ادخل واكتب ظاهره تتمنى زوالها

رد: ادخل واكتب ظاهره تتمنى زوالها

ظاهره لاتناسب ديننا الحنيف ...وعاداتنا وتقاليدنا


ظاهره منتشره خصوصا في الوسط الفني
والمشكله انهم عرب ومسلمين
وبدت عندنا هنا
طبعا شبابنا شباب مقلد لامنتج
وهي لبس الرجال او ممن يسمون نفسهم بالرجال للسلاسل والاساور



ثانكس خانتني يارائدة كل مفيد

رد: ادخل واكتب ظاهره تتمنى زوالها

يسلمو جالكسي على المرور الرائع

رد: ادخل واكتب ظاهره تتمنى زوالها

مشكوره خانتني عالموضوع اللي زيك يا عسل

اما انا فحاب اتكلم عن ظاهرة التلفظ بالكلمات الدخيله وعدم الاعتزاز لا بالحضاره ولا باللغه ولا بالعادات ولا التقاليد

بل واصبحت الآن اكثر من ظاهره فقد لا تخلو محادثه واحده الا وتوجد بها هذه الافاظ

زي { هااااااي !!! مرسي ، ايزي ، باااااي ... وغيرها كتيير }

وتنتشر هادي الظاهره انتشار واسع بين الجيل الشاب !!.. . شباب وصبايا
وادخلو اي شات وشوفو اش هوا الكلام اللي بينكتب لدرجة انها صارت اختصارات
والعتب علينا قبل ما يكون على المشرفين حقين الشات لاننا احنا لو ما اتكلمنا بدي الطريقه ماكان المشرف فكر انو يسويلنا هيا
هدا كلو والشاتات عندنا تعتبر اهون بكتيير من برا
زي لبنان مثلا حتى صار الكلام العربي ينكتب بالحروف الانجليزيه

هدا غير القنوات والتواقيع يا خانتني والـ والـ والـ ... الخ

والكل يعرف ان اللغه العربيه لغة خير الامم وبيها نزل افضل كتاب واتكلم اكرم الخلق وهيا لغة اهل الجنه كمان
فاللي بيحسب ان التطور والرقي والحضاره فانو يتكلم بلغه اجنبيه تانيه يقارنها بس مع مميزات اللغه العربيه
وحتى لو كانت اللغه العربيه مي متميزه _وهي ليست كذلك .. .اقصد انها متميزه_ فالواجب علينا اننا نعتز ونفتخر بيها وما نتكلم بغيرها
وشوفو اهل اليابان مثلا.. . لينج طنق والكل عارف كيف لغتهم تشنج بنق ومع كدا فهما ما يتكلمو بغيرها نهائيا وبتاتا وقطعيا _ ليه محل كوافيره هوا .. . هيه هيه هييه


وابغى ارد بس على بعض المشاركات اللي جاتك خانتني

زي اللي قالت ظاهرة الشعر الطويل
وانا اشوف انها بصراحه عاده غير سيئه .. . وانا مطول شعري كمان
بالعكس هيا تمسك بالعادات والتقاليد والدين كمان
لان العرب زماان كانو يطولو شعورهم والرسول _صلى الله عليه وسلم_ كان مطول شعرو

وفي حاجه تانيه كمان .. . ان كنتو تعتبرو ان الكريمات والزيوت هيا من شغل البنات بس
حتكونو غلطانين لانو الرسول _صلى الله عليه وسلم_ وهو سيد الرجال
عرفنا عنو في احد احاديث انس _رضي الله عنه_ انو كانت يدو الين من الحرير والديباج وكان ايضا عليه الصلاة والسلام يزيت شعرو


وانا بصراحه ما اشوف مناظر بعض الشباب اليوم وخصوصا دحين فايام الشتا انها من الرجوله
وانا لسه بدرس لين دحين وباشوف اشكال بعض الطلاب اللي ما يهتمو ببشرتهم كيف بتكون مع البرد في الصباح


وسامحوني عالاطاله

والى اللقاء مع المشاركه القادمه
مع اسمى تحياتي
:: عبـــــادي ::

رد: ادخل واكتب ظاهره تتمنى زوالها

يسلموووووووو عبادي على المشاركه الرائعه