حبيت انقل لكم قصيده أعجبتني من أحد المنتديات
لكي تستمتعو با القصيده والمشكله لا يحضرني اسم الشاعر :
ياعسكري بامن الطرق كان بك خير******بلغ على جمسٍ تعداك ذلحين
بلغ عليه وقفلوا قبله السير******عندك صلاحيه وعندك قوانين
واليا بغيت مواصفاته ترى غير******جمسٍ مديله اربعه فوق الالفين
زيتي ووسطه خط فضي كما السير******ياحي منهو دبلجه بين لونين
اليا مشى من قوته وده يطير*******وزود بفاصل لا مشى اميه وسبعين
امطورين التقنيه فيه تطوير******حتى المقاعد مخمل وجلد شكلين
وزود بشاشه واسطونات تصوير******وايضاً بثلاجه وتكييفه اثنين
امصممه حصل شهادات تقدير*******والبيت الابيض محتفل فيه شهرين
والرقم واضح مايبى كثر تفسير*******الف وواو ودال واحد وصفرين
اللي على الطاره ولد توه صغير*******واللي يمينه شايبنٍ حول ستين
وفيه الغزال اللي كسر هيبة الزير*******لا سلهمت بالعين تذبح ملايين
لاارخت هدبها ترتخي له طوابير*******والها الفخر لو تفتخر بس بالعين
والعنق عنق امذير الصيد تذيير*******والراس حد السقف من طولها الزين
لوقفتها عن حالتي عطه تقرير*******واكتبلي العنوان وديارهم وين
واذا عرفته بشروني تباشير*******بروح واطلبها على السلم والدين
باخذ شيوخ عتيبه وحرب ومطير*******وشيخ اعنزه وسبيع ونجيه ناصين
لو المهر تسعين ناقه مغاتير*******لسوقها فيها لو ادانها دين
ان وافقت خيرٍ لنا خير تدبير*******وان ارفضت حاربتها اسنين واسنين
ولو تنتخي ويفزع لها بوش وبلير*******لحرق قبيلتها واخليهم اطحين
وجيبها بلغصب لوكان تظيير*******وانا شجاع ومن رجالٍ شجيعين
ويا الله انا طالبك يا الله تيسير*******يسر لي الخطوه من العسر للين
لجل الغزال اللي كسر هيبة الزير*******ولجل العيون اللي تهز السلاطين
وسلامتكم
تعليق