$$النصب فى جدة ..غير $$

اخوانى حبيت اكتب الموضوع ذا من تجارب لى فى مدينة جدة والقصة الى بكتبها حصلت معى
الاربعاء الماضى ومظطر ان اسرد السالفة بالتفاصيل المملة .

انا رجال منتدب حاليا من قبل شركتى لفرع الشركة فى جدة وصار لى فترة ليست بالقليلة

المهم :

المدير المالى والادارى للشركة بلغنا انه جاى يوم الربوع فى زيارة تستغرق يوم لمناقشة
العمل .

المهم جا الرجال من الصباح الباكر وجلسنا وكل شى تمام .

الى ان جا وقت الغداء وكنت متفق انا وبعض الزملاء ان نعزم الرجال على اكلات بحرية وحركات
زى كذا

المهم وقع الاختيار على مطعم الودعـــة على كورنيش جدة ، قلنا مطعم فخم شكل مرتب وموقعه
داخل البحر واهم شى انه مطعم لبنانى تابع لمجموعة موفنبيك .واهم شى اكرر ..انه داخل البحر .

ويوم رحنا فرحانين وفاكين حلوقنا وبطونا ، دخلنا المطعم بصراحة مكان فخم نظافة عالية
طقم موظفين مرتبين ومبتسمين .

المم جلسنا وطلبنا قائمة الطعام واخترنا وش نبىناكل ، فيه مجموعة منا اختارت اطباق اسمها
روبيان الفراشة ، وناس اختارت مشاوى وحركات .

وجلسنا ياجماعة الخير نسولف وندردش وانا كل شوى اصبر المدير واقوله لا تقلق الروبيان راحوا
يصيدوه الحين وما لقوه فى البحر الاحمر فراحوا المحيط (( على سبيل التنكيت مع الرجال ))

جلسنا ساعة الا ربع الى ان جا الاكل ...وهنا كانت الصدمة الكبيرة لنا جميعا

جتنا اطباق صغيرة فيها الاكل ..(( اطباق ولدى زيــــد الى عمره سنة اكبر من حجم الاطباق الى جابوها ))

انا رجال طلبت مشاوى ..جانى الصحن فيه سيخين كباب و3 قطع اوصال لحم و3 قطع اوصال
دجاج ونصف حبة طماطم واربع قطع بصل ما يتعدا طول القطعة 1 سم ورشة بقدونس من غير
نفس , انا تحطمت قلت وش ذا انا ماكل بفلوسى ولاهم متصدقين على !!!!
جت اطباق روبيان الفراشة الموعودة وناظرت فيها وانصدمت اكثر لانى شفت 6 حبات روبيان
من النوع الوسط ويمكن 20 اصبع بطاطس من اصغر الاحجام فقط لا غير من غير اى شى للتزين
وفتح النفس..... وذا مطعم لبنانى..... لاحظوااااا .
ومديرنا رجال من الحجم الكبير ويحب الاكل , وطبعا مافى اى شى اسمه مازات او سرفيس
من المطعم ...كل شى بفلوسك يالحبيب ...وكل شى طلبناه جانا من الحجم الصغير
والله اكلنا وما شبعنا لان الاكل كان عبارة عن ...عينات ..وطبعا عند الدفع ...دفعنااااا وحنا
نضحك .

الشاهد فى الموضوع يا جماعة الخير ..... لو رحنا اى مطعم فى الحمرا مثل تشيلز او روبى تيوزدى او قدورة او الجزيرة الخضراء..او...او..كان اصرف مليون مرة كنا اكلنا وانبسطنا وعبينا عيونا وبطوننا

لان الاكل مو تعباية بطن ...العين تاكل قبل الفم ...والله فى الودعــــه ذا مافى شى اسمه تزين
طبق او تتدلعه ...تقول متصدقين علينا وحنا دافعين مبلغ كبير جدا .

قس على سبيل المثال تشيلز او ابل يجيك الصحن مدلع شوية رز على شوية خضار على شوية
مكرونة على شوية ناتشو على حسب وش هو طلبك ويجيك عليها انواع من صوص الجبن او الفطر ..او ...او.....
تاكل عيونك قبل بطنك ...تشبع قبل لا تاكل ...وتدفع وما يهمك وانت مبسووووط

اما النصابين ذولى حقون مطعم الودعــــة فشلونا الله لا يبارك فيهم .ويقولك مطعم لبنانى

اهم شى الحذر يا جماعة الخير من المطعم ذا الحذر الحذر ....