بدأت أحداث قصتنا عندما ولد بطلها عام 1898
ظهر الى الدنيا وأحبه الجميع صغار وكبار
كان أسمر اللون وطيب القلب
أصبح الناس لايستطيعون الاستغناء عنه
لدرجة أن الحياة أصبحت صعيبة بدونه
عرفتوه؟؟
أنه البيبسي
دارت الأيام
الولد كبر وكبرنا أحنا معاه
وصار عنده أخوان وخوات
في يوم من الأيام كان البيبسي تعبان شوي وارتفع عنده الضغط وكان فاير دمه
فقرر انه يروح للمستشفى عشان يتعالج
وراح وحجز موعد وجلس ينتظر بغرفة الانتظار
وشوي وتيجي وحدة برتقالية اللون انيقة
تتمختر في مشيتها والناس تقول ياأرض احفظي ماعليكي
طبعا أكيد عرفتوها
هي الميرندا
جت وجلست جنب البيبسي في غرفة الانتظار
الولد خف عقله وخفق قلبه و خق قدامها
وكان يحوس الشيطان في راسه ويقوله رقمها بالباركود حقك ياولد
لكن الحمدلله ربك كريم ماتهور وسواها وفشلنا
ماقدر البيبسي يتحمل ان يشوف كل هالجمال ويسكت
فخش عرض وسألها :سلامات وش جابك عند الطبيب
هي: فيتامين سي متعبني من وصف لي اياه الطبيب وانا اعاني من آثاره الجانبية
هو: سلامتك عسى العوار ماهو كبيربس؟
هي: لا بس دايما ارجع
هو: اها ماتشوفين شر (ويقول في باله ياليته فيني ولا فيك)
هي: الشر مايجيك
وقامو يسولفون لين ماجى دور البيبسي يدخل عالطبيب
وقبل لايدخل قال للميرندا ممكن اشوفك مرة ثانية؟
هي: متى؟
هو: الليلة
هي: اسمح لي ما أقدر
هو: أفا ليش؟
هي: الليلة عمتي بينتهي تاريخ صلاحيتها ونبي نكون كلنا عندها نودعها
هو: أها احسن الله عزاكم مقدما
هي: طول الله تاريخ صلاحيتك
هو: الله يسمع منك يارب ، طيب متى تحبين الموعد؟
هي: خليها بعد العزاء أحسن
هو:على راحتك
وأتى الموعد المرتقب وتواعدوا في ثلاجة الكارفور ------------> على اساس انها مطعم 5 نجوم
ودار بينهم الحديث التالي
هو: ممكن أسأل سؤال وتجاوبيني عليه بصراحة؟
هي: تفضل
هو: معقوله كل هالجمال وماتزوجتي للحين ياترى وش السبب؟
هي: حكم القوي عالضعيف
هو: كيف؟
هي: قصة قديمة
هو: ممكن أعرفها
هي: قبل سنة عشت قصة حب مع بيبسي مكينة وجا وتقدم لعند أبوي عشان يخطبني
لكن أبوي رفض وقال مانزوج بناتنا لعيال المكاين
وقام وفرض الاقامة الجبرية علي في الثلاجة
الى ان ربك اختاره وانتهت صلاحيته
هو: آسف ذكرتك بالماضي
هي: لا عادي خذ راحتك تذكرت لو ماتذكرت هذا الماضي موجود وماراح ينتسى
هو: ليش؟ ان شاء الله يجيك اللي ينسيك هالماضي
هي: تعبت وانا انتظره والظاهر اني بعنس ولابشوفه
هو: انتي تشوفينه قدامك الحين
هي: منهو؟؟
------------<< تستهبل
هو: أنا..تقبلين تتزوجيني ياميرندا؟
هي: هاه
<<دلــع بنــاتهو: انا تقبليني زوج؟
هي: روح اخطبني من ابوي
هو: ان شاء الله
اتصل على ابوها واخذ موعد انه يشوفه عشان يخطب بنته
وراح لهم وشربوا القهوه << قهوه وبيبسى خخخخخ
هو:ياعمي انا طالب يد بنتك
ابوها:لنا الشرف ياولدي بس لازم نشاور البنت
هو: شاور ياعم من حقك
وافقوا على الزواج واتفقوا على الموعد وكل الامور صارت تمام
والزواج يبي يكون بثلاجه مصنع البيبسي نفسه
تـم الزواج وكان فيه حضور كبير ومن بينهم سفن آب وميرندا فراوله وبايسن وجمع غفير من المشروبات الغازيه شهد مراسم الحفل ايضا
وهاذي بعض الصور لحفل الزواج يظهر فيها البيبسي ووالدته والميرندا ووالدها
وهذي صوره لهم مع بعض اصدقائهم
عااااااااشوا
وقرروا يسافرون شهر العسل الى ثلاجات دبي
وسافروا واستانسوا ورجعوا
بعد ثلاث شهور اكتشفوا انها حامل
ماصدقوا خبر وافرحوا فرحه كبيره
جا وقت الولاده والبيبسى كان خاااايف وجت الممرضه وقالت له:
مبروووووووك جابت ميرندا صغنونه
وعاشوا حياه سعيده وجاهم بيبسى صغنن بعد
وعاشو في سبات ونبات وخلفو بيبسيات وميرندات .........................................النهايه
ايش رايكم في الفلم ينفع انزله في سبيس تون؟؟؟؟
خخخخخخخخخخخخخخخ
تعليق