تسألني وأجاوبها
أخواتي إخواني .... هذه مداعبه من أخوكم العقررب الاسوود وهي من الخيال ومن تأليفي
أرجوا ان تنال رضاكم ودمتم بعز
سألتني... من أنت؟!
قلت
أنا اللي سعى من جده على رجلين
لمكة أسأل عن حبيب ما سأل عني
ضاع رشدي وصرت أعد الواحد أثنين
مجنون قالوا ساعة يصيح وساعة يغني
قالت... وش جابك؟!
قلت
جابني اللي لأجله ترخص الروح والعين
وبشوفته ترد روحــي ويصغر سني
خفيف الـدم اللي ما شفت مثله زين
عشقته والهوى لا هو منه ولا مـني
قالت...مانسيت؟!
قلت
يا بنت هي العشرة ما هي سنة وسنتين
الشوق ساقني لك ولشوفتك جيت متعني
شلون أنسى وسيع العين صافي الخدين
الكحل بعينه أرسمه هذي هوايتي وفني
قالت... وش تشوفني
قلت
ريـانة العود والحزام قاسمك نصـين
نبعة ريحان والخشم سلة سيف جنني
والحكي عـسل يصبه ورد الشفتين
أسمعه نغم يزيل همي منه وونـي
سألتها ... وأنت؟!!
قالت
تعرف القلب لك وترخص لك الثنتين
يا ما سقن وياما جفن وياما حمسني
قلت ... أصبري!!!
أسمعي القلب وشوفي رجفت الأيدين
الحــمل ما أقواه وصـارن يألمني
وسأبقى
الوحيد وباحساسه الجميل
تعليق