هل مهري يعكس قيمتي

رد: هل مهري يعكس قيمتي

8
8
لي مداخله

ههههههه تفضل مين عزيزي هذا شرع بالقران والسنه مافيه تفضيل

وكتب انه يكون من قبل الرجل ....

ومعك حق في الكلام اللي بعده

وبعدين الحرمه ما تطلب الطلاق من فراغ اكيد له اسباب وصدقني يا خيووو

لو دفعت مليون لكنها عافت زوجها بسبب حماقته راح تطلب طلاق

ولا راح تفكر بهالفلوس زي ما تفكر براحتها ...

هذه وجهه نظري الشخصيه طبعا ولا يفسد للود قضيه

احترامي

رد: هل مهري يعكس قيمتي

وجهة نظر سليمة وأنا متقبلها
بس ماتدفعين مهري وتاخذيني
مرسي

رد: هل مهري يعكس قيمتي

8
8

الله يمرس عداوينك

هههههههه الحين متقبلها يقالك ونت تقول هالحكي

والله ظحكتني وحنا بتالي الليل

اركد ونا امك

<<-- مسويه عجوز

رد: هل مهري يعكس قيمتي

كلامكم وآرائكم كلها مفحمه

صحيح مهري ما يحدد قيمتي بس انا ابغي مهر يسواني كيف كنت وكيف عشت وكيف اعيش بعدين
طبعا انا اتكلم بصفه عامه عن البنت
وشكرا جزيلا للمداخلات الثريه
وبنتظار راي الكل

رد: هل مهري يعكس قيمتي

حلو جداً

طيب الحين نويت تتزوج وراتبك - بحكم انك مالك فترة طويله متخرج - مثلا 4000 او 5000 ريال

طبعا راح تاخذ قرض عشان مصاريف الزواج .. اخذت مثلا 200.000 مع قيمة المهر وتزوجت

كيف البنت تبي تضمن حياة كريمه مع شخص مثقل بالديون اللي راح تمتد مدة تسديدها لسنتين او ثلاث او اربع ؟

حيصير الوضع متأزم اشوي ولا راح تلقى كل اللي تبيه لأن زوجها مديون وأصلاً مو من الذوق انها تثقل عليه أكثر وهو توه بادي حياته

وطبعا انتي ماراح تتزوجين واحد وضعه المادي اضعف منك لأنه ماحيصير فيه تكافئ

بالمقابل لو ان مهرك كان معقول وتزوجتي اولا راح يحس بقيمتك لأنه بيحس انك شريتيه ولا همتك الفلوس ثاني حاجه كل اللي تبينه بتلقينه قدامك طبعا حسب قدرته وبتصير الحياة جنة بالنسبة لِك

المشكلة ان البنات يناظرون لرفيجاتهم هذي مهرها كان مية انا ليش اقل ؟ والله ما أرضى وراح تقعد طول عمرها تنتظر مهر رفيجتها لين يجي عليها وقت تعض يدينها ندم

ترى المهر تقرر عشان تجهز العروس .. واله لو عندي بنت وجاني واحد يخطبها واعرف انه رجل كفو اعطيه بنتي لو يعطيني مهر 10000
بعطيه البنت .. انا ابي اسعد بنتي طول عمرها مو فترة قبل الزواج وبس وتعيش بعدين فترة طويله محرومه من اشياء كثير

منطق بعض البنات في المهور مبني على اشخاص حولهم اخذوا مهور عاليه لكن البنت تنظر لنفسها وتعرف انها بتعيش مع هالشخص لحالها طول العمر .. طول العمر .. ليش ترهقه الحين وهي واثقه ان حالته الماديه مستقبلا راح تنعكس عليها بسبب الديون ( طبعا اتكلم عن الموظفين العاديين ذوي الدخل المحدود )


.. هذي وجهة نظري وبالتوفيق

رد: هل مهري يعكس قيمتي

وجهة نظر سليمه

بس المهر العالي للبنت مو يعبر عن قيمتها لالا يعبر عن قدرها بعيون زوج المستقبل
والقرض الي تتكلم عنه اخي الفاضل
مسيره بينتهي وترجع الامور احلى ما كان
وطبعا هي بتقدر هذي الظروف وبتصبر ليما خلص قرضه
وبعدين بتنطلق
يالطيب الناس الحين غير عايشين على القروض
بشتري اثاث خذ قرض
بتسافر خذ قرض
بتشتري سياره خذ قرض
تبغي اسهم خذ قرض
يعني اشمعنى الزواج تستكثرون تاخذون قروض
ههههههه دار راسك اكيد
هلا وسهلا بيك

رد: هل مهري يعكس قيمتي

استاذتي

انا ماستكثرت قرض الزواج لكن راح ينعكس على وضعهم المادي اكيد صح ؟

طيب اذا انتي قدرك بعيون زوجك مربوط بالمهر او بالفلوس بشكل عام .. وش هالحياة هذي اللي تقررها الفلوس او تقرر التآلف وقدر الزوجه عند الزوج ؟

المهر الحين صار هم بهالوقت بالنسبة للعزاب والمفروض البنات يقدرون هالشي لان مو كل المجتمع من الطبقة الغنية

رد: هل مهري يعكس قيمتي

الفاااالحة يسلمووو على طرررح هيك مووووضوووع له قيمته

قيمة المراءه ليس بالمهررررر


قيمتهاااا هي اخلاقهااااا العاااااليه اهم شي انه يكوون

فيه شخص يقدررر المراءه ويتحمل كاااامل مسئوليتهااا

وان يراااعيهاااا ويحفظ عليه وهي كذلـــــــك

واماا بالنسبة للمهررر هو من الكمااااليااات التي تعووودنااا عليهااا

الحب والتفااااهم والسعااادة بين الزوووجين لا تشترررى باااالمااااال

انمااا بالموووده والمحبه بينهماااا اذا اتفقاااا


تقبلي مرووووري

رد: هل مهري يعكس قيمتي

استاذتي

انا ماستكثرت قرض الزواج لكن راح ينعكس على وضعهم المادي اكيد صح ؟

طيب اذا انتي قدرك بعيون زوجك مربوط بالمهر او بالفلوس بشكل عام .. وش هالحياة هذي اللي تقررها الفلوس او تقرر التآلف وقدر الزوجه عند الزوج ؟

المهر الحين صار هم بهالوقت بالنسبة للعزاب والمفروض البنات يقدرون هالشي لان مو كل المجتمع من الطبقة الغنية

اولا الاستاذ انته مو انا وهذا واضح من اسلوبك في النقاش
بس في نقطه فاتتك يا استاذي قولي ايش هيه
هههه انت قلت ايش هيه
طيب لنفرض ان القرض استمر 4 سنوات وعاشوا في وضع مادي صعب اشوي
بس في حاجه مضيعه االوضع الصعب
وهي ان الزوجه من تقدير زوجها لها ينعكس على زوجها محبه ودلال وعز وحياه عائليه مستقره بعد العزوبيه
المتعبه .. وهذي تفرق وايضا بتنسي الدين وهمه ووفتره بتعدي وصدقني انه في العيله عندنا حصلت لواحد من القرايب
وافق على طلبات الزوجه وصارت ملكه في يوم زفافها وطبعا بالقرض
وبعدها اصبرت على المعيشه وياه على الفين تصفى من راتبه
ومرت الايام والحين متساعدين وحصلوا على بيت من الهيئه الي يشتغل فيها وجابت له ولد
وعايشين بسعاده ليش لانهم كل واحد قدر الثاني وتفاهمو من البدايه يسعدها في الاول وتسعده في النهايه
وهذي اعتبرها معادله وصدقني الرجل لما يبذل للمراءه الغالي والرخيص من اجل يحصل عليها بيضل في عيونها عالي المقام مدى العمر بمشيئته تعالى
فلا ترخصون في الخطيبه ولا اتعزون عليها شيء من الاول لانها الانطلاقه الاولى للسعاده
واسال مجرب ولا تسأل طبيب ههههها
اكيد دار راسك بس لازم اوصلك وجهة نظري
وعساها اوصلت

رد: هل مهري يعكس قيمتي

العقرب انا قايله مافي حوار بيني وبينك
ولا حتى مزح
بس معليش كلامك في هذا الموضوع على العين والراس
انت تقول

فيه شخص يقدررر المراءه ويتحمل كاااامل مسئوليتهااا

طيب كيف تكتشف انه بيقدر ها وبيتحمل مسؤلياتها وهي لا اتعرفه ولا تخبره ومثلك عارف في مجتمعنا اغلب الزواجات
حظ ونصيب يا تصيب يا تخيب
والطريقه الوحيده لمعرفة انه انسان يعتمد عليه ويقدرها
وهي معرفة الطريقه الي بيدبر نفسه فيها والتصرف الي بيتصرفه في تلبية طلبات زوجة المستقبلواسعادها
وشرحت لجوي صعب المعادلة ارجع لها وافهمها قبل لا تقدم على الزواج
وشكرا لمرورك الكريم

رد: هل مهري يعكس قيمتي

أختي يالفالحة سؤال هل لو ندفعلك مهر غالي خلينا نقول 100000مائة ألف بشرط تعيشين مع أم زوجك وفي البيت أخوانه وفي غرفة لاتخرجين منها ألى في أوقات يكونون مهم فيه ألى أجل غير مسمى هل تقبلين ؟
وتعقيبا على ماذكرتيه عن قريبك هل تتعتبرين زيادة المهر سعادة لدى البنت؟
غثيث وكثير أسألة صح
تقبلي مروري

رد: هل مهري يعكس قيمتي

ان كان قادر يعطيني 100000الف ما يقدر يأمن لي سكن حتى لو غرفتين
اعتقد با قول له اقسم البلد نصفين نصف من المئه لي مهر
والنصف الثاني يامن لي سكن اعيش معاه فيه حتى ولو بفقر
ههههههه
لا لا غثيث ولا شئ وحياك يعني قاعدين نتناقش يا اقنعكم بوجهة نظري يا تقنعوني
اما بالنسبه للسؤال الثاني
نعم زيادة المهر وتلبية طلباتي بيوم فرحتي الاولى والاخيره سعاده ما بعدها سعاده
لاني ببتدي حياتي مع واحد يدور على سعادتي من البدايه
اما بالنسبه للمعيشه مع اهل الزوج بهذا الشكل لا ابدا اقعد مع اهلي احسن لي
وطبعا هذا موضوع ثاني يا اعتز
وترى العزوه الي انت تعتز فيها تراها تعيين وقت اللزوم
ولا بتحتاج قروض
هنهنهنهنهنهن
والا انت لك راي ثاني

رد: هل مهري يعكس قيمتي

حشا مالي رأي بعد رايك
أقدر أقول أنك من عزوتي أن كان أيوة
هيا سلفيني أبغا أروح أتزوج
ههههههههههههههههههههههههههههههههههههااااااااا ااي

رد: هل مهري يعكس قيمتي

ههههههههههااااااااااااااااااييييييييي

يعني اقتنعت

ومدامك اقتنعت برايي يعني انت من عزوتي
وابشر بسعدك لاجمع لك 100000 الف من عزوتك
بس بشرط ما تبخل على خطيبتك
هههههه واتخنصر من المهر
اسعدني التحاور معك اخي الكريم

رد: هل مهري يعكس قيمتي

أنا الي أسعد وكان تريدين أني أسعد خطيبتي طبعا بعد ما تجمعين الفلوس
تعطينا من خبرتك قليل وتعلمينا وش نقول
وشكرا يافلوحة