ألحقوا الجزء الثاني لقصة حقيقية عن الحب

ونكمل القصه ..........
وووووووو تمشى خلود باتجاه المطبخ والا صوت خالد مع أمه يتكلمون
خالد : خلده وينها وراها ما تجى تساعدك
أم خالد : خلود فوق مع البنات وانا ما عندى شى كل شى جاهز
خالد : البنات أى بنات ؟؟؟
أم خالد : بنات أم سالم ضيوفنا عندها فوق
خالد : اها احسبك تقصدين صديقاتها المرجوجات
ام خالد : وليه مرجوجات
خلود : سلام
خالد : ( ليتك ما جيتى كان عرفت منهى فيهم ) خلده وينك ما تساعدين أمك
خلود : تونى أروح فوق وأمى على عينى بس ما عندها شى
أم خالد : خلها يا امك من زمان ما شافت رفيقاتها خلها تتونس معاهم ما عندى الا كم بياله
آخذهم وانا طالعه
خالد : رفيقاتها الله والرفايق القرويات هههههههههه
ام خالد : خلود شوفى خالد وش يبى بروح للحريم وهالكانتى يا راحت ما تجى بسهوله
خلود عيونها تراقب خالد وعلى وجهها ابتسامه مخفيه وخالد يقرب ويبعد وده يسأل ولا هو عارف يبتدى
خالد : أقول خلود
خلود : هلا
خالد : امممممم وينك قبل شوى جيت المطبخ ولا شفتك
خلود : كنت فوق اشوف فستانى واجهز للعرس
خالد : منو الى جو عندنا ؟؟
خلود : ( تبتسم بخبث تبى تضيعه ) بيت أبو سالم وبيت أبو أبراهيم وعمى ابو مساعد واهله
خالد : كلهم جايين مع اهلهم ؟
خلود : أيه العجايز تحت والبنات عندى فوق قاعدين نسولف
خالد : خلوود .......امم.. والا خلاص
خلود : شنو فيك قول ..؟؟
خالد : كانت فيه وحده هنا بالمطبخ تسوى قهوه منو هى
خلود : وحده غير شغالتنا ..؟؟
خالد : خلده لو الشغاله ما سألت عنها لا تلعبين زين
خلود : طيب وانا وين رحت ما شفتها لا (بخبث) اذا تعرفها اوصفها
خالد : هي امممم هي (يبتسم ) مااا اعرف ههههه جد ما اعرف
خلود : من صدق ما تعرف ( تقولها بطريقه التعجب )
خالد : صدق ما اعرف والله أذكرها وصح أطلعها من الف بنت بس ما اعرف اوصفها
خلود : اوكى دام ما تعرف توصف انا ما راح أعرف منو
خالد : خلووووووووود انتى اكيد تعرفين منو الى يسوى قهوه في مطبخنا .؟؟؟؟
خلود : كانتى هى الى تسوى
خالد : ( بعصبيه ) فيه وحده دخلت مطبخنا وسوت لها قهوه منوووووووو؟؟؟
خلود : مااا ادرى ما عندى خبر كبيره والا صغيره هى
خالد : خللللده انتى تعرفينها لا تقهرينى قولى منووو
خلود : لا ما اعرفها والا كان قلت لك على طول ( تتكلم بكل برود)
خالد : طيب قفلى الموضوع انا بروح المجلس بس مسيرى أعرفها
يتعشى الجميع عند أبوخالد
وياخذ خالد سالم ومحمد عيال بو سالم وراحوا يسهرون بره عند اصحاب خالد لكن
خالد ساكت مو على طبيعته
شدت تفكيره هالبنت منووو هي وين راحت كيف
اختفت ... ليش يفكر فيها مع إنه المساله كلها صدفه ليه شدت انتباهه معقوله سكتت
ولا قالت لاحد الى صار هههههههه هو صار شى يا ذكى ... بس صار تواجهت مع قمر
لا ويسوى قهوه بمطبخنا هههههههه ( يبتسم إبتسامه مميزه لها خاصيه معينة إبتسامه
إعجاب على تمنى )
عمر : يااا الاخ أنت هيييي ( يهزه بكتفه )
خالد : ها هلا
عمر : من دخلت وانت بس توزع هالابتسامات طيب ضحكنا معك اما انك تذكرت سالفه
حلوه والا انك نويت لك على نيه
سالم : والله يا جماعه هذى حاله من قال تعال بعرفك على اصحابى ...(باستغراب) هو
كذا معكم ...؟؟؟؟ انا الى اذكره خالد مهو كذا
صالح : لا هذا مبدل مهو خويلد الى نعرف ههههههه الى نعرف لا
خالد : علامكم أفكر بصوت عالى عااااادى
سالم : وليه تفكر شنو الى شاغلك كذا
عمر : هذا مو تفكير عادى والله شكلك عندك شى جد هالمره
خالد : هههههه بلاكم ما شفتوا الى شفته
سالم : وش الى شفته
خالد شفت القمر نازل على الارض بس طلع للسما مرة ثانيه
عمر: ههههههههه كان صدته قبل يصعد .... قمر يا قمر علينا يا مناحى
اخلص وين لقيتها
سالم : ههههههههههههههه كل هالرجه على شان وحده ... طحت على وجهك خابرك
قوي
خالد : هذى غير هذى غامضه شي فيها سري مثل الطيف لا مرك بلحظه وأختفى
عمر : ( يلمس راس خالد ) لا حراره ولا شى ...؟؟؟ اجل علامك تهذى انت
اول مره تقول كلام رايق كذا يدخل المزاج
صالح : أى والله اول مره نسمع وننتبه ونسكت فيك شى انت ...؟؟؟
محمد : الى شفتها وين شفتها نبى نروح لهذاك المكان يمكن الله يرزقنا
خالد : في مطبخنا
عمر : شغالتكم
( الكل يضحك )
خالد: انت مستواك شغالتكم أقول لك قمر حياء غير ... نقاء غير ... صفاء غير ال..
صالح : بس ... بسسسسسسسس ما أصدق انت تحب لاااااااااااااااا
خالد : حب ..؟؟ منو يقول لااااا انا ما اطيح بسهوله
سالم : اجل هذا وش تسميه بالله
خالد : انا اسميه تعجب حب استطلاع روح مغامره ماااابى انهزم يا رجال ابي اعرف
منو
عمر : قلنا لك الشغاله ههههههه
سالم : هههههههههههه أسمع خالد وش رايك اليوم الاثنين وباكر الزفاف لا خلص وش
رايك انت وهالوجيه تجونا أعزمك بيتنا تاخذ لك يومين عندنا والله لتنسى كل
هالتفكير سمه تغيير جو والله يا جونا احلى من جوكم بكثير
عمر : ليه جاى من لندن الاخ
محمد : والله فكره حلوه انت من زمان ما دخلت بيتنا تعال يا رجال خلنا نتونس مع بعض
خالد : والى بمطبخنا ههههههههههههههههه
سالم : خل لغز الى بمطبخكم لا جيت حله
خالد : والله يا سالم أكثر شى أكرهه الطريق الطويل وممشى السياره وفوق هذا رايح
رايح لقريه أعذرنى هالايام بس ان شاء الله على يوم بجيك
( والله عيب الرجال يعزم مهتم وانت بكل برود ترفض )
سالم
سالم : أسلم آمر ما تبى تروح على هواك انا ودى نتجمع لك زمان ما جيت بيتنا يمكن من
5 او 6 سنوات
خالد : والله مدرى بس ان شاء الله بجيكم ولا يهمك
ويكملون سوالفهم ولعبهم ومزحهم
في بيت ابو خالد المعازيم تو ما راحوا رجع الهدوء وخلود مع امها تسولف
خلود : اقول يمه
ام خالد : هلا يمه
خلود : الا بسالك ابو سالم ولد عم ابوى على طول والا من العائله بس
ام خالد : ( تضحك ) انتى من صدق تتكلمين ...؟؟؟ ولد عم ابوك وام سالم بنت عمه
مثل ام ابراهيم والا مخك مقفل
خلود : ههههههه تصدقين يمه والله اشتقت لدلال ومنور مع انهم توهم يروحون يا حلو
سوالفهم يا ليت عندى خوات
ام خالد : اقول اسكتى لا يسمعك ابوك ويلقى عذر من شان الزواج
خلود : ههههههههههههه لا تخافين وين بيلقى وحده تطبخ الذبيحه مثلك
ام خالد : هين خلده والله ما يعرف لك الا خويلد
خلود ك الا هو وينه ..؟؟؟ ههههههههههه خالد راح ينجن هههههههههه
ام خالد اسم الله على وليدى وليه ينجن .؟؟
خلود : اممممممم اقصد من كثر ما يخربط ويهذرى بالبنات راح ينجن
( يا ويلى كنت بتوهق والبنت محلفتنى )
ام خالد : طيب يلا خلينا نروح فوق ...كاااااانتى يا كااااااانتى
كانتى : ( صوتها من المطبخ ) هاااااااا ماما
خلود :هاااا شنو قولى نعم يس مو هااااااا هويتى في بير قولى ان شاء الله
كانتى : ان شاء الله ماما
ام خالد : تعالى نظفي هنا نبى نروح فوق
كانتى : جين ماما
يصعدون فوق وقبل لا تدخل خلود غرفتها تنادى على امها
خلود : يمه
خلود : يمه
ام خالد : شنو بعد
خلود : يمه فديتك لا تنسين تقولين لابوى ابى فلوس من شان الصالون
ام خالد : زين بجيب لك الى يكفيك
خلود : يا بعدهم انتى تصبحين على خير
ام خالد : وانتى من اهل الخير
اما في بيت ام ابراهيم فام أبراهيم ما صدقت تشوف اختها ام ابراهيم
سوت هالشاى المخدر وجابت الحب وقعدت في غرفه هي وام سالم ولا خلوا
سالفه لا حش الا جابوا طاريه واهم شى جاره ام ابراهيم حتى ام خالد ما سلمت منهم
اما البنات فصعدوا فوق لغرفه انوار وفي غرفه انوار
انوار : اخباركم يا القاطعين بالله كم يوم ما تصلتوا علينا ها
دلال : بس من اسبوعين وليش احنا الى نتصل ليش مو انتم
مريم : لا احنا ما نسرف انتوا اتصلوا واحنا نتكلم هههههههههههه
منيره : احنا الى مسرفين ها ... هين والله لاخليك يا مريوم تشتاقين لصوتى هههههه
أنوار : بل بل بل خلاص بنتصل احنا ههههههههههههههه نيران ما تتفاهمون
دلال : انوار شنو اخبار دراستك
انوار : كل شى تمام
مريم : انوار ما عليها الا هالدراسه ومقابل الكمبيوتر هههههههههههه
منيره : دراسه لا لا تكفون فكونا من هالسيره لحد يجيب طاريها ترى ما صدقت اغيب
اليوم وباكر واخذ الاربعاء والخميس والجمعه والله يا عرسكم من احلى الاعراس
الى مرت على ... يا رب أخوانك واخوانى وكل الى نعرف يتزوجون بيوم الاثنين
دلال : هههههههههههههههه يا ويلك على الفكه بس مهو حاصل
منيره : يا رب يحصل وتشوفين اذا جانى فارس الاحلام والله ماابيه فارس... راكب
وانيت يمشى على رجليه بعد عادى المهم يفكنى من قومه الصبح
انوار : وانتى على بالك لا تزوجتى بتفتكين من قعده الصبح ..؟ باكر تجيك عمه تطلع
عيونك هههههههههههههه
مريم : عاد الا العمه يا ويلك ههههههههههههه
دلال : والله ما تأدبها الا العمه لا صارت شريره والله يا منور لتمشين عدل
منيره : علامكم علي والله ما تدرون لو انتم الى تطلع عماتكم شريرات وتطلع عمتى طيبه
وزوجى خبل ..!!!
أنوار : خبل ... وش تبين فيه ؟؟؟
منيره : على شان يودينى ويجيبنى ويقول حاضر يا بعد عمرى وآمرى ويلبى طلباتى
واهاوشه واخذ الى ابيه
مريم : هههههههههههههههه منور يا ويلك من الله يلبى طلباتك وتخانقينه عز الله ما تزوج
ولا عيُن خير
انوار : ههههههههه منور وعرفنا رجلها خبل وامه شريره وانتى دللول عطينا
المواصفات يلا ...
منيره : ههههههههههههههههه تدرون انها اليوم تصافقت مع خالد اخو خلود
انوار : ( فاتحه فمها ) صدق
دلال : تكفون فكونى والله للحين ما نسيت الموقف
مريم : جد خبرينا كيف تقابلتوا .....
دلال : تقابلنا ..؟؟؟ الا قولى انصدمنا !!!
وقامت دلال تقول السالفه ومنيره تعلق عليها
أنوار : ( مندهشه ) من صدق ما قال شى ...؟؟؟ ... طلع ... معقوله ...!!!!
دلال : ايه ليه هالتعجب هذا كله ...؟؟؟
انوار : والله الى يشوفه بالشات يقول هالولد لا يمكن يكون هادئ
دلال : شات ؟؟؟؟ تشوفينه بالشات..؟؟
مريم : ايه يسولف ويلعب ويضحك
دلال : خالد معاكم ؟؟؟ تعرفونه ؟؟؟ ...... هو يعرفكم ؟؟؟
أنوار : ايه بس ما يدرى منو احنا بس وقسم لو تشوفينه ما تقولين انه هذا الى صدمك
دلال : متى يدخل ...؟ الحين فيه ...؟
منيره :توك تقولين لا تذكرونى .....امداك نسيتى ؟؟
دلال : منووووووور بليز انطمى
مريم : منور لو تجين معاى غرفتى وتفتكين من هالمعقدات أحسن لك
منيره : يلا نروح
مريم : اخليكم أنتم احنا بغرفتى
أنوار : روحوا تصبحون على خير مقدما
دلال : انوار
انوار : هلا
دلال : قولى لى متى يدخل خالد
انوار : العاده من بعد العشر موجود
دلال : وكيف عرفتى انه خالد ؟؟؟؟
انوار : أخته خلود قالت لى عن النك نيم حقه وقسم دللول انى متابعته كلامه يجنن
روعه يلعب بالبنات والشباب الى بالشات لعب
دلال : هالجاف يلعب انتى ما شفتى اسلوبه خلللده وين الورق ...لله في خلقه شؤون
( تتكلم بطريقة استفزازيه )
أنوار : ههههههههههه بفتح الدردشه تجين معاى على النت شوى
دلال : تبين الصراحه في بيتنا ادخل دردشه بس ما اتكلم اكثر الوقت اتفرج أضحك
معاهم وعليهم مااشارك لانى انحرج احس انى مااجاريهم بسرعتهم
أنوار : يمكن جهازك بطئ
دلال : ما همنى الشات انوار ادخل النت على شان المنتديات الي مشتركه فيهم انوار
الشات مرات يطلع لك بالخاص كلام يسد النفس وقسم فيه ناس مو متربيه
ومو حلو شكلى لو يدخل واحد من اخوانى والخاص فيه هالكلام
انوار : طوفيه وهو يمشى بسرعه او صكيه اقنور ههههههههههههههههه
يلا تعالى الشات فتح معاى جري الكرسى هذاك وتعالى يلا قولى لى شنو نحط نكنا
دلال : ههههههههه صبر خلينا ندور على نك محترم
انوار : هههههههههههه محترم ؟؟؟؟
دلال : ايه ما فيه صرقعه او يغرى هالمهابيل يعنى غير لافت للنظر
انوار : انتى شنو نكك المعتاد في بيتكم؟
دلال :؟؟؟ ثلاث استفهامات بس ومرات لما يجلس معاى محمد نختار نك مضحك وتعالى
شوفي اللعب الى على اصوله هو ما يعرف يكتب انا اسرع منه وتعالى واضحكى
انوار : أخوك ؟؟؟ من صدق ؟؟؟
دلال : ايه ندخل بنك واحد ونسولف ونوسع صدرنا ونطلع او هو يطفش ويخلينى اقوم
اقوم اطلع اروح للمنتدى
انوار : وسالم ما يقول شى ؟؟؟؟؟؟؟
دلال : الجهاز بغرفه مستقله انوار يعنى مو بغرفتى الخاصه وبابها مفتوح والي يدخل
حياه الله ما اغير الصفحه ولا اخاف من شى على شان كذا سالم يمرنى مرات
يشوفنى شنو اكتب ومرات يقول لى لا تطولين ... امى تقول والله ما عرفناه
في سنين مباركه مهو معميك الا هو وابوى عسى عمره طويل ما يعرف له ولا
ولا يسال عنه
انوار : الا قولى لي منو الى شراه
دلال : سالم من شان ابحاث الجامعه يحب يطالع ويقرأ بس ما يطول عليه كثير والله يا
انوار صار هو تسليتى الوحيده
انوار : صدقتى تنفتح قدامك الوان المعرفة وتنبهرين بكل ما فيه من صفحة الى صفحة
تنفتح ابواب وابواب كل باب اجمل من الثانى
دلال : صدقتى ... الا تعالى خذانى الكلام وعلى لسانى سؤال بقوله
انوار : سمي
دلال : خالد شنو نكه
انوار : هههههههه يا خالد هالى ابتلشنا فيه صدمتيه وبس ولحس عقلك اجل لو تشوفين
اسلوبه وكلامه شنو تقولين
دلال : قولى بس ما لحس عقلى ولا شى بس بعرف هالجاف الى رافع خشمه شنو فيه
زود عن الناس
انوار : دلال خالد مشاكس كثير وحيال اذا دخلنا النت مالنا شغل فيه اوكى لا تحتكين
فيه
دلال : قولى اسمه بس
انوار : هو له نكين واحد اخبا من الثانى الاول لاعب واحول والثانى الصدق ما تعرفنى
دلال : ههههههههههههه لاعب واحول
انوار : قلت لك الي هنا بالجهاز غير الي صدمتيه
دلال : ( تنظر لها نظره خاصه ) شكلك معجبه فيه ؟
انوار: يمكن معجبه باسلوبه معاك بس شخصيته مااظن من كلام أخته انسان معقد جدا
يهاوش ويخانق ولا يعجبه العجب وجاف على قولتك مع اهله
دلال : يمكن كل شى يصير
انوار : تعالى بس تنسلى ولما يدخل خالد اقول لك
دلال : طيب
في الغرفه الثانيه ....... منيره ومريم
مريم : والله وجهها مو شى بالمره انتى ما شفتيه بس سوت هالعمليه وطلعت روعه
منيره : ايه شقت صورها قبل العمليه خشمها وفمها ياي جد هالدكتور والله شاطر الى قدر
يغير وجهها
مريم : شفتى عيونها روعه جناااان
منيره : ايه صادقه زرقاء والكحل اسود طالعه شى شى
مريم : تعالى عندى مجله مسوين معاها لقاء بوريك كم فستان لها انما ايه روعه
اشرايك نقلدها
منيره : وش نقلد فيها نبي نسكر كم فتحه على كم رقعه يا الله نسوى مثلها هههههههه
مريم : الا تعالى صدق دلال صدمت خالد
منيره : هههههههههههه دللول ايه لو شايفه شكلها يوم جات كانها شايفه عفريت
مريم : بصراحه موقف تحسد عليه
منيره : ليه !!!؟؟
مريم : بس كذا للذكرى حتى لو ما صار شى حلوووووووو ههههههه
منيره : اقول لك شنو حاسه فيه انا امممممممم حاسه انها تفكر فيه من صدق انا
اعرف اختى ما يبان عليها تكتم بس هى تفكر والله
مريم : ( تتصفح مجلتها ) خلى دللول واحلامها تعالى شوفي هذا حلووووووو
منيره : ههههههههههههه يا ربى هذا الفستان الى نبى نقلده والله لو نجيب قماش جديد
مل ظنتى يسد هالفراغات
نرجع لدلال وانوار ما ناموا للحين قاعدين يراقبون تحركات خالد وتنقلاته من روم الى
روم بالشات
دلال : كل هذا يجى من خالد
انوار : هههههههههههه كانك مستغربه اخاف الى شفتيه مو خالد يمكن اخوه ؟
دلال : لا خلود تقول هو الملتحى فهد ما عنده لحيه ...... يا ربيه هههههههه والله ما
توقعت هالجاف المرفوع خشمه يكون اسلوبه كذا جنااان
انوار : اشوف قمتى تمدحينه لا يكون خفق القلب ولا لك عليه سيطره
دلال : انوار تبين الصراحه احس انه بدأ ياخذ حيز بقلبى والله هالحيز يكبر شوى شوى
كنت زعلانه ومعصبه حدى بس لو افكر فيها القى هالموقف شى حلو مثل الافلام
انوار : ايه الافلام يا دلال لما البطل جد يسال عن البطله ويدور عليها مو مثل هالى قدامك
على قولته يقطف من كل بستان زهره
دلال : الى يشوفه كذا اصلا يقول ما فيه مكان بقلبه محجوز على الاخر ...وما عنده شغل
الا هالقرويات واستهزائه وكاننا من عصر جد جدى
انوار : قلت لك هذا يبيله وحده تنزل خشمه وتخليه صدق يحب وبجنون
دلال : انا بروم لامى انام عندها ضاق خلقى ههههههههه
انوار : وليه يضيق ؟؟ واحد ما درى عنك ليه تشغلين تفكيرك لا تروحين تنامين عند
خالتى خليك هنا عندى نامى ومنور تنام عند مريوم
دلال : طيب سوى لى فراش
انوار افا عليك انتى تامرين امر
تقوم انوار وترتب لها فراش وكم كلمه تصبحين على خير من وحده لوحده ويطفئ النور
لكن دلال ما نامت بدل ما تنهى هالافكار الى توارد على مخيلتها لقت نفسها تبتسم بالظلام
تتذكره وتضحك على منظره وصدمته يوم شافها ...... صدق منظرى غلط ههههههههه
اطبخ بمطبخهم لا وعينى قويه أعطيه الشاى من ورى ظهرى ولا ارد عليه ههههههههههه
ويستمر الليل الى ان جلاه النهار وفي صباح اليوم الثانى يوم الزفاف جات ام خالد عند ام ابراهيم تعين وتعاون قاعدين بهالصاله يسولفون ويضحكون من هالصبح اما البنات تجمعن وراحوا للصالون وكل وحده تبى تكون احلى وحده لانه الزفاف ناس ومعازيم وحريم تدور بنات الحلال لعيالها طبعا انورا ومريم ومنيره ودلال متفقين يروحون لنفس الصالون الى تبى تجيه خلود بس خلود سبقتهم مع خالد وقالت له انها لا خلصت راح تعطيه رنه ويجى اما انوار والى معها الى خذاهم للصالون سالم ولد الخاله
وبداخل الصالون
انوار : هلاااااااااااا خلوده اخبارك وينك من يومين ما شفتك ؟؟؟
خلود : اولا السلام عليك ثانيا انا الى مو مبينه والا انتى الى ماخذ الزفاف كل تقكيرك
دلال : هلا خلود اخبارك
خلود : ههههههههه هلا والله دلال كيفك ..امس نمتى زين والا لا ( تغمز لها )
منيره : نامت وشبعت نوم انتى شخبارك واخبار الاهل
خلود : طيبين مريووووم هنا هلا وغلا كبرتى يا بنت وجايه الصالون
مريم : ههههههههههه حرام عليكى عمرى 15 شنو تبين اكثر من كذا
خلود : خلاص يا مريومه يا كبيره
انوار : منو جابك خلود ؟؟
خلود : خويلد فيه غيره يلا قولوا لى عن تسريحاتكم وماكياجكم
منيره : والله لو فيه وجه تركيب كامل كان شريت وجه نانسى بس ما فيه على شان كذا
بسوى ماكياج لبنانى وشعرى شلال وبس
مريم : انا بعد مثلك مع الخيل يا شقرا بس برفع شعرى من قدام على شكل بف وماكياجى
طبيعى
انوار : انا لااااا مابى كذا ابي ماكياج خليجى يعنى مليان على الاخر وشعرى بسويه
زوي من تحت من الاطراف وبخليه على هيئته تعرفين خفيف شوى
خلود : وانتى دللول ؟؟؟
دلال : ماكياج ناعم واضح الملامحوشعرى بقصه على دائرتين بفرق ثلاثه سانتى
خلود : دائرتين ... ما فهمت ؟؟
دلال : شعرى مو طويل صح اول شى بساويه من الاطراف وبعدين بقسمه نصفين النصف الاول بقصه على هيئه دائره تفرق عن النصف الثانى الى تحت بقدر ثلاثه سانتى يعنى دائره بطن دائره الحين اكيد مو فاهمه بس لما اسويه راح تشوفينه كيف يجنن ( تلتفت على منيره ) منور خليك وراى لما تقصه لا تلعب بشعرى زين
منيره : افا عليك يا ام التجارب انتى وراك وراك ماعليك
خلود : والله اول ما دخلت كنت مخططه على شى ولما سمعتكم تحيرت ماادرى شنو اسوى ساعدونى هههههههه
دلال : شوفي بالنسبه للشعر والله عندى فكره حلوه انتى شعرك كثيف كثير وطويل وشورى عليك تقصينه ثلاث قصات
خلود ك ( مستغربه ) ثلاث قصات كيف ؟؟؟؟
مريم : بتشيلينه لها من الصفر انتى هههههههههههه
انوار : دلال ليه ثلاث قصات حرام شعرها الى ركبتهاوكثيف تقوم تقصه
منيره : هيييي اسمعوا دللول والله انى معاها وفاهمتها شنو تبى تقول
خلود : قولى دللول
المدام : يلا بنات مين بدها تبأ هلأ فيه مكانين فاضيين
انوار : انا مدام بس ثوانى لو سمحتى بسمع دلول وبجيك .. دلال التسريحه قولى بسرعه
منيره : وانا
دلال : انا قصدى يا خلود تخلينه من ورى على طوله بس تساوينه من تحت والجزء الثانى بما انه شعرك كثيف تاخذين من زلوفك من جهه الاذن نزولا للكتف وتقصينه بمعنى الى يوقف قدامك يفكر شعرك الى كتفك لكن لما تلفين راح ينيهر زياده بطوله وكثافته
خلود : ههههههههه حلوووو والقصه الثالثه ؟؟
دلال : الثالثه تقصين لك قذله غره مدرجه متشابكه مع الزلوف والله راح يطلع منظرك روعه
خلود : طيب الشعر وخلصنا منه والماكياج كيف ؟؟
دلال خليه لبنانى
مريم : اخذى الوان فستانك انتى
دلال : صح خليه مكثف احلى لانه عرس وراح نطول
خلود : هههههههههه أثاريك خطيره دللول
انوار : ما عليك القرويه تعجبك
خلود : ونعم فيها الحلا والنور كله ( بتعجب )
المدام : يلا بنات ما عندنا شغل الا انتوا هلأ راح يجى زبونات
مريم : يلا يلا
انوار : طيب مدام اسفين يلا
ويستمر العمل بالصالون على اكمل وجه
انوار : هااا بنات خلصتوا ...؟؟؟
منيره : ايه انا خلصت
مريم : وانا بعد بس ثوانى اصبغ اظافرى
خلود : هييييييييييي لا تروحون وتخلونى صبروا باقى شوى بس تحط الماسكرا بس
دلال : انا بعد خلصت ... خلود ما راح نخليك بنقعد معاك الى ان يجيك اخوك بتصل على اخوى يجينا على ما يوصل تكونين خالصه
خلود : اجل انا بتصل على اخوى يوصل مع اخوك هههههههههههه
دلال : الووووووووو
سالم : هلا دللول خلصتوا ...؟؟
دلال : ايه تعال
سالم : تقدرون تنتظرون ساعه او ساعه ونص
دلال : ليه ( مستغربه )
سالم : السياره تعطلت ولازم لها تصليح ما عنك من البنات احد تعرفينه ؟؟؟
دلال : الا معانا بنت ام خالد
سالم : بنت عمى ابو خالد .؟؟
دلال : ايه
سالم : انحلت المشكله رايحه لنفس الصاله هى خليها توصلكم
دلال : الى جايبها خالد ( كانها تعلن رفضها الصريح )
سالم : سيارته صغيره قصدك ؟
دلال : مدرى
سالم ( بعصبيه ) اساليها شنو سيارتهم
دلال : خلود انتى جايه على اى سياره سالم تعطلت سيارته ويقول خلى خلود تجيبكم معاها
خلود : سياره خالد صغيره بس بقوله يجيب السوبر الحين اتصل عليه
دلال : الوووووو تقول سوبر
: خلاص تعالوا معاها وانا بروح اصلح سيارتى على شان الحق على الزفاف

بكمل الجزء الثالث بعد مااشوف الردود اذا فيه ردود