي اللي ما يحب الاكل البحري يطلع برا بسرعه
هيه اكله سريعه ..
"ربيان او جمبري او Shrimp بالبصل والثوم والجزر والبطاطس و الفلفل والكزبره"
المقادير
ربيان على حسب عدد اللي بياكلون
3 بصلات
7 فصوص ثوم << ياساتر
وبطاطسايه وحده
وجزرتين
وكزبره
وفلفل اخضر رومي << مدري وش اسمه بالضبط
وفلفل حار اذا تبون
وكرنب
طريقه العمل:
اول شي تخلون الخدمات ينظفون الجمبري لكم يقشرونه وينظفونه يصير زي كذا
لا ينسون يشيلون الذيل المهم شيلوه مو زي الصوره
بعدين افرمي البصلات مع الثوم لين يقولون بس
و حطيهم مع الجمبري وحطي عليهم التوابل اللي تحبينها << لا تسالون ايش هي
وحطي ملح بعد
بعدين اخلطيهم مع بعض
خليهم 10 دقايق او ربع ساعه
في هذا الوقت قطعي الخضروات
حطي المقلايه على النار وحطي فيها زيت وانتظري لين تحما شوي << مدري ليه قالوا لي كذا
بعدين تخلطين جزء من البطاطس مع الجمبري وتحطينه على النار
حطي عليه سوس"sauce " الصويا "المعتدل " << اذا تحبون الحلو حطوه
وتخلينه لين تحسين انه بدا يستوي وتضيفين عليه كل المحتويات الثانيه
وبعد فتره بسيطه يتغير لونه وخلاص تصكين النار
وتحطينه بصحن التقديم
ممكن تقدمينه مع رز ابيض او مع اي شي تشتهينه
تخيلوه رز ابيض
لان الرز ابيض احلى
والف صحه وعافيه
تعليق